ಹಲಸಿನ ಹಣ್ಣಿನ ರಾಜಧಾನಿ ಯಾವ್ದು ಗೊತ್ತಾ?: ಬೇಸಿಗೆಯಲ್ಲಿ ಮಾತ್ರವಲ್ಲ ವರ್ಷದ 12 ತಿಂಗಳು ಹಣ್ಣನ್ನು ಸವಿಯೋಕೆ ಇಲ್ಲಿ ಮಾತ್ರ ಸಾಧ್ಯ..Panruti

ತೆಂಗಿನಕಾಯಿ ಬೆಳೆಯೋದ್ರಲ್ಲಿ ಕರ್ನಾಟಕ ಫೇಮಸ್ಸು, ಮಾವಿಗೆ ಉತ್ತರ ಪ್ರದೇಶ, ಕೇಸರಿ ಬೆಳೆಯುವುದರಲ್ಲಿ ಕಾಶ್ಮೀರ ಫೇಮಸ್​​. ಹಾಗೆಯೇ ಹಲಸಿನ ಹಣ್ಣಿನ ವಿವಿಧ ತಳಿ ಬೆಳೆಯೋದರಲ್ಲಿ ತಮಿಳುನಾಡಿನ ಕಡಲೂರು ಜಿಲ್ಲೆಯ ಪನ್ರುತಿ ಗ್ರಾಮ ಹೆಸರುವಾಸಿಯಾಗಿದೆ. ಇಲ್ಲಿನಿಂದ ದೇಶ ವಿದೇಶಕ್ಕೂ ಹಣ್ಣನು ರವಾನೆ ಮಾಡಲಾಗುತ್ತದೆ. ಇಲ್ಲಿನ ಹಲಸು ರೈತರ ಬದುಕಿಗೆ ಆದಾಯದ ಆಧಾರ ಸ್ತಂಭವಾಗಿದೆ.

ಕಡಲೂರಿನ ಪನ್ರುತಿಯಲ್ಲಿ ಬೆಳೆಯುವ ಹಲಸು ರಸಭರಿತವಾದದ್ದು. ಇಲ್ಲಿ ದೊಡ್ಡ ಪ್ರಮಾಣದ ಹಲಸಿನ ಕೃಷಿ ಇದೆ. 800 ಎಕರೆ ವ್ಯಾಪ್ತಿಯಲ್ಲಿ ಹಲಸಿನ ಕೃಷಿ ಮಾಡಲಾಗುತ್ತಿದೆ. ಇಲ್ಲಿನ ಹಲಸಿನ ಹಣ್ಣುಗಳು ತೀರ ವಿಭಿನ್ನ. ದಪ್ಪನೆಯ ತಿರುಳು, ಸುವಾಸನೆ ಭರಿತ ಹಣ್ಣು ಸಿಗುವುದರಿಂದ ಇಲ್ಲಿನ ಹಣ್ಣು ಹೆಸರುವಾಸಿ.

ಇಷ್ಟೇ ಅಲ್ಲ ಇಲ್ಲಿ ಬೆಳೆಯುವ ಹಲಸಿನ ಹಣ್ಣು ತನ್ನದೇ ಆದ ಗುಣಮಟ್ಟಕ್ಕೆ ಕೇಂದ್ರದಿಂದ ಜಿಐ ಟ್ಯಾಗ್​ ಪಡೆದುಕೊಂಡಿದೆ. ಇಲ್ಲಿನ ಪ್ರತಿ ಹಲಸಿನಲ್ಲಿ ಪರಿಮಳಯುಕ್ತ ಹಾಗೂ ರಸಭರಿತ ಹಣ್ಣು ಇರಲಿದೆ.ಇಲ್ಲಿ ಹಲಸಿನ ಕೃಷಿಗೆ ಯಾವುದೇ ರಾಸಾಯನಿಕ ಸಿಂಪಡಿಸೋದಿಲ್ಲ. ನೈಸರ್ಗಿಕ ಸಿಹಿ ಇರಲಿದ್ದು, ಸುವಾಸನೆ ಭರಿತ ದೊಡ್ಡದಾದ ಹಣ್ಣುಗಳು ಇರುತ್ತವೆ.

ಕೇರಳ, ಕರ್ನಾಟಕ, ಅಸ್ಸಾಂ ಸೇರಿದಂತೆ ಹಲವು ಕಡೆ ಹಲಸು ಬೆಳೆಯಲಾಗುತ್ತದೆ. ಆದರೆ ಪನ್ರುತಿಯಲ್ಲಿ ಇದು ಒಂದು ವರ್ಷದ ಕೃಷಿ. ಇಲ್ಲಿ ಋತುವಿಗೆ 150 ರಿಂದ 502 ಹಣ್ಣು ಸಿಗುತ್ತದೆ. ವಾರ್ಷಿಕ 45 ಸಾವಿರ ಮೆಟ್ರಿಕ್​ ಹಣ್ಣುಗಳನ್ನು ಉತ್ಪಾದನೆ ಮಾಡುವ ಸಾಮರ್ಥ್ಯ ಈ ಜಿಲ್ಲೆಗೆ ಇದೆ.

ಪನ್ರುತಿಯಲ್ಲಿ ಸಿಗುವ ಪ್ರತಿ ಹಕಸಿನ ಹಣ್ಣಿನ ಗಾತ್ರ 7 ಕೆಜಿಯಿಂದ 40ರವರೆಗೂತೂಗುತ್ತದೆ. 1906ರಲ್ಲಿ ಪ್ರಕಟವಾದ ಗೆಜೆಟಿಯರ್​ ವರದಿ ಪ್ರಕಾರ ಪನುತಿಯಲ್ಲಿ ಕೆಂಪು ಭೂಮಿಯು ಗೋಡಂಬಿ ಬಮತ್ತು ಹಲಸಿನ ಹಣ್ಣು ಬೆಳೆದು ವ್ಯಾಪಾರ ಕಂಡುಕೊಂಡಿತು ಎನ್ನುವುದನ್ನು ಉಲ್ಲೇಖಿಸಿತ್ತು, (ಏಜೆನ್ಸೀಸ್).