ಸೋಷಿಯಲ್ ಮೀಡಿಯಾನಲ್ಲಿ ವೈರಲ್ ಆಗುತ್ತಿರುವ 1983 ವಿನ್ನಿಂಗ್ ಪಾರ್ಟಿ ಬಿಲ್
- ಸೋಷಿಯಲ್ ಮೀಡಿಯಾನಲ್ಲಿ ವೈರಲ್ ಆಗುತ್ತಿರುವ 1983 ವಿನ್ನಿಂಗ್ ಪಾರ್ಟಿ ಬಿಲ್
- ದುಬಾರಿ ಮದ್ಯ, ಇಂಪೋರ್ಟೆಡ್ ಸಿಗರೇಟ್ ಸೇರಿ ಮುಟನ್, ಚಿಕನ್ ತಿನ್ನಲಾಗಿದೆ ಎನ್ನುತ್ತಿರುವ ಬಿಲ್
- ಬಿಲ್ ಪಾವತಿ ಮಾಡಿದ್ದಾಗಿ ಕಪಿಲ್ ದೇವ್ ಸಹಿ
- ಅದರೆ ಇದೊಂದು ಸುಳ್ಳು ಬಿಲ್ ಎಂದ ಕೀರ್ತಿ ಆಜಾದ್
- ನಾವು ಆ ಹೋಟೆಲ್ನಲ್ಲಿ ತಂಗಿರಲಿಲ್ಲ; ಕಪಿಲ್ ಸಹಿ ಸಹ ತಪ್ಪಾಗಿದೆ
- ಇದೊಂದು ಕೃತಕ ಬುದ್ಧಿಮತ್ತೆ ನಿರ್ಮಿತ ಬಿಲ್
ನವದೆಹಲಿ: ಇತ್ತೀಚಿಗೆ ಈ ಕೃತಕ ಬುದ್ದಿಮತ್ತೆ (AI) ಬಳಕೆ ಅಧಿಕವಾದ ದಿನದಿಂದ ಯಾವ ಮಾಹಿತಿ ನಿಜ? ಯಾವುದು ಸುಳ್ಳೆಂದು ತಿಳಿಯುವುದು ಕಷ್ಟಕರವಾಗುತ್ತಾ ಹೋಗುತ್ತಿದೆ ಎಂದರೆ ಸುಳ್ಳಲ್ಲ.
ಏಕೆಂದರೆ, ಕೆಲದಿನಗಳ ಹಿಂದೆ 1983 ರಲ್ಲಿ ಲಂಡನ್ನಲ್ಲಿ ಚೊಚ್ಚಲ ವಿಶ್ವಕಪ್ ಗೆದ್ದಿದ್ದ ಭಾರತ ತಂಡದ ಆಟಗಾರರು ಲಂಡನಿನ ಹೋಟೆಲ್ವೊಂದರಲ್ಲಿ ಮಾಡಿದ್ದ ಪಾರ್ಟಿ ಬಿಲ್ (1983 WorldCup Viral Bill) ಸೋಷಿಯಲ್ ಮೀಡಿಯಾನಲ್ಲಿ ಭಾರಿ ಸಂಚಲನಕ್ಕೆ ಕಾರಣವಾಗಿತ್ತು. ಈಗ ಈ ವೈರಲ್ ಬಿಲ್ ಕೃತಕ ನಿರ್ಮಿತ ಎಂಬ ಮಾಹಿತಿ ದೊರೆತಿದ್ದು, ಯಾವ ಮಾಹಿತಿಯನ್ನು ನಂಬಬೇಕು? ಯಾವುದನ್ನು ನಂಬಬಾರದು ಎಂಬ ಇಕ್ಕಟ್ಟಿನಲ್ಲಿ ಜನ ಸಿಲುಕಿರುವುದು ಸತ್ಯವಾಗಿದೆ.
ಬಿಲ್ನಲ್ಲಿ ಏನೇನಿತ್ತು?
1983 ರಲ್ಲಿ ಕಪಿಲ್ ದೇವ್ ನೇತೃತ್ವದ ಭಾರತ ತಂಡ ದೈತ್ಯ ವೆಸ್ಟ್ ಇಂಡೀಸ್ ತಂಡವನ್ನು ಸೋಲಿಸಿ ಚೊಚ್ಚಲ ಏಕದಿನ ವಿಶ್ವಕಪ್ನ್ನು ತನ್ನದಾಗಿಸಿಕೊಂಡಿತ್ತು.
ವೈರಲ್ ಆಗುತ್ತಿರುವ ಬಿಲ್ನಲ್ಲಿ ಗ್ರಾಸ್ವೋವರ್ ಎಂಬ ಹೋಟೆಲ್ನಲ್ಲಿ ಟೀ ಇಂಡಿಯಾದ ಸದಸ್ಯರು, 25/6/1983 ರಂದು ದುಬಾರಿ ಮದ್ಯಗಳು, ಬಿಯರ್ಗಳು, ಸಿಗರೇಟ್ ಜೊತೆಗೆ ಮಟನ್, ಚಿಕನ್ ಹಾಗೂ ಸಮುದ್ರ ಜೀವಿಗಳನ್ನು ಸೇವಿಸಿದ್ದಾಗಿ ಹಾಗೂ ಇದರ ಬಿಲ್ನ್ನು ತಂಡದ ನಾಯಕ ಕಪಿಲ್ ದೇವ್ ನೀಡಿರುವುದಾಗಿ ಪೋಸ್ಟ್ವೊಂದು ಹಂಚಿಕೆಯಾಗುತ್ತಿದೆ.
ಇದು ಶುದ್ಧ ಸುಳ್ಳೆಂದ ಕೀರ್ತಿ ಆಜಾದ್!
ಈ ಪೋಸ್ಟ್ ವೈರಲ್ ಆಗುತ್ತಿರುವಂತೆ ಇದಕ್ಕೆ ಪ್ರತಿಕ್ರಿಯೆ ನೀಡಿರುವ 1983 ಭಾರತದ ತಂಡದ ಆಟಗಾರ ಕೀರ್ತಿ ಆಜಾದ್, ಈ ಬಿಲ್ ಕೃತಕ ಬುದ್ಧಿಮತ್ತೆ ಸಹಾಯದಿಂದ ರಚಿತವಾಗಿದೆ, ಅಸಲಿಗೆ ನಾವು ಈ ಹೋಟೆಲ್ನಲ್ಲಿ ವಾಸವೇ ಮಾಡಿರಲಿಲ್ಲ. ಅಷ್ಟೇ ಅಲ್ಲದೆ ಕಪಿಲ್ ದೇವ್ನ ಸಹಿ ಸಹ ತಪ್ಪಾಗಿದೆ ಎಂದು ಅವರು ಹೇಳಿದ್ದಾರೆ.
ನಾವು 25/06/1983 ರಂದು ವಿಶ್ವಕಪ್ ಗೆದ್ದಿದ್ದವು ನಮ್ಮ ಪಾರ್ಟಿ ಮಾರನೇ ದಿನದವರೆಗೆ ನಡೆದಿತ್ತು. ಆದರೆ ನಾವು ಈ ಗ್ರಾಸ್ವೋವರ್ ಹೋಟೆಲ್ನಲ್ಲಿ ಅಲ್ಲ, ವೆಸ್ಟ್ಮೋರ್ಲ್ಯಾಂಡ್ ಎಂಬ ಹೋಟೆಲ್ನಲ್ಲಿ ತಂಗಿದ್ದವೆಂದು ಕೀರ್ತಿ ಹೇಳಿದ್ದಾರೆ, (ಏಜನ್ಸೀಸ್).