Cooker : ಪ್ರತಿಯೊಂದು ಅಡುಗೆಮನೆಯಲ್ಲಿ ಹಾಲು, ತರಕಾರಿ ಮಾತ್ರ ಹಾಳಾಗುವುದಿಲ್ಲ. ನೀವು ದಿನ ನಿತ್ಯ ಬಳಕೆ ಮಾಡುವ ಪ್ರೆಶರ್ ಕುಕ್ಕರ್ ಅವಧಿ ಕೂಡಾ ಮುಗಿಯಬಹುದು. ಇದು ಗಟ್ಟಿಮುಟ್ಟಾಗಿ ಕಂಡುಬಂದರೂ, ಹಳೆಯ ಪ್ರೆಶರ್ ಕುಕ್ಕರ್ ಅತ್ಯಂತ ವಿಷಕಾರಿ ವಸ್ತುವಾಗಿರಬಹುದು. ಈ ಕುರಿತಾಗಿ ವೈದ್ಯರೊಬ್ಬರು ಮಾಹಿತಿ ಹಂಚಿಕೊಂಡಿದ್ದಾರೆ.
ಮೂಳೆ ಶಸ್ತ್ರಚಿಕಿತ್ಸಕ ಮತ್ತು ಕ್ರೀಡಾ ಮತ್ತು ವ್ಯಾಯಾಮ ವೈದ್ಯಕೀಯ ತಜ್ಞರಾದ ಡಾ. ಮನನ್ ವೋರಾ ಹಳೆಯ ಕುಕ್ಕರ್ಗಳನ್ನು ಬದಲಾಯಿಸುವುದು ಏಕೆ ಅಗತ್ಯ ಎಂದು ಅವರು ತಮ್ಮ ವೀಡಿಯೊದಲ್ಲಿ ವಿವರಿಸಿದ್ದಾರೆ.
ಡಾ. ವೋರಾ ಹೇಳುವಂತೆ, ಕುಕ್ಕರ್ ತುಂಬಾ ಹಳೆಯದಾದಾಗ, ಅದರಿಂದ ಸ್ವಲ್ಪ ಪ್ರಮಾಣದ ಸೀಸ ಸೋರಿಕೆಯಾಗಲು ಪ್ರಾರಂಭಿಸುತ್ತದೆ, ಅದು ನೇರವಾಗಿ ನಿಮ್ಮ ಆಹಾರಕ್ಕೆ ಹೋಗುತ್ತದೆ. ಅತ್ಯಂತ ಅಪಾಯಕಾರಿ ವಿಷಯವೆಂದರೆ ಸೀಸವು ನಿಧಾನವಾಗಿ ರಕ್ತ, ಮೂಳೆಗಳು ಮತ್ತು ಕಾಲಾನಂತರದಲ್ಲಿ ಮೆದುಳಿನಲ್ಲಿ ಸಂಗ್ರಹವಾಗುತ್ತದೆ. ಇದು ಅನೇಕ ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡಬಹುದು.
ದೇಹದಲ್ಲಿ ಸೀಸದ ಶೇಖರಣೆಯು ನಿಮ್ಮ ನರಮಂಡಲವನ್ನು ದುರ್ಬಲಗೊಳಿಸುತ್ತದೆ, ಐಕ್ಯೂ ಮಟ್ಟವನ್ನು ಕಡಿಮೆ ಮಾಡುತ್ತದೆ ಮತ್ತು ಸ್ಮರಣೆಯ ಮೇಲೆ ಪರಿಣಾಮ ಬೀರುತ್ತದೆ.
ನಿಮ್ಮ ಕುಕ್ಕರ್ 10 ವರ್ಷಕ್ಕಿಂತ ಹಳೆಯದಾಗಿದ್ದರೆ ಅಥವಾ ಅದರೊಳಗೆ ಗೀರುಗಳು, ಕಪ್ಪು ಕಲೆಗಳು ಅಥವಾ ಬಣ್ಣ ಬದಲಾಗಿದ್ದರೆ, ವಿಷಕಾರಿ ವಸ್ತುಗಳು ಹೊರಬರುವ ಸಾಧ್ಯತೆಯಿದೆ. ಕುಕ್ಕರ್ ಅನ್ನು ತಕ್ಷಣ ತೆಗೆದುಹಾಕಬೇಕು.
ಡಾ. ವೋರಾ ಅವರ ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ಆರೋಗ್ಯ ಕುರಿತಾಗಿ ಜಾಗೃತಿಗೆ ಅಗತ್ಯ, ಸ್ಟೇನ್ಲೆಸ್ ಸ್ಟೀಲ್ ಪ್ರೆಶರ್ ಕುಕ್ಕರ್ ಖರೀದಿಸಿ. ಅಲ್ಯೂಮಿನಿಯಂ ಬಿಡಿ, ಸ್ಟೇನ್ಲೆಸ್ ಸ್ಟೀಲ್ ಬಳಸಿ. ನೀವು ಅದನ್ನು ತಲೆಮಾರುಗಳವರೆಗೆ ಬಳಸಬಹುದು ಎಂದು ಕಾಮೆಂಟ್ ಮಾಡುತ್ತಿದ್ದಾರೆ.