ಚಂಢೀಗಡ: ಕಾಂಗ್ರೆಸ್ ಪಕ್ಷದ ನೇತೃತ್ವದಲ್ಲಿ ದೆಹಲಿಯ ರಾಮ ಲೀಲಾ ಮೈದಾನದಲ್ಲಿ ಆಯೋಜಿಸಲಾಗಿರುವ ರ‍್ಯಾಲಿಯನ್ನು, ಸಿಖ್ಖರ ಹತ್ಯಾಕಾಂಡವನ್ನು ಸಂಭ್ರಮಿಸಿದ ಆಚರಣೆ ಎಂದು ಕೇಂದ್ರ ಗೃಹ ಸಚಿವ ಅಮಿತ್ ಶಾ ಆರೋಪಿಸಿದ್ದಾರೆ. ನಾವಿಂದು (ಬಿಜೆಪಿ) ದೆಹಲಿಯಲ್ಲಿ ಸಿಖ್ಖರ ಹತ್ಯಾಕಾಂಡದ ಕರಾಳ ದಿನವನ್ನು ಆಚರಿಸುತ್ತಿದರೆ, ಅವರಲ್ಲಿ 'ಜಲ್ಸಾ' (ಸಂಭ್ರಮಾಚರಣೆ) ನಲ್ಲಿ ತೊಡಗಿದ್ದಾರೆಂದು ಕಿಡಿಕಾರಿದ್ದಾರೆ.
ದೆಹಲಿಯಲ್ಲಿ ನಡೆದಿದ್ದ ಸಿಖ್ಖರ ಹತ್ಯಾಕಾಂಡಕ್ಕೆ ಕಾಂಗ್ರೆಸ್ ಪಕ್ಷವೇ ನೇರ ಕಾರಣವಾಗಿದ್ದು, ಅಂದು ನಡೆದ ಘಟನೆ ಫಲವಾಗಿ ಲಕ್ಷಾಂತರ ಸಿಖ್ಖರು ದೆಹಲಿ ತೊರೆಯ ಬೇಕಾಯಿತೆಂದು ಗುಡುಗಿದ್ದಾರೆ. ಕೇಂದ್ರ ಚುನಾವಣಾ ಆಯೋಗ ನಡೆಸುತ್ತಿರುವ ಮತದಾರ ಪಟ್ಟಿ ಪರಿಷ್ಕರಣೆ ನೀತಿಯನ್ನು ವಿರೋಧಿಸಿ, ಇಂಡಿಯಾ ಒಕ್ಕೂಟ ನವದೆಹಲಿಯ ರಾಮ್ಲೀಲಾ ಮೈದಾನದಲ್ಲಿ ನವೆಂಬರ್ 1 ರಿಂದ 3 ರ ವರೆಗೆ ಪ್ರತಿಭಟನೆ ನಡೆಸಲಿದೆ.
ನಾವು ಪತ್ರಿಕಾಗೋಷ್ಟಿಯನ್ನು ನಡೆಸಿ, ಈ ಸಂದರ್ಭದಲ್ಲಿ ದೆಹಲಿಯಲ್ಲಿ ರ‍್ಯಾಲಿಯನ್ನು ನಡೆಸಬೇಡಿ ಎಂದು ವಿರೋಧ ಪಕ್ಷಕ್ಕೆ ತಿಳಿಸಿದ್ದೆವು. ಕಾರಣ ಇದೇ ಕಾಲದಲ್ಲಿ ದೆಹಲಿಯಲ್ಲಿ ಸಿಖ್ಖರ ನರಸಂಹಾರ ನಡೆದಿತ್ತು. ನೀವು ಹೀಗೆ ರ‍್ಯಾಲಿ ಮಾಡಿದರೆ, ಸಿಖ್ ಕುಟುಂಬಗಳ ಮಹಿಳೆಯರ, ಮಕ್ಕಳ ಕೋಪಕ್ಕೆ ಕಾರಣವಾಗುತ್ತದೆ ಎಂದು ತಿಳಿಸಿದ್ದೆವು. ಆದರೂ ಅವರು ನಮ್ಮ ಮಾತನ್ನು ಕೇಳಲಿಲ್ಲ ಎಂದಿದ್ದಾರೆ.
ನಿಮ್ಮ ಸರ್ಕಾರ ಅಧಿಕಾರದಲ್ಲಿದ್ದಾಗ, ದೆಹಲಿಯಲ್ಲಿ ಲಕ್ಷಾಂತರ ಸಿಖ್ಖರನ್ನು ಜೀವಂತವಾಗಿ ಸುಡಲಾಯಿತು. ಮನೆ-ಅಂಗಡಿಗಳನ್ನು ಲೂಟಿ ಮಾಡಲಾಯಿತು. ಈ ದೇಶ ಗುರುಗಳ ನಾಡಾಗಿದೆ, ಇಂತಹ ನಾಡಿನಲ್ಲಿ ಗುರುಗಳ ಮಕ್ಕಳನ್ನು ನೀವು ಸಾಯಿಸಿದ್ದಿರಿ. ಈ ಘಟನೆಯನ್ನು ಸಿಖ್ ಸಮುದಾಯ ಎಂದಿಗೂ ಮರೆಯುದಿಲ್ಲ. ಭಾರತ ಹಾಗೂ ಪಂಜಾಬ್ ಕಾಂಗ್ರೆಸ್ ಅನ್ನು ಎಂದಿಗೂ ಕ್ಷಮಿಸುವುದಿಲ್ಲ ಎಂದು ಅಮಿತ್ ಶಾ ಅಬ್ಬರಿಸಿದ್ದಾರೆ.
ಆ, ಸಂದರ್ಭದಲ್ಲಿ ಪ್ರಧಾನ ಮಂತ್ರಿಯಾಗಿದ್ದ ರಾಜೀವ್ ಗಾಂಧಿ, ಒಂದು ದೊಡ್ಡ ಮುರಿದು ಬಿದ್ದರೆ, ಭೂಮಿ ಸಣ್ಣಗೆ ಕಂಪಿಸುತ್ತದೆ ಎಂಬ ಕೀಳು ಮಟ್ಟದ ಹೇಳಿಕೆ ನೀಡಿದ್ದರು. ಇದನ್ನೆಲ್ಲಾ ಸಹಿಸಿಕೊಂಡು ಸಿಖ್ ಸಮುದಾಯ ಇಂದಿಗೂ ಈ ದೇಶಕ್ಕೆ ನಿಯತ್ತಾಗಿದ್ದಾರೆ. ಕಾಂಗ್ರೆಸ್ ಸರ್ಕಾರ ಸಿಖ್ ಸಮುದಾಯಕ್ಕೆ ಎಂತಹ ದ್ರೋಹ ಮಾಡಿದೆ ಎಂದು ಎಲ್ಲರಿಗೂ ತಿಳಿದಿದೆ ಎಂದಿದ್ದಾರೆ.
ಸೋನಿಯಾ ಜೀ, ನೀವು ಕಳೆದ 15 ವರ್ಷಗಳಿಂದ ನಿಮ್ಮ ಸುಪುತ್ರ ರಾಹುಲ್ ಗಾಂಧಿಯನ್ನು ದೇಶದ ಪ್ರಧಾನ ಮಂತ್ರಿಯನ್ನಾಗಿ ಮಾಡಲು ಹವಣಿಸುತ್ತಿದ್ದಿರಾ. ಆದರೆ, ಇಮ್ಮ ಈ ಆಸೆ ಎಂದಿಗೂ ಈಡೇರುವುದಿಲ್ಲ ಎಂದು ಅಮಿತ್ ಶಾ ಹಂಗಿಸಿದ್ದಾರೆ. ಪ್ರಧನಿ ಆಗುದಿಲ್ಲ ಎಂದು ಅವರಿಗೂ ಗೊತ್ತಿದೆ, ಅದಕ್ಕೆ, ಅಣಕು ಸಂಸತ್ ಅನ್ನು ನಡೆಸುತ್ತಿದ್ದಾರೆ. ನೀವು ಜೀವನವೀಡಿ ಹೀಗೆ ಅಣಕು ಸಂಸತ್ ಅನ್ನೇ ನಡೆಸುತ್ತಾ ಕಾಲ ಕಳೆಯುವುದೇ ಸೂಕ್ತವೆಂದು ಅಮಿತ್ ಶಾ ವ್ಯಂಗ್ಯವಾಡಿದ್ದಾರೆ, (ಏಜೆನ್ಸೀಸ್).