ನವದೆಹಲಿ: ಶಿಕ್ಷಣ ಸಚಿವಾಲಯದ ಯುಡಿಐಎಸ್ಇ ದತ್ತಾಂಶವು 2024–25ನೇ ಸಾಲಿನಲ್ಲಿ ಮೊದಲ ಬಾರಿಗೆ ಶಾಲಾ ಶಿಕ್ಷಕರ ಸಂಖ್ಯೆ 1 ಕೋಟಿ ದಾಟಿದೆ ಎಂದು ಮಾಹಿತಿ ನೀಡಿದೆ. 2024-25ನೇ ಸಾಲಿನಲ್ಲಿ ಶಾಲೆಗಳಲ್ಲಿ ವಿದ್ಯಾರ್ಥಿಗಳ ಒಟ್ಟು ದಾಖಲಾತಿ ಅನುಪಾತ (ಜಿಇಆರ್) ಕೂಡ ಹೆಚ್ಚಾಗಿದೆ ಎಂದು ದತ್ತಾಂಶದಲ್ಲಿ ಸಚಿವಾಲಯ ತಿಳಿಸಿದೆ.
2024-25ರ ಅವಧಿಯಲ್ಲಿ ಭಾರತದಲ್ಲಿನ ಶಿಕ್ಷಕರ ಸಂಖ್ಯೆ 10 ಮಿಲಿಯನ್ ಗಡಿ ದಾಟಿದ್ದು, ಇದು 2022-23 ಕ್ಕೆ ಹೋಲಿಸಿದರೆ ಶೇಕಡಾ 6.7 ರಷ್ಟು ಏರಿಕೆಯಾಗಿದೆ ಎಂದು ಶಿಕ್ಷಣ ಸಚಿವಾಲಯ ಇಂದು (ಆ.28) ತಿಳಿಸಿದೆ. ಶಿಕ್ಷಣಕ್ಕಾಗಿ ಏಕೀಕೃತ ಜಿಲ್ಲಾ ಮಾಹಿತಿ ವ್ಯವಸ್ಥೆ (UDISE) ಪ್ಲಸ್ ದೇಶಾದ್ಯಂತ ಶಾಲಾ ಶಿಕ್ಷಣ ದತ್ತಾಂಶವನ್ನು ಒಟ್ಟುಗೂಡಿಸಲು ಶಿಕ್ಷಣ ಸಚಿವಾಲಯವು ನಿರ್ವಹಿಸುವ ದತ್ತಾಂಶ ಒಟ್ಟುಗೂಡಿಸುವ ವೇದಿಕೆಯಾಗಿದೆ. ಶಿಕ್ಷಕರ ಸಂಖ್ಯೆಯಲ್ಲಿನ ಹೆಚ್ಚಳವು ವಿದ್ಯಾರ್ಥಿ ಹಾಗೂ ಶಿಕ್ಷಕರ ಅನುಪಾತವನ್ನು ಸುಧಾರಿಸಲು, ಗುಣಮಟ್ಟದ ಶಿಕ್ಷಣವನ್ನು ಖಚಿತಪಡಿಸಿಕೊಳ್ಳಲು ಮತ್ತು ಶಿಕ್ಷಕರ ಲಭ್ಯತೆಯಲ್ಲಿನ ಅಸಮಾನತೆಗಳನ್ನು ಪರಿಹರಿಸುವ ಒಂದು ನಿರ್ಣಾಯಕ ಹೆಜ್ಜೆಯಾಗಿದೆ.
(ಏಜೆನ್ಸೀಸ್)
ವಿಶೇಷವಾಗಿ ಮಾಧ್ಯಮಿಕ ಹಂತದಲ್ಲಿ ಈ ಸುಧಾರಣೆಗೆ ಮಾಧ್ಯಮಿಕ ಶಿಕ್ಷಣವನ್ನು ನೀಡುವ ಶಾಲೆಗಳ ಸಂಖ್ಯೆಯಲ್ಲಿನ ಹೆಚ್ಚಳವೇ ಪ್ರಮುಖ ಕಾರಣವಾಗಿದೆ. ಈ ವಿಸ್ತರಣೆಯು ನಿರಂತರ ದಾಖಲಾತಿಯನ್ನು ಉತ್ತೇಜಿಸಿದೆ. ಒಟ್ಟಾರೆಯಾಗಿ ಹೆಚ್ಚುತ್ತಿರುವ ಶಿಕ್ಷಣ ವ್ಯವಸ್ಥೆಯಲ್ಲಿನ ಪ್ರಗತಿ ಬಲವಾದ ಕಾರಣವಾಗಿದೆ ಎಂದು ಸಚಿವಾಲಯ ಹೇಳಿದೆ.
ಕಳೆದ ಎರಡು ವರ್ಷಗಳಿಗೆ ಹೋಲಿಸಿದರೆ, ಅಂದರೆ 2022 ಹಾಗೂ 23 ಮತ್ತು 2023-24 ಕ್ಕೆ ಹೋಲಿಸಿದರೆ 2024–25 ಶೈಕ್ಷಣಿಕ ವರ್ಷದಲ್ಲಿ ಪೂರ್ವಸಿದ್ಧತಾ, ಮಧ್ಯಮ ಮತ್ತು ಮಾಧ್ಯಮಿಕ ಹಂತಗಳಲ್ಲಿ ಶಾಲೆ ಬಿಡುವ ದರಗಳು ಗಮನಾರ್ಹವಾಗಿ ಕಡಿಮೆಯಾಗಿದೆ. ಪೂರ್ವಸಿದ್ಧತಾ ಹಂತದಲ್ಲಿ ಹಿಂದಿನ ವರ್ಷಕ್ಕೆ ಹೋಲಿಸಿದರೆ ದರವು ಶೇ. 3.7 ರಿಂದ ಶೇ. 2.3 ಕ್ಕೆ, ಮಧ್ಯಮ ಹಂತದಲ್ಲಿ ಶೇ. 5.2 ರಿಂದ ಶೇ. 3.5 ಕ್ಕೆ ಮತ್ತು ಮಾಧ್ಯಮಿಕ ಹಂತದಲ್ಲಿ ಶೇ. 10.9 ರಿಂದ ಶೇ. 8.2 ಕ್ಕೆ ಇಳಿದಿದೆ.