ನೂರು ರೂಪಾಯಿ ಗುಳಿಗೆಯಿಂದ ಝೊಂಬಿಯಾದ ಯುವಕ: ಥಾಣೆಯ ವೈರಲ್​ ವಿಡಿಯೋಗೆ ಪೊಲೀಸರು ನೀಡಿದ ಸ್ಪಷ್ಟಣೆ ಏನು? Viral Video

ಮಹಾರಾಷ್ಟ್ರ: ಕೆಲ ದಿನಗಳ ಹಿಂದೆ ಮಹಾರಾಷ್ಟ್ರದ ತಾಣೆಯಲ್ಲಿ ಒಬ್ಬ ಯುವಕ ರಸ್ತೆ ಮಧ್ಯೆಯಲ್ಲಿ ಮೈ ಮೇಲೆ ಪ್ರಜ್ಞೆಯಿಲ್ಲದೆ, ಒಂದೇ ಸ್ಥಳದಲ್ಲಿ ನಿಂತು ಕೊಂಡಿರುವ ವಿಡಿಯೋ ಸಖತ್​ ವೈರಲ್ (Viral Video)​ ಆಗಿತ್ತು. ಈ ವಿಡಿಯೋವನ್ನು ನೋಡಿದ ಜನರು ಇದೊಂದು ಝೊಂಬಿ ವೈರಸ್​/ ಡ್ರಗ್ಸ್​ ಎಂದು ವದಂತಿ ಹಬ್ಬಿಸಿದ್ದರು. ಈಗ ಈ ವದಂತಿಗಳಿಗೆ ಮಹಾರಾಷ್ಟ್ರ ಪೊಲೀಸರು ತೆರೆ ಎಳೆದಿದ್ದಾರೆ.

ಏಪ್ರಿಲ್​ 15 ರಂದು ಸೋಷಿಯಲ್​ ಮೀಡಿಯಾನಲ್ಲಿ ಹರಿದಾಡಿದ್ದ ಈ ವಿಡಿಯೋಗೆ ಪ್ರತಿಕ್ರಿಯಿಸಿರುವ ಪೊಲೀಸರು, ನಾವು ತನಿಖೆಯನ್ನು ಆರಂಭಿಸಿ ವಿಡಿಯೋದಲ್ಲಿದ್ದ ಸಮೀರ್​ ರಾಜೇಂದ್ರ ರಾವಲ್​ ಎಂಬಾತನನ್ನು ವಶಕ್ಕೆ ತೆಗೆದು ಕೊಂಡವು. ನಂತರ ವಿಚಾರಣೆ ನಡೆಸಿದಾಗ, ಈಗ ಮೂಲತಃ ನೇಪಾಳದವನೆಂದು, ಪ್ರಸ್ತುತ ಬೋರಿವಲ್ಲಿಯ ಫುಟ್​ಪಾತ್​ನಲ್ಲಿ ಜೀವನ ನಡೆಸುತ್ತಿದ್ದಾಗಿ ತಿಳಿದು ಬಂದಿದೆ.

ಕೆಲ ದಿನಗಳ ಹಿಂದೆ ಬೆಂಗಳೂರಿನಲ್ಲಿ ಸಹ ಒಬ್ಬ ಮದ್ಯ ವಯಸ್ಸಿನ ಯುವಕ ರಸ್ತೆಯಲ್ಲಿ ವಿಚಿತ್ರವಾಗಿ ವರ್ತನೆ ತೋರುತ್ತಿದ್ದ ಘಟನೆ ನಡೆದಿದ್ದು, ಇದೊಂದು ಝೊಂಬಿ ವೈರಸ್​ ಎಂದು ಹೇಳಲಾಗಿತ್ತು. ಆದರೆ ನಂತರ ಆತನೊಬ್ಬ ಮಾನಸಿಕ ರೋಗಿಯೆಂದು, ಹಾಗೂ ಝೊಂಬಿ ವೈರಸ್​ ಎಂದು ವಿಡಿಯೋ ಹರಿ ಬಿಟ್ಟವನ ಮೇಲೆ ಪೊಲೀಸ್​ ಕ್ರಮ ಜರಿಗಿಸಲಾಗಿತ್ತು.

ಈ ಸಮೀರ್​ ಎಂಬಾತ ಸೇವಿಸಿರುವುದು ತಲೆ ನೋವಿನ ಗುಳಿಗೆಯಾಗಿದ್ದು, ಇದನ್ನು ಇತ ಚಟಕ್ಕಾಗಿ ಬಳಸಿದ್ದಾನೆ. ಆದರೆ ಸೇವಿಸಿದ ಪ್ರಮಾಣ ಮಿತಿ ಮೀರಿದ ಕಾರಣ, ಇತ ನಡೆಯಲು ಅಸಾಧ್ಯವಾದ ಸ್ಥಿತಿ ತಲುಪಿದ್ದಾನೆ. ಇದು ಯಾವುದೇ ಝೊಂಬಿ ಡ್ರಗ್ಸ್​ ಅಥವಾ ವೈರಲ್​ ಅಲ್ಲ, ಹೀಗಾಗಿ ಇದರ ಬಗ್ಗೆ ಸುಳ್ಳು ಸುದ್ದಿ ಹರರಬೇಡಿ ಎಂದು ಪೊಲೀಸರು ಸಾರ್ವಜನಿಕರಲ್ಲಿ ಕೇಳಿಕೊಂಡಿದ್ದಾರೆ, (ಏಜನ್ಸೀಸ್​).