ಮುಂಬೈ: (Suniel Shetty ) ಬಾಲಿವುಡ್ನ ಅನೇಕ ಸೆಲೆಬ್ರಿಟಿಗಳು ತಂಬಾಕು ಮತ್ತು ಮದ್ಯದಂತಹ ಉತ್ಪನ್ನಗಳನ್ನು ಜಾಹೀರಾತು ಮಾಡುವುದನ್ನು ಆಗಾಗ್ಗೆ ನೋಡುತ್ತಾರೆ. ಈ ಜಾಹೀರಾತುಗಳು ಆಗಾಗ್ಗೆ ಚರ್ಚೆಗೆ ಕಾರಣವಾಗುತ್ತವೆ. ನಟ ಸುನಿಲ್ ಶೆಟ್ಟಿ ಅವರು ದೊಡ್ಡ ಮೊತ್ತದ ಹಣಕ್ಕಿಂತ ತಮ್ಮ ಸಂಸ್ಕಾರ ಮತ್ತು ಕುಟುಂಬದ ಗೌರವವೇ ಮುಖ್ಯ ಎಂದು ಮತ್ತೊಮ್ಮೆ ಸಾಬೀತುಪಡಿಸಿದ್ದಾರೆ.
ನಟ ಸುನಿಲ್ ಶೆಟ್ಟಿ ಅವರು ಸುನಿಲ್ ಶೆಟ್ಟಿ ಅವರಿಗೆ ತಂಬಾಕು ಉತ್ಪನ್ನವೊಂದರ (Tobacco Brand) ಜಾಹೀರಾತಿನಲ್ಲಿ ನಟಿಸಲು ಬರೋಬ್ಬರಿ 40 ಕೋಟಿ ರೂಪಾಯಿಗಳ ಆಫರ್ ಬಂದಿತ್ತು. ಆದರೆ ಅವರು ಅದನ್ನು ಒಪ್ಪಿಕೊಳ್ಳಲು ನಿರಾಕರಿಸಿದ್ದಾರೆ.
ಈ ನಿರ್ಧಾರದ ಬಗ್ಗೆ ಮಾತನಾಡಿದ ಅವರು, "ನಾನು ಅಂತಹ ಉತ್ಪನ್ನವನ್ನು ಪ್ರಚಾರ ಮಾಡಿದರೆ, ಅದು ನನ್ನ ಮಕ್ಕಳಾದ ಅಥಿಯಾ ಶೆಟ್ಟಿ, ಅಹಾನ್ ಶೆಟ್ಟಿ ಮತ್ತು ಅಳಿಯ ಕೆ.ಎಲ್. ರಾಹುಲ್ ಅವರ ವ್ಯಕ್ತಿತ್ವದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಅವರ ಗೌರವಕ್ಕೆ ಚ್ಯುತಿ ಬರುವುದು ನನಗಿಷ್ಟವಿಲ್ಲ" ಎಂದು ಹೇಳಿದ್ದಾರೆ.
ನಾನು ಜೀವನವಿಡೀ ಫಿಟ್ನೆಸ್ ಮತ್ತು ಆರೋಗ್ಯಕ್ಕೆ ಒತ್ತು ನೀಡುತ್ತಾ ಬಂದವನು. ಈಗ ಕೇವಲ ಹಣಕ್ಕಾಗಿ ಜನರಿಗೆ ವಿಷಕಾರಿ ಉತ್ಪನ್ನವನ್ನು ಸೇವಿಸಿ ಎಂದು ಹೇಳಲು ಸಾಧ್ಯವಿಲ್ಲ. ಅದು ನನ್ನ ತತ್ವಗಳಿಗೆ ವಿರುದ್ಧವಾದುದು," ಎಂದು ಸುನಿಲ್ ಶೆಟ್ಟಿ ಸ್ಪಷ್ಟಪಡಿಸಿದ್ದಾರೆ.
ಇತ್ತೀಚಿನ ದಿನಗಳಲ್ಲಿ ಬಾಲಿವುಡ್ನ ದೊಡ್ಡ ಸ್ಟಾರ್ಗಳಾದ ಅಜಯ್ ದೇವಗನ್, ಶಾರುಖ್ ಖಾನ್ ಮತ್ತು ಅಕ್ಷಯ್ ಕುಮಾರ್ ಅವರು ತಂಬಾಕು ಬ್ರ್ಯಾಂಡ್ಗಳ ಪ್ರಚಾರ ಮಾಡಿ ಟೀಕೆಗೆ ಗುರಿಯಾಗಿದ್ದರು. ಈ ನಡುವೆ ಸುನಿಲ್ ಶೆಟ್ಟಿ ಅವರ ಈ ನಿರ್ಧಾರಕ್ಕೆ ಅಭಿಮಾನಿಗಳಿಂದ ಭಾರಿ ಪ್ರಶಂಸೆ ವ್ಯಕ್ತವಾಗುತ್ತಿದೆ.