ಸಿಎಂ ಪಟ್ಟಕ್ಕೇರಿದ ದಳಪತಿ ವಿಜಯ್​: ಇವಳ್ಯಾಕೆ ಬಂದಿದ್ದಾಳೆ? ಸಮಾರಂಭದಲ್ಲಿ ತ್ರಿಷಾಳನ್ನು ಕಂಡ ನೆಟ್ಟಿಗರು ಗರಂ! Trisha Krishnan in Vijay Oath Ceremony

ಚೆನ್ನೈ: ಮೇ.4 ರಂದು ಹೊರಬಿದ್ದ ತಮಿಳನಾಡು ವಿಧಾನಸಭಾ ಚುನಾವಣೆಯಲ್ಲಿ ನಟ ವಿಜಯ್​ ನೇತೃತ್ವದ ಟಿವಿಕೆ ಪಕ್ಷ ಅತಿ ಹೆಚ್ಚು ಸ್ಥಾನವನ್ನು ಪಡೆದ ಪಕ್ಷವಾಗಿ ಹೊರಹೊಮ್ಮಿತು. ಭಾನುವಾರ (ಮೇ.10) ಮಿತ್ರ ಪಕ್ಷಗಳ ಬೆಂಬಲದೊಂದಿಗೆ ಬಹುಮತ ಸಾಬೀತುಪಡಿಸಿ ದಳಪತಿ ರಾಜ್ಯದ ಸಿಎಂ ಆಗಿ ಪ್ರಮಾಣವಚನ ಸ್ವೀಕರಿಸಿದ್ದಾರೆ.

ವಿಜಯ್​ ತಮಿಳನಾಡು ರಾಜ್ಯದ ಮುಖ್ಯಮಂತ್ರಿಯಾಗಿ ಪ್ರಮಾಣವಚನ ಸ್ವೀಕರಿಸುವ ಕಾರ್ಯಕ್ರಮದಲ್ಲಿ ತಮಿಳು ನಟಿ ಹಾಗೂ ವಿಜಯ್​ ಜೊತೆ ಸಂಬಂಧ ಹೊಂದಿರುವುದಾಗಿ ವದಂತಿ ಹೊತ್ತಿರುವ ತ್ರಿಷಾ ಕೃಷ್ಣನ್ (Trisha Krishnan in Vijay Oath Ceremony)​ ಸಹ ಹಾಜರಿದ್ದಳು.

ತಿಳಿ ನೀಲಿ ಬಣ್ಣದ ಕಾಂಜಿವರಂ ಸೀರೆಯುಟ್ಟು, ಕೂದಲಿಗೆ ಮಲ್ಲಿಗೆ ಹೂವನ್ನು ಮುಡಿದು ಬಂದಿದ್ದ, ತ್ರಿಷಾ ಈ ಕಾರ್ಯಕ್ರಮದ ಸೆಂಟರ್​ ಆಫ್​ ಅಟ್ರಾಕ್ಷನ್​ ಆಗಿದ್ದಳು ಎಂದರೆ ಸುಳ್ಳಲ್ಲ.

ಒಂದು ಕಡೆ ತ್ರಿಷಾ, ವಿಜಯ್​ ಸಿಎಂ ಆಗುತ್ತಿರುವ ಕಾರ್ಯಕ್ರಮದಲ್ಲಿ ಎಲ್ಲಾ ಕಡೆ ಓಡಾಡುತ್ತಿದ್ದರೆ, ಇನ್ನೊಂದು ಕಡೆ ವಿಜಯ್​ ಪತ್ನಿ ಸಂಗೀತಾ, ಮಗ ಜೇಸನ್​ ಸಂಜಯ್​ ಹಾಗೂ ಮಗಳು ದಿವ್ಯಾ ಸಾಶಾ ಈ ಸಮಾರಂಭಕ್ಕೆ ಗೈರಾಗಿದ್ದರು. ವಿಜಯ್​ ವಿರುದ್ಧ ವಿಚ್ಛೇದನ ಪ್ರಕರಣವನ್ನು ಸಂಗೀತಾ ಹೂಡಿರುವ ಹಿನ್ನಲೆ ಪದಗ್ರಹಣ ಕಾರ್ಯಕ್ರಮಕ್ಕೆ ಹಾಜರಾಗಿಲ್ಲ ಎಂದು ಹೇಳಲಾಗುತ್ತಿದೆ.

ದಳಪತಿ ವಿಜಯ್​ ಮುಖ್ಯಮಂತ್ರಿಯಾಗಿ ಪ್ರಮಾಣವಚನ ಸ್ವೀಕರಿಸುವ ಕಾರ್ಯಕ್ರಮಕ್ಕೆ ತ್ರಿಷಾ ಹಾಜರಾಗಿದ್ದಕ್ಕೆ ನೆಟ್ಟಿಗರು ಆಕ್ರೋಶ ವ್ಯಕ್ತ ಪಡಿಸಿದ್ದಾರೆ.