ಸುಪ್ರೀಂ ಕೋರ್ಟ್‌ನಲ್ಲಿ ಡಿಎಂಕೆಗೆ ಮುಖಭಂಗ: ಸಿಎಂ ಜೋಸೆಫ್ ವಿಜಯ್ ಕರೂರ್ ಭೇಟಿಗೆ ಹಸಿರು ನಿಶಾನೆ!..DMK

ರಾಜ್ಯದ ಮುಖ್ಯಮಂತ್ರಿ ಗ್ರಾಮಕ್ಕೆ ಭೇಟಿ ನೀಡುತ್ತಾರೆ ಎಂದರೆ ಅದನ್ನು ತಡೆಯೋದು ಹೇಗೆ? ತುಳಿತಕ್ಕೆ ಒಳಗಾದ ಸಂತ್ರಸ್ತರ ಕುಟುಂಬಗಳನ್ನು ಭೇಟಿ ಮಾಡುವುದು ಸಾಕ್ಷಿಗಳ ಮೇಲೆ ಪ್ರಭಾವ ಬೀರಿದಂತೆ ಹೇಗೆ ಆಗುತ್ತದೆ?. ನೀವು ಹೇಳೋಕೆ ಹೊರಟಿರುವುದಾದರೂ ಏನೂ ಮುಖ್ಯಮಂತ್ರಿಯೊಬ್ಬರು ಏನು ಮಾಡಬೇಕೆಂದು ಸುಪ್ರೀಂ ಕೋರ್ಟ್ ನಿರ್ದೇಶಿಸಬೇಕೆಂದು ನೀವು ಬಯಸುತ್ತೀರಾ?" ಎಂದು  ಪೀಠವು ಡಿಎಂಕೆ ಪರ ವಕೀಲರನ್ನು ಪ್ರಶ್ನಿಸಿತು.

ಒಂದು ವೇಳೆ ಅರ್ಜಿಯನ್ನು ಮುಂದುವರೆಸಲು ಒತ್ತಾಯಿಸಿದರೆ ಅರ್ಜಿ ವಜಾಗೊಳಿಸುವುದಾಗಿ ಎಚ್ಚರಿಕೆ ಕೊಟ್ಟಿತು. ನ್ಯಾಯಾಲಯದ ಈ ಕಠಿಣ ಅವಲೋಕನಗಳ ನಂತರ, ಡಿಎಂಕೆ ಅರ್ಜಿಯನ್ನು ಹಿಂಪಡೆಯಲು ಒಪ್ಪಿಕೊಂಡಿತು. ಇದರಿಂದಾಗಿ ಅರ್ಜಿಯನ್ನು ಹಿಂಪಡೆಯಲಾಗಿದೆ ಎಂದು ಘೋಷಿಸಿ ವಜಾಗೊಳಿಸಲಾಯಿತು. ಮುಂಚಿತವಾಗಿ, ಸೋಮವಾರದಂದು ಸುಪ್ರೀಂ ಕೋರ್ಟ್ ಈ ಅರ್ಜಿಯ ತುರ್ತು ವಿಚಾರಣೆಗೆ ಒಪ್ಪಿಗೆ ನೀಡಿತ್ತು ಎಂಬುದು ಗಮನಾರ್ಹ.

ಮುಖ್ಯಮಂತ್ರಿ ಸಿ. ಜೋಸೆಫ್ ವಿಜಯ್ ಮತ್ತು ಸಚಿವ ಆಧವ್ ಅರ್ಜುನ ಸೇರಿದಂತೆ ತಮಿಳುನಾಡು ಸಚಿವರು ಹಾಗೂ ಟಿವಿಕೆ ನಾಯಕರು ಸಾರ್ವಜನಿಕವಾಗಿ ಹೇಳಿಕೆಗಳನ್ನು ನೀಡುತ್ತಿದ್ದಾರೆ. ಇದು ಕರೂರ್ ತುಳಿತದ ಪ್ರಕರಣದ ಪ್ರಮುಖ ಸಾಕ್ಷಿಗಳ ಮೇಲೆ ಪ್ರಭಾವ ಬೀರಬಹುದು ಮತ್ತು ರಾಜಕೀಯ ವಿರೋಧಿಗಳ ವಿರುದ್ಧ ಸುಳ್ಳು ಆರೋಪಗಳನ್ನು ಹೊರಿಸಲು ಕಾರಣವಾಗಬಹುದು ಎಂದು ಡಿಎಂಕೆ ತನ್ನ ಅರ್ಜಿಯಲ್ಲಿ ಆರೋಪಿಸಿತ್ತು.

ಮುಖ್ಯಮಂತ್ರಿಯಾಗಿ ಅಧಿಕಾರ ವಹಿಸಿಕೊಂಡ ನಂತರ ಸಿ. ಜೋಸೆಫ್ ವಿಜಯ್ ಅವರು ತಮ್ಮ ಮೊದಲ ಅಧಿಕೃತ ಜಿಲ್ಲಾ ಪ್ರವಾಸಕ್ಕಾಗಿ ಕರೂರ್ ಜಿಲ್ಲೆಯನ್ನು ಆಯ್ಕೆ ಮಾಡಿಕೊಂಡಿದ್ದಾರೆ.

 ಸೆಪ್ಟೆಂಬರ್ 27 ರಂದು ನಡೆದ ಕರೂರ್ ತುಳಿತದ ದುರಂತದಲ್ಲಿ 41 ಜನರು ಪ್ರಾಣ ಕಳೆದುಕೊಂಡಿದ್ದರು. ಈ ಭೀಕರ ದುರಂತದಲ್ಲಿ ಮಡಿದವರ ಕುಟುಂಬಗಳನ್ನು ಭೇಟಿ ಮಾಡಲು ಅವರು ಯೋಜಿಸಿದ್ದು, ಈ ಕ್ರಮವು ರಾಜಕೀಯವಾಗಿ ಅತ್ಯಂತ ಸಾಂಕೇತಿಕ ಹಾಗೂ ಮಹತ್ವದ ಹೆಜ್ಜೆಯಾಗಿ ಹೊರಹೊಮ್ಮಿದೆ, (ಏಜೆನ್ಸೀಸ್).