ಮುಂಬೈ: ದೇಶೀಯ ಷೇರು(Stock Market) ಸೂಚ್ಯಂಕಗಳಾದ ಸೆನ್ಸೆಕ್ಸ್ ಮತ್ತು ನಿಫ್ಟಿ ಸೋಮವಾರ(ನ.24) ಭಾರೀ ಕುಸಿದಿದೆ.
ಸೆನ್ಸೆಕ್ಸ್ 331 ಪಾಯಿಂಟ್ ಅಥವಾ ಶೇಕಡಾ 0.39 ರಷ್ಟು ಕುಸಿತ ಕಂಡು 84,900ಕ್ಕೆ ತಲುಪಿದರೆ, ನಿಫ್ಟಿ 109 ಪಾಯಿಂಟ್ ಅಥವಾ ಶೇಕಡಾ 0.42 ರಷ್ಟು ಕುಸಿತ ಕಂಡು 25,959ಕ್ಕೆ ತಲುಪಿತು. ಬಿಎಸ್ಇ ಮಿಡ್ಕ್ಯಾಪ್ ಮತ್ತು ಸ್ಮಾಲ್ಕ್ಯಾಪ್ ಸೂಚ್ಯಂಕಗಳು ಕ್ರಮವಾಗಿ 0.27% ಮತ್ತು 0.83% ನಷ್ಟದೊಂದಿಗೆ ಕೊನೆಗೊಂಡವು.
7 ಲಕ್ಷ ಕೋಟಿ ರೂ. ನಷ್ಟ!
ಎರಡು ಅವಧಿಗಳಲ್ಲಿ ಸೆನ್ಸೆಕ್ಸ್ 732 ಪಾಯಿಂಟ್ಗಳು ಅಥವಾ 0.85% ರಷ್ಟು ಕುಸಿದಿದೆ, ಆದರೆ ಹೂಡಿಕೆದಾರರು7 ಲಕ್ಷ ಕೋಟಿ ರೂ. ಕಳೆದುಕೊಂಡಿದ್ದಾರೆ. ಏಕೆಂದರೆ ಬಿಎಸ್ಇಯಲ್ಲಿ ಪಟ್ಟಿಮಾಡಿದ ಸಂಸ್ಥೆಗಳ ಒಟ್ಟಾರೆ ಮಾರುಕಟ್ಟೆ ಬಂಡವಾಳೀಕರಣವು ನವೆಂಬರ್ 20ರ ಗುರುವಾರ 476 ಲಕ್ಷ ಕೋಟಿಗೆ ಹೋಲಿಸಿದರೆ, 469 ಲಕ್ಷ ಕೋಟಿಗಳಷ್ಟಿತ್ತು.