ನವದೆಹಲಿ: ಭಾರತ ಸಂಸ್ಕೃತಿಯ ತೊಟ್ಟಿಲು ಮತ್ತು ರಾಷ್ಟ್ರವೇ ನಮ್ಮ ಅಸ್ತಿತ್ವದ ಅಡಿಪಾಯ ಈ ಹಿನ್ನೆಲೆ ವಿಭಜಕ ಶಕ್ತಿಗಳ ವಿರುದ್ಧ ಸಮಾಜವನ್ನು ಒಗ್ಗೂಡಿಸಬೇಕು ಎಂದು ಶುಕ್ರವಾರ(ಅ. 23) ಪ್ರಧಾನಿ ಮೋದಿ ಹೇಳಿದ್ದಾರೆ.
ಚಿನ್ಮಯ ಅಮೃತ ಮಹೋತ್ಸವ ಜಾಗತಿಕ ಸಮ್ಮೇಳನದಲ್ಲಿ ಭಾಗವಹಿಸಿ ಮಾತನಾಡಿರುವ ಅವರು, ಚಿನ್ಮಯ ಮಿಷನ್‌ನ ಪ್ರಯತ್ನಗಳಿಂದ ಪ್ರೇರಿತರಾಗಿ, ಇಂದು ಲಕ್ಷಾಂತರ ಯುವಕರು ಭಾರತದ ಸಾಂಸ್ಕೃತಿಕ ಬ್ರಾಂಡ್ ರಾಯಭಾರಿಗಳಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಈ ಯುವಕರು ಹೊಸ ಪೀಳಿಗೆಗೆ ಭಾರತೀಯ ಮೌಲ್ಯಗಳನ್ನು ರವಾನಿಸುತ್ತಿದ್ದಾರೆ ಎಂದು ಶ್ಲಾಘಿಸಿದ್ದಾರೆ.
ಚಿನ್ಮಯ ಮಿಷನ್ ಕೇವಲ ಒಂದು ಸಂಸ್ಥೆಯಲ್ಲ, ಬದಲಾಗಿ ಒಬ್ಬ ಋಷಿಯಿಂದ ಸ್ಥಾಪಿಸಲ್ಪಟ್ಟ ಮತ್ತು ದಶಕಗಳ ಪವಿತ್ರ ಸಂಕಲ್ಪಗಳಿಂದ ಪೋಷಿಸಲ್ಪಟ್ಟ ಅಮರ ಪ್ರಜ್ಞೆಯಾಗಿದೆ. ಚಿನ್ಮಯ ಅಮೃತ ಮಹೋತ್ಸವದ ಯುವ ಸ್ವಯಂಸೇವಕರು ಮಹತ್ವದ ಜವಾಬ್ದಾರಿಗಳನ್ನು ಹೊತ್ತುಕೊಂಡು 300 ದಿನಗಳಲ್ಲಿ 40,000 ಕಿಲೋಮೀಟರ್ ಕ್ರಮಿಸಿ ಒಂದು ಲಕ್ಷಕ್ಕೂ ಹೆಚ್ಚು ಯುವ ನಾಗರಿಕರೊಂದಿಗೆ ತೊಡಗಿಸಿಕೊಂಡಿದ್ದಕ್ಕಾಗಿ ಪ್ರಶಂಸಿದ್ದಾರೆ.
ರಾಷ್ಟ್ರೀಯ ಸ್ವಾಭಿಮಾನವನ್ನು ತುಂಬಲು, ಸ್ವಾಮೀಜಿ ಉಪನಿಷತ್ತುಗಳು, ವೇದಾಂತಗಳು ಮತ್ತು ಧರ್ಮಗ್ರಂಥಗಳನ್ನು ಜನಸಾಮಾನ್ಯರಿಗೆ ತಲುಪಿಸಲು ಗೀತಾ ಜ್ಞಾನ ಯಜ್ಞವನ್ನು ಪ್ರಾರಂಭಿಸಿದರು. ಇದರ ಪರಿಣಾಮವಾಗಿ ಇಂದು ಲಕ್ಷಾಂತರ ಚಿನ್ಮಯ ಮಿಷನ್ ಯುವಕರು ಸಾಂಸ್ಕೃತಿಕ ಬ್ರಾಂಡ್ ರಾಯಭಾರಿಗಳಾಗಿ ಭಾರತೀಯ ಮೌಲ್ಯಗಳನ್ನು ರವಾನಿಸುತ್ತಿದ್ದಾರೆ. ಪೂಜ್ಯ ಗುರುದೇವ್ ಅವರ ಈ ಕೊಡುಗೆ ಭಾರತದ ಸಾಂಸ್ಕೃತಿಕ ಮತ್ತು ಆಧ್ಯಾತ್ಮಿಕ ಪುನರುಜ್ಜೀವನದಲ್ಲಿ ಒಂದು ಪ್ರಮುಖ ಅಧ್ಯಾಯವಾಗಿದೆ ಎಂದು ತಿಳಿಸಿದ್ದಾರೆ.
ಇಂದು ನಾವು ವಿಭಜಕ ಶಕ್ತಿಗಳ ವಿರುದ್ಧ ಸಮಾಜವನ್ನು ಒಗ್ಗೂಡಿಸಬೇಕು ಎಂದು ಪ್ರತಿಪಾದಿಸಿದ ಅವರು, ಅಂದರೆ ಚಿನ್ಮಯ ಮಿಷನ್‌ನ ಶತಮಾನೋತ್ಸವದ ಪ್ರಯಾಣ ಮತ್ತು ವಿಕ್ಷಿತ್ ಭಾರತದ ಪ್ರಯಾಣ ಒಟ್ಟಿಗೆ ಮುಂದುವರಿಯುತ್ತದೆ ಎಂದು ಹೇಳಿದ್ದಾರೆ (ಏಜೆನ್ಸೀಸ್).