ಬೆಂಗಳೂರು: ದಕ್ಷಿಣ ಕ್ಯಾಲಿಫೋರ್ನಿಯಾದ ಕರ್ನಾಟಕ ಸಾಂಸ್ಕೃತಿಕ ಸಂಘದಿಂದ ಇತ್ತೀಚೆಗೆ ಆಯೋಜಿಸಿದ್ದ ನಾಟಕೋತ್ಸವ ಯಶಸ್ವಿಯಾಗಿದೆ. ಪ್ರದರ್ಶನಗೊಂಡ ವಿಭಿನ್ನ ಕಥಾ ಹಂದರವುಳ್ಳ ನಾಲ್ಕು ನಾಟಕಗಳು ಪ್ರೇಕ್ಷರನ್ನು ರಂಜಿಸಿದವು.
ಬಿ.ಎಲ್. ಮುರುಳಿ ನಿರ್ದೇಶನದ "ಇಲ್ಲೊಂದು ಸಮಸ್ಯೆ ಇದೆ' ನಾಟಕ ಇಂದಿನ ಕಾಲಟ್ಟದ ಜನರು ಸಾಮಾಜಿಕ ಜಾಲತಾಣ, ಅಂತರ್ಜಾಲ ಹಾಗೂ ತಂತ್ರಜ್ಞಾನವನ್ನು ಎಷ್ಟು ಅವಲಂಬಿಸಿದ್ದಾರೆ. ಈ ವ್ಯವಸ್ಥೆಗಳಿಲ್ಲದಿದ್ದರೆ ಹೇಗೆ ಚಡಪಡಿಸುತ್ತಾರೆ ಎಂಬುದನ್ನು ಪ್ರದರ್ಶಿಸಿತು. ಮದುವೆಯಾದ ನಂತರದ ದಿನಗಳಲ್ಲಿ ಹೆಣ್ಣು ಎದುರಿಸುವ ಸಮಸ್ಯೆಗಳ ಬಗ್ಗೆ ಪವನ್ ಜಾನಕಿರಾಮ್ ರಚಿಸಿ, ಶಿವ ಸುಬ್ರಮಣ್ಯ ನಿರ್ದೇಶಿಸಿದ "ಆಂಟಿ' ನಾಟಕ ತಿಳಿಸಿಕೊಟ್ಟಿತು.
ಕೆ.ಪಿ. ಮೋಹನಚಂದ್ರ ನಿರ್ದೇಶನದ "ನಮ್ಮ ಮಗನಿಗೆ ಒಂದು ಹೆಣ್ಣು ಕೊಡಿ' ನಾಟಕ ಇಂದಿನ ಪರಿಸ್ಥಿತಿಯಲ್ಲಿ ಮದುವೆಗೆ ಕನ್ಯೆ ಸಿಗುವುದು ಎಷ್ಟು ಕಷ್ಟ ಎಂಬುದನ್ನು ಬಿಂಬಿಸಿತು. ಗುರುಪ್ರಸಾದ್ ರಾವ್ ನಿರ್ದೇಶನದ "ರೈಲು ಭೂತ' ನಾಟಕ ಪ್ರದರ್ಶನಗೊಂಡವು.
ನಾಟಕೋತ್ಸವದಲ್ಲಿ ವಿದ್ಯಾರ್ಥಿಗಳಿಗೆ ಆಯೋಜಿಸಿದ್ದ ಚಿತ್ರಕಲೆ ಹಾಗೂ ಕನ್ನಡ ಕೂಟದಿಂದ ಆಯೋಜಿಸಿದ್ದ ಆಟೋಟಗಳ ಸ್ಪರ್ಧೆಗಳ ವಿಜೇತರಿಗೆ ಬಹುಮಾನ ವಿತರಿಸಲಾಯಿತು.
ಕರ್ನಾಟಕ ಸಾಂಸ್ಕೃತಿ ಸಂಘದ ಅಧ್ಯಕ್ಷ ಅನಂತ್ ಪ್ರಸಾದ್ ಅಧ್ಯಕ್ಷತೆ ವಹಿಸಿದ್ದರು. ನಾಟಕೋತ್ಸವದ ಸಂಯೋಜಕ ಮಹೇಶ್ ಅಲಂಪಳ್ಳಿ, ಕರ್ನಾಟಕ ಸಾಂಸ್ಕೃತಿಕ ಸಂಘದ ಪದಾಧಿಕಾರಿಗಳು, ನಾಟಕೋತ್ಸವದಲ್ಲಿ 400ಕ್ಕೂ ಅಧಿಕ ಅನಿವಾಸಿ ಕನ್ನಡಿಗರು ಪಾಲ್ಗೊಂಡಿದ್ದರು.