Telangana Man Alleges Murder Plot By Wife And Lover, Shows WhatsApp Chats
- ಪ್ರಿಯಕರನ ಜೊತೆ ಸೇರಿ ಪತ್ನಿ ಕೊಲೆ ಮಾಡುವ ಆತಂಕ ವ್ಯಕ್ತಪಡಿಸಿದ ವ್ಯಕ್ತಿ.
- ಕೊಲೆ ಮಾಡಿ, ಅಪಘಾತವಾದಂತೆ ಬಿಂಬಿಸಲು ಪ್ಲ್ಯಾನ್.
- ತೆಲಂಗಾಣದ ಮಹಬೂಬಾಬಾದ್ ಜಿಲ್ಲೆಯಲ್ಲಿ ಘಟನೆ.
ಹೈದರಾಬಾದ್: ನನ್ನ ಪತ್ನಿ ಮತ್ತು ಆಕೆಯ ಪ್ರಿಯಕರ ನನ್ನನ್ನು ಕೊಲ್ಲಲ್ಲು ಪ್ಲ್ಯಾನ್ ಮಾಡಿದ್ದಾರೆ. ನನಗೆ ಜೀವ ಭಯವಿದೆ ಎಂದು ತೆಲಂಗಾಣದ ವ್ಯಕ್ತಿಯೊಬ್ಬ ಪೊಲೀಸರಿಗೆ ದೂರು ಕೊಟ್ಟ ಘಟನೆ ಬೆಳಕಿಗೆ ಬಂದಿದೆ. ಇದಕ್ಕೆ ಸಾಕ್ಷಿಯಾಗಿ ಇಬ್ಬರ ವಾಟ್ಸಾಪ್ ಮತ್ತು ಇನ್ಸ್ಟಾಗ್ರಾಮ್ ಚಾಟ್ ಅನ್ನು ಪೊಲೀಸರಿಗೆ ನೀಡಿದ್ದಾರೆ ಎನ್ನಲಾಗಿದೆ.
ತೆಲಂಗಾಣದ ಮಹಬೂಬಾಬಾದ್ ಜಿಲ್ಲೆಯ ಹಳ್ಳಿಯ ಗದೆ ರಾಜೇಶ್ವರ ರಾವ್ 2016ರಲ್ಲಿ ಭವಾನಿ ಅವರ ಜೊತೆಗೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟರು. ಅವರಿಗೆ ಸದ್ಯ ಇಬ್ಬರು ಹೆಣ್ಣು ಮಕ್ಕಳಿದ್ದಾರೆ. ಭವಾನಿಗೆ ಡೆಲಿವರಿ ಎಕ್ಸಿಕ್ಯೂಟಿವ್ ಆಗಿ ಕೆಲಸ ಮಾಡುತ್ತಿರುವ ಸೈದುಲು ಜೊತೆ ವಿವಾಹೇತರ ಸಂಬಂಧ ಇರುವುದು ಕಾಲ ಕ್ರಮೇಣ ರಾಜೇಶ್ವರ್ ರಾವ್ ಅವರಿಗೆ ತಿಳಿದುಬಂದಿದೆ. ಅಷ್ಟೇ ಅಲ್ಲದೇ ತಾನಿಲ್ಲದ ಸಮಯದಲ್ಲಿ ಆತ ಭೇಟಿ ನೀಡುತ್ತಿರುವುದು ಗಮನಕ್ಕೆ ಬಂದಿದೆ.
ಚಾಟ್ನಲ್ಲಿತ್ತು ಭಯಾನಕ ಸತ್ಯ
ಜುಲೈ 27 ರಂದು ವಿಷಯಗಳು ಉದ್ವಿಗ್ನಗೊಂಡವು. ಅವರು ಊಟಕ್ಕೆ ಮನೆಗೆ ಬಂದಾಗ ಅವರ ಪತ್ನಿ ಮತ್ತು ಆಕೆಯ ಪ್ರೇಮಿ ರಾಜಿ ಮಾಡಿಕೊಳ್ಳುವ ಪರಿಸ್ಥಿತಿಯಲ್ಲಿ ಒಟ್ಟಿಗೆ ಇರುವುದನ್ನು ಕಂಡುಕೊಂಡರು. ಹೀಗಾಗಿ, ಆಕೆಯ ಫೋನ್ನ ಇನ್ಸ್ಟಾಗ್ರಾಮ್ ಹಾಗೂ ವಾಟ್ಸಾಪ್ ಚಾಟ್ ಅನ್ನು ತೆರೆದು ನೋಡಿದಾಗ ರಾಜೇಶ್ವರ ರಾವ್ ಅವರಿಗೆ ಸಾಕಷ್ಟು ಶಾಕ್ ಕಾದಿತ್ತು. ಚಾಟ್ನಲ್ಲಿ ಇಬ್ಬರು ಆತನನ್ನು ಕೊಲೆ ಮಾಡಿ ಅದನ್ನು ಆಕ್ಸಿಡೆಂಟ್ ಎಂಬಂತೆ ಬಿಂಬಿಸಲು ಪ್ಲ್ಯಾನ್ ಮಾಡಿಕೊಂಡಿದ್ದ ಟೆಕ್ಸ್ಟ್ ಸಂದೇಶಗಳಿದ್ದವು ಎನ್ನಲಾಗಿದೆ
ಪೊಲೀಸರಿಗೆ ಸಿಕ್ಕ ಚಾಟ್ನಲ್ಲಿ ಏನಿತ್ತು?
- bunnu2303 ಎಂದಿರುವ ಇನ್ಸ್ಟಾಗ್ರಾಮ್ ಖಾತೆಗೆ ಪತ್ನಿ ಟೆಸ್ಟ್ ಮಾಡಿರುವುದು ಹೀಗೆ
- ಭವಾನಿ: ನೀನು ಏನು ಮಾಡುತ್ತಿದ್ದೀಯಾ?
- ಪ್ರಿಯಕರ: ಅವನು ಹೋದ ನಂತರ ನಾನು ಬರ್ತೀನಿ. ಅವನಿಗೆ ಏನಾದರೂ ಅಪಘಾತವಾಗುವಂತೆ ಮಾಡುತ್ತೀಯಾ? ಅಥವಾ ಇಲ್ಲವಾ?
- ಪ್ರಿಯಕರ: ಅವನನ್ನು ಹೇಗಾದರೂ ಸಾಯಿಸಲೇಬೇಕು, ಇಲ್ಲದಿದ್ದರೆ ಅವನು ನನ್ನನ್ನು ಕೊಂದುಬಿಡುತ್ತಾನೆನನಗೆ ತುಂಬಾ ಭಯವಾಗುತ್ತಿದೆ.
- ಭವಾನಿ: ನಾನು ಕೊಲ್ಲುತ್ತೇನೆ..ಇಲ್ಲದಿದ್ದರೆ ನಾನು ಸಾಯುತ್ತೇನೆ ಇದು ಫಿಕ್ಸ್ಪ್ರಿಯಕರ: ನನ್ನನ್ನು ಅವನು ನೋಡಿದ್ದಾನಾ?
- ಭವಾನಿ: ನೀನವನನ್ನು ಕೊಲ್ಲದೇ ಹೋದರೆ ನಾನು ಕೊಲ್ಲುತ್ತೇನೆ ಇದು ಫಿಕ್ಸ್ ಎಂದಿದ್ದಾರೆ
ಈ ಸಂದೇಶ ನೋಡಿದ ರಾಜೇಶ್ವರ್ ರಾವ್ ಜೀವಭಯದಿಂದ ಡೋರ್ನಕಲ್ ಪೊಲೀಸ್ ಠಾಣೆಗೆ ರಾಜೇಶ್ವರ ರಾವ್ ದೂರು ನೀಡಿದ್ದಾರೆ. ಪೊಲೀಸರು ಶೂನ್ಯ ಎಫ್ಐಆರ್ ದಾಖಲಿಸಿ ಪ್ರಕರಣವನ್ನು ಖಮ್ಮಂ ಗ್ರಾಮೀಣ ಪೊಲೀಸರಿಗೆ ವರ್ಗಾಯಿಸಿದ್ದಾರೆ,
ಸಂತ್ರಸ್ತ ಕೊಟ್ಟ ದೂರಿನ ಮೇರೆಗೆ ಕೇಸ್ ದಾಖಲಿಸಿಕೊಂಡಿದ್ದೇವೆ. ಸಂದೇಶಗಳು ಸೇರಿದಂತೆ ಸಾಕ್ಷ್ಯಗಳನ್ನು ಪರಿಶೀಲಿಸುತ್ತಿದ್ದೇವೆ. ತನಿಖೆಯ ಭಾಗವಾಗಿ ಆರೋಪಗಳು ಮತ್ತು ವಿಷಯದ ಸತ್ಯಾಸತ್ಯತೆಯನ್ನು ಪರಿಶೀಲಿಸಲಾಗುತ್ತಿದೆ ಎಂದು ಖಮ್ಮಂ ಗ್ರಾಮೀಣ ಇನ್ಸ್ಪೆಕ್ಟರ್ ಎಂ ರಾಜು ಹೇಳಿದ್ದಾರೆ, (ಏಜೆನ್ಸೀಸ್).