ಬಾಹ್ಯಕಾಶದಲ್ಲಿ ವಿಜಯಪಥ

ಅಮೆರಿಕದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ನಾಸಾ) ಕೆನಡಿ ಬಾಹ್ಯಾಕಾಶ ಕೇಂದ್ರದಿಂದ ಆಕ್ಸಿಯಮ್​ ಮಿಷನ್​ 4 ಸ್ಪೇಸ್​ ಶೆಟಲ್​ನಲ್ಲಿ ಮಿಷನ್​ ಪೈಲೆಟ್​ ಆಗಿ ಶುಭಾಂಶು ಶುಕ್ಲಾ ಅವರು ಐಎಸ್​ಎಸ್​ನಲ್ಲಿ 18 ದಿನಗಳ ವೈಜ್ಞಾನಿಕ ಸಂಶೋಧನೆ ನಡೆಸಿ ಭಾರತಕ್ಕೆ ಕೀರ್ತಿ ತಂದರು. ಭಾರತೀಯ ವಾಯುಪಡೆಯ ಗ್ರೂಪ್​ ಕ್ಯಾಪ್ಟನ್​ ಆಗಿರುವ ಶುಕ್ಲಾ ಅವರ ಈ ಚಾರಿತ್ರಿಕ ಸಾಧನೆ ಮುಂಬರುವ ಮಾನವಸಹಿತ ಗಗನಯಾನಕ್ಕೆ ಹೊಸ ಭಾಷ್ಯ ಬರೆದಿದೆ. ಐಎಸ್​ಎಸ್​ನಲ್ಲಿ ಇದ್ದಷ್ಟು ದಿನ ಹಲವು ಸೂಕ್ಷ್ಮ ಗುರುತ್ವಾಕರ್ಷಣೆಯ ಪ್ರಯೋಗ ನಡೆಸಿದರು. 41 ವರ್ಷಗಳ ಬಳಿಕ ಎರಡನೇ ಭಾರತೀಯ ಗಗನಯಾನಿಯಾಗಿ ಗುರುತಿಸಿಕೊಂಡ ಶುಕ್ಲಾ ಅವರ ಈ ಐತಿಹಾಸಿಕ ಸಾಧನೆ ಭಾರತೀಯ ಬಾಹ್ಯಾಕಾಶ ಕ್ಷೇತ್ರವನ್ನು ಮತ್ತಷ್ಟು ಎತ್ತರಕ್ಕೆ ಏರಿಸಿದೆ.

ಭಾರತವು ಅಣುಶಕ್ತಿ ಉತ್ಪಾದನೆಯಲ್ಲಿ ಹೊಸ ಮೈಲಿಗಲ್ಲು ಸಾಧಿಸಿದ್ದು, ಆರ್ಥಿಕ ವರ್ಷವೊಂದರಲ್ಲಿ 50 ಶತಕೋಟಿ ಯೂನಿಟ್​ ವಿದ್ಯುತ್​ ಉತ್ಪಾದಿಸಿ ಸಾಧನೆ ಮಾಡಿದೆ. ರಾಜಸ್ಥಾನದಲ್ಲಿ ತಲಾ 700 ಮೆಗಾವಾಟ್​ ಸಾಮರ್ಥ್ಯದ 4 ಟಕಗಳುಳ್ಳ "ಮಾಹಿ ಬನ್ಸ್​ವಾರಾ ಅಣು ವಿದ್ಯುತ್​ ಸ್ಥಾವರ'ಕ್ಕೆ ಸೆಪ್ಟೆಂಬರ್​ 25ರಂದು ಪ್ರಧಾನಿ ನರೇಂದ್ರ ಮೋದಿ ಶಂಕುಸ್ಥಾಪನೆ ನೆರವೇರಿಸಿದರು. ಈ ಯೋಜನೆಯು "ಅಶ್ವಿನಿ' ಹೆಸರಿನಲ್ಲಿ ಎನ್​ಪಿಸಿಐಎಲ್​&ಎನ್​ಟಿಪಿಸಿ ಜಂಟಿಯಾಗಿ ಅಭಿವೃದ್ಧಿಪಡಿಸಲಿವೆ. 2032ರ ವೇಳೆಗೆ 22.5 ಗಿಗಾವಾಟ್​ ಅಣುಶಕ್ತಿ ಉತ್ಪಾದಿಸುವ ಗುರಿ ಹೊಂದಲಾಗಿದೆ.

ಜನವರಿ ತಿಂಗಳಿನಲ್ಲಿ ಭಾರತವು ತನ್ನದೇಯಾದ ಡಾಕಿಂಗ್​ ವ್ಯವಸ್ಥೆಯನ್ನು ಬಳಸಿಕೊಂಡು ಬಾಹ್ಯಾಕಾಶದಲ್ಲಿ ಡಾಕಿಂಗ್​ ಕಾರ್ಯಾಚರಣೆಯನ್ನು ಯಶಸ್ವಿಯಾಗಿ ನಡೆಸಿತು. ಅತಿ ಕ್ಲಿಷ್ಟಕರ ಕೆಲಸವಾದ ಈ ಕಾರ್ಯವನ್ನು ಇಸ್ರೋ ವಿಜ್ಞಾನಿ ಸಮೂಹ ಯಶಸ್ವಿಗೊಳಿಸಿತು. ಎರಡು ಸ್ಪಾಡೆಸ್​ ಉಪಗ್ರಹಗಳನ್ನು ಬಾಹ್ಯಾಕಾಶದಲ್ಲಿ ಜೋಡಣೆ ಮಾಡಿತು. ಇಂತಹ ಸಾಧನೆ ಮಾಡಿರುವ ವಿಶ್ವದ ನಾಲ್ಕನೇ ರಾಷ್ಟ್ರವಾಗಿ ಭಾರತ ಗುರುತಿಸಿಕೊಂಡಿತು. ಭಾರತದ ಮೊದಲ ಬಾಹ್ಯಾಕಾಶ ಆಧಾರಿತ ಸೌರ ವೀಕ್ಷಣಾಲಯವಾಗಿರುವ "ಆದಿತ್ಯ&ಎಲ್​1' ಕಾರ್ಯಾಚರಣೆಯಿಂದ ಅಂದಾಜು 15 ಟೆರಾಬೈಟ್​ ಪ್ರಮಾಣದಷ್ಟು ವೈಜ್ಞಾನಿಕ ದತ್ತಾಂಶ ಬಿಡುಗಡೆ ಮಾಡಿದ್ದು, ಇದನ್ನಾಧರಿಸಿ ಸೂರ್ಯನ ಅಧ್ಯಯನ ಮಾಡಲು ಆತ್ಮವಿಶ್ವಾಸ ವೃದ್ಧಿಸಿದೆ.

ಇಸ್ರೋ ಇದೇ ಮೊದಲ ಬಾರಿಗೆ ಅತಿ ಭಾರದ (6,100 ಕೆಜಿ) ವಾಣಿಜ್ಯ ಉಪಗ್ರಹವನ್ನು ಎಂವಿಎಮ& ಎಂ6 ಬಾಹುಬಲಿ ರಾಕೆಟ್​ ಮೂಲಕ ಯಶಸ್ವಿಯಾಗಿ ಉಡಾವಣೆ ಮಾಡಿತು. ಡಿಸೆಂಬರ್​ 24ರಂದು ನಡೆದ ಈ ಉಡಾವಣೆ ಯಲ್ಲಿ ಅಮೆರಿಕದ "ಬ್ಲೂರ್ಬಡ್​ ಬ್ಲಾಕ್​&2' ಸಂವಹನ ಸ್ಯಾಟಲೈಟ್​ಅನ್ನು ಕಡಿಮೆ ಭೂಕೆಗೆ ಸೇರಿಸುವಲ್ಲಿ ಯಶಸ್ವಿಯಾಗಿದೆ. ಈ ಮೂಲಕ ಜಾಗತಿಕ ದೂರಸಂಪರ್ಕ ಕ್ಷೇತ್ರದಲ್ಲಿ ಭಾರತವು ಅಮೆರಿಕಕ್ಕೆ ಪೈಪೋಟಿ ನೀಡುವ ಸಾಮರ್ಥ್ಯ ನೀಡುವ ಛಾಪು ಮೂಡಿಸಿದೆ. ಈ ವರ್ಷದ ಆರಂಭದಲ್ಲೇ ಇಸ್ರೋ ಶ್ರೀಹರಿಕೋಟದ ಕೇಂದ್ರದಿಂದ 100ನೇ ಉಡಾವಣೆ ನಡೆಸಿ ಗಮನ ಸೆಳೆಯಿತು.

ದೇಶದಲ್ಲಿ ವೈಜ್ಞಾನಿಕ ಹಾಗೂ ಆರ್​ ಆ್ಯಂಡ್​ ಡಿ ಕ್ಷೇತ್ರವನ್ನು ಸಶಕ್ತಗೊಳಿಸುವ ನಿಟ್ಟಿನಲ್ಲಿ ರೂಪಿಸಿರುವ ರಾಷ್ಟ್ರೀಯ ಕ್ವಾಂಟಮ್​ ಮಿಷನ್​ಗೆ ಕೇಂದ್ರ ಸರ್ಕಾರ 6,003.65 ಕೋಟಿ ರೂ. ಮೊತ್ತದ ಯೋಜನೆಗೆ ಒಪ್ಪಿಗೆ ನೀಡಿದೆ. ಬೆಂಗಳೂರಿನ ಐಐಎಸ್ಸಿ ಸೇರಿ ಮದ್ರಾಸ್​ ಐಐಟಿ, ದಿಲ್ಲಿ ಐಐಟಿ ಹಾಗೂ ಬಾಂಬೆ ಐಐಟಿಗಳಲ್ಲಿ 4 ವಿಷಯಾಧಾರಿತ ಹಬ್​ ಸ್ಥಾಪಿಸಿದ್ದು, ಒಟ್ಟು 17 ಕಾರ್ಯಕ್ರಮಗಳನ್ನು ಒಳಗೊಂಡಿದೆ. ಇದಲ್ಲದೆ ಕ್ವಾಂಟಮ್​ ತಂತ್ರಜ್ಞಾನದಲ್ಲಿ ನವೋದ್ಯಮಗಳನ್ನು ಬೆಂಬಲಿಸಲು ವಿಶೇಷ ಮಾರ್ಗಸೂಚಿ ರೂಪಿಸಲಾಗಿದೆ.

ಜಾಗತಿಕ ನಾವೀನ್ಯತೆ ಸೂಚ್ಯಂಕ (ಜಿಐಐ)&2025ರ ಪ್ರಕಾರ ಭಾರತವು ಉನ್ನತ ನವೀನ ಆರ್ಥಿಕತೆಗಳಲ್ಲಿ 39ನೇ ಸ್ಥಾನಕ್ಕೆ ಏರಿದೆ. ವಿಶ್ವ ಬೌದ್ಧಿಕ ಆಸ್ತಿ ಫೈಲಿಂಗ್​ನಲ್ಲಿ 6ನೇ ಸ್ಥಾನವನ್ನು ಹೊಂದಿದೆ. ನೆಟ್​ವರ್ಕ್​ ರೆಡಿನೆಸ್​ ಇಂಡೆಕ್ಸ್​ (ಎನ್​ಆರ್​ಐ)& 2024ರ ವರದಿಯಂತೆ 79ನೇ ಸ್ಥಾನದಿಂದ 49ನೇ ಶ್ರೇಯಾಂಕಕ್ಕೆ ಜಿಗಿದಿದೆ. ಸಂಶೋಧನಾ ಪ್ರಕಟಣೆಗಳ ವಿಷಯದಲ್ಲೂ ಜಾಗತಿಕವಾಗಿ 3ನೇ ಸ್ಥಾನಕ್ಕೆ ಏರಿದೆ.

ರಕ್ಷಣಾ ಬತ್ತಳಿಕೆಗೆ ಹೊಸ ಪಣಿ ಸಹಿತ ಯುದ್ಧಸಾಮಗ್ರಿ ಸಂಶೋಧಿಸಿ ಸೇನಾಪಡೆಗೆ ಸೇರ್ಪಡೆ ಮಾಡುವ ಕಾರ್ಯ ಮತ್ತಷ್ಟು ವೇಗ ಪಡೆದಿದೆ. ಈ ವರ್ಷಾಂತ್ಯದಲ್ಲಿ ಪರಮಾಣುಚಾಲಿತ ಜಲಾಂತರ್ಗಾಮಿ ನೌಕೆ "ಐಎನ್​ಎಸ್​ ಅರಿಘಾಟ್​' ಮೂಲಕ ಬ್ಯಾಲಿಸ್ಟಿಕ್​ ಕೆ&4 ಮಾದರಿಯ ಪಣಿಯ ಪರೀಕ್ಷೆ ಯಶಸ್ವಿಯಾಗಿದೆ. 2.5 ಟನ್​ ಪರಮಾಣು ಸಿಡಿತಲೆ ಹೊಂದಿರುವ ಪಣಿಯು 3,500 ಕಿ.ಮೀ. ದೂರದ ಗುರಿಯನ್ನು ಹೊಡೆದುರುಳಿಸುವ ಸಾಮರ್ಥ್ಯ ಹೊಂದುವ ರೀತಿಯಲ್ಲಿ ರಕ್ಷಣಾ ಸಂಶೋಧನೆ ಹಾಗೂ ಅಭಿವೃದ್ಧಿ ಸಂಸ್ಥೆ (ಡಿಆರ್​ಡಿಒ) ಅಭಿವೃದ್ಧಿಪಡಿಸಿದೆ.

ದೇಶದ ವ್ಯವಸಾಯ ಕ್ಷೇತ್ರವನ್ನು ಸುಸ್ಥಿರಗೊಳಿಸಿ ಸ್ವಾವಲಂಬನೆ ಹೆಚ್ಚಿಸಲು ಅಕ್ಟೋಬರ್​ನಲ್ಲಿ ಎರಡು ಹೊಸ ಯೋಜನೆಗಳು ಪ್ರಕಟಿಸಲಾಯಿತು. ಪ್ರಧಾನಮಂತ್ರಿ "ಧನ ಧಾನ್ಯ ಕೃಷಿ ಯೋಜನೆ' ಹಾಗೂ "ದ್ವಿದಳ ಧಾನ್ಯಗಳಲ್ಲಿ ಆತ್ಮನಿರ್ಭರ ಮಿಷನ್​' ಕಾರ್ಯಕ್ರಮಕ್ಕೆ ಒಟ್ಟು 35,440 ಕೋಟಿ ರೂ. ಅನುದಾನದೊಂದಿಗೆ ಚಾಲನೆ ನೀಡಲಾಯಿತು. ಕೃಷಿ, ಪಶುಸಂಗೋಪನೆ, ಮೀನುಗಾರಿಕೆ, ಆಹಾರ ಸಂಸ್ಕರಣಾ ವಲಯಕ್ಕೆ 5,450 ಕೋಟಿ ರೂ. ಯೋಜನೆಗೂ ಪ್ರಧಾನಿ ನರೇಂದ್ರ ಮೋದಿಯವರು ಚಾಲನೆ ನೀಡಿದರು. ಈ ಯೋಜನೆಗಳಿಂದ ಆಮದು ಕಡಿಮೆಗೊಳಿಸಿ ರ್ತು ಹೆಚ್ಚಿಸಲು ಸಹಕಾರಿ ಆಗಲಿದೆ.

ದೇಶದಲ್ಲೇ ಮೊದಲ ಬಾರಿಗೆ ಐಟಿ&ಬಿಟಿ ನೀತಿ ಪ್ರಕಟಿಸಿದ್ದ ಕರ್ನಾಟಕ, ನವೆಂಬರ್​ನಲ್ಲಿ ಹೊಸ ನವೋದ್ಯಮ ನೀತಿಯನ್ನು ಪ್ರಕಟಿಸಿದೆ. 2025&30ರ ಅವಧಿಯಲ್ಲಿ 25 ಸಾವಿರ ಸ್ಟಾರ್ಟಪ್​ಗಳನ್ನು ಸ್ಥಾಪಿಸುವ ಗುರಿ ಹೊಂದಲಾಗಿದೆ. ಬೆಂಗಳೂರಿನಾಚೆ (ಪ್ರಮುಖವಾಗಿ ಮೈಸೂರು, ಹುಬ್ಬಳ್ಳಿ, ಮಂಗಳೂರು) 10 ಸಾವಿರ ನವೋದ್ಯಮ ಆರಂಭಿಸಲು ಉತ್ತೇಜಿಸಲಾಗುತ್ತದೆ. ಈ ನೀತಿ ಜಾರಿಗೆ 518 ಕೋಟಿ ರೂ. ಅನುದಾನ ಒದಗಿಸಲಾಗಿದೆ.

ದೇಶದ ಕೃಷಿ ಕ್ಷೇತ್ರಕ್ಕೆ ಡಿಜಿಟಲ್​ ಸ್ಪರ್ಶ ನೀಡಲು ಕೇಂದ್ರ ಸರ್ಕಾರ ವಿವಿಧ ಕಾರ್ಯಕ್ರಮಗಳನ್ನು ರೂಪಿಸಿ ಚಾಲನೆ ನೀಡಿದೆ. ಡ್ರೋನ್​, ಉಪಗ್ರಹ ಚಿತ್ರಣ ಹಾಗೂ ಮೊಬೈಲ್​ ಪೋನ್​ ಆಧಾರಿತ ಅಪ್ಲಿಕೇಶನ್​ ಮೂಲಕ ರೈತರಿಗೆ ತ್ವರಿತ ಹಾಗೂ ನಿಖರ ಮಾಹಿತಿ ನೀಡಲಾಗುತ್ತಿದೆ. ಸಾಂಪ್ರದಾಯಿಕ ಕೃಷಿ ಮಾರುಕಟ್ಟೆಗಳಿಂದ ಡಿಜಿಟಲ್​ ವೇದಿಕೆಗಳನ್ನು ಬಳಸಿಕೊಂಡು ರೈತರು, ಖರೀದಿದಾರರು, ಚಿಲ್ಲರೆ ವ್ಯಾಪಾರಿಗಳು ಹಾಗೂ ರಪ್ತುದಾರರಿಗೆ ನೇರ ಪ್ರವೇಶ ಪಡೆಯಲು ಸಹಕಾರಿಯಾಗಿದೆ. ಇದರಿಂದ ಮಧ್ಯವರ್ತಿಗಳ ಹಾವಳಿಗೆ ತಡೆಬಿದ್ದಿದೆ.

ದೇಶದಲ್ಲಿ ಸಾವಯವ ಕೃಷಿಯನ್ನು ಮತ್ತೆ ಮುನ್ನೆಲೆಗೆ ತರಲು ಪರಂಪರಾಗತ ಕೃಷಿ ವಿಕಾಸ್​ ಯೋಜನೆ ಅಡಿಯಲ್ಲಿ ಕೇಂದ್ರ ಸರ್ಕಾರ ಕೆಲ ಕಾರ್ಯಕ್ರಮಗಳನ್ನು ಪ್ರಕಟಿಸಿದೆ. ದೇಶಾದ್ಯಂತ 15 ಲಕ್ಷ ಹೆಕ್ಟೇರ್​ ವಿಸ್ತೀರ್ಣದಲ್ಲಿ ಕಾರ್ಯಕ್ರಮವನ್ನು ವಿಸ್ತರಿಸಿದ್ದು, ಈ ವರ್ಷಾಂತ್ಯಕ್ಕೆ 25 ಲಕ್ಷ ಹೆಕ್ಟೇರ್​ಗೆ ವಿಸ್ತರಿಸುವ ಗುರಿ ಹೊಂದಲಾಗಿದೆ. ಸುಮಾರು 25.30 ಲಕ್ಷ ರೈತರು ಪ್ರಯೋಜನ ಪಡೆದಿದ್ದು, ಇನ್ನಷ್ಟು ಮಂದಿಗೆ ವಿಸ್ತರಿಸಲಾಗುತ್ತಿದೆ. ಇದಕ್ಕಾಗಿ ಕೇಂದ್ರ ಬಜೆಟ್​ನಲ್ಲಿ 205.46 ಕೋಟಿ ರೂ. ಅನುದಾನ ಮೀಸಲಿರಿಸಲಾಗಿದೆ. ರಪ್ತು ಮಾಡುವ ರೈತರಿಗೆ ವಿಶೇಷ ಸಬ್ಸಿಡಿ ಹಾಗೂ ಉತ್ತೇಜನ ನೀಡಲಾಗುತ್ತಿದೆ.

ಭಾರತವು ಇದೇ ಮೊದಲ ಬಾರಿಗೆ ದಾಖಲೆ ಪ್ರಮಾಣದ ಆಹಾರಧಾನ್ಯಗಳನ್ನು ಉತ್ಪಾದಿಸಿ ಗಮನ ಸೆಳೆದಿದೆ. ಶೇಕಡ 8 ಹೆಚ್ಚಳದೊಂದಿಗೆ 357.73 ದಶಲಕ್ಷ ಟನ್​ ಪ್ರಮಾಣದ ಉತ್ಪಾದನೆ ದಾಟಿದೆ. ದೇಶಾದ್ಯಂತ ಹೆಚ್ಚಿನ ಬೆಳೆಗಳಿಗೆ ಬೆಂಬಲ ಬೆಲೆ ಘೋಷಣೆ, ಆತ್ಮನಿರ್ಭರ ಕಾರ್ಯಕ್ರಮಗಳ ಜಾರಿ, ಸುಸ್ಥಿರ ಕೃಷಿ, ಮಾರುಕಟ್ಟೆ ವಿಸ್ತರಣೆ ಹಾಗೂ ರೈತರಿಗೆ ಸಕಾಲದಲ್ಲಿ ಕಾರ್ಯಕ್ರಮಗಳನ್ನು ತಲುಪಿಸಿರುವುದು ಈ ಸಾಧನೆ ಮಾಡಲು ಕಾರಣವಾಗಿದೆ.

ಬೆಳೆ ಋತುವಿನಲ್ಲಿ ಕೃಷಿ ಚಟುವಟಿಕೆ ಕೈಗೊಳ್ಳಲು ಪ್ರತಿ ರೈತನಿಗೆ ವಾರ್ಷಿಕ 6,000 ರೂ. ಸಹಾಯಧನ ವಿತರಿಸುವ ಪ್ರಧಾನಮಂತ್ರಿ ಕಿಸಾನ್​ ಸಮ್ಮಾನ್​ ನಿಧಿ (ಪಿಎಂ&ಕಿಸಾನ್​) ಕಾರ್ಯಕ್ರಮ ರೈತಾಪಿ ವರ್ಗದವರಲ್ಲಿ ಜನಪ್ರಿಯತೆ ಪಡೆದಿದೆ. ಫೆಬ್ರವರಿಯಲ್ಲಿ 19ನೇ ಕಂತಿನಲ್ಲಿ ದೇಶಾದ್ಯಂತ 9.8 ಕೋಟಿ ಕೃಷಿಕರಿಗೆ ಒಟ್ಟು 22,000 ಸಾವಿರ ಕೋಟಿ ರೂ. ಬಿಡುಗಡೆ ಮಾಡಲಾಗಿದೆ. ನಂತರ, ಆಗಸ್ಟ್​ನಲ್ಲಿ 9.7 ಕೋಟಿ ರೈತರಿಗೆ 20,500 ಕೋಟಿ ರೂ. ಡಿಬಿಟಿ ಮೂಲಕ ವಿತರಿಸಲಾಯಿತು.