ಮೇ.26ಕ್ಕೆ ಕೇರಳದಲ್ಲಿ ನೈಋತ್ಯ ಮುಂಗಾರು ಪ್ರವೇಶ?; ಹವಾಮಾನ ಇಲಾಖೆಯಿಂದ ಮುನ್ಸೂಚನೆ..Southwest monsoon

ನವದೆಹಲಿ: ಬಿಸಿಲಿಗೆ ಬಳಲಿ ಬೆಂಡಾಗಿದ್ದ ಜನರಿಗೆ ಹವಾಮಾನ ಇಲಾಖೆ (The India Meteorological Department (IMD))ಗುಡ್​ನ್ಯೂಸ್​​ವೊಂದನ್ನು ಕೊಟ್ಟಿದೆ. ಜೊತೆಗೆ ಕೃಷಿ ಚಟುವಟಿಕೆಗಾಗಿ ಕಾದು ಕುಳಿತಿದ್ದ ರೈತರಿಗೆ ಸಿಹಿಸುದ್ದಿ ಕೊಟ್ಟಿದೆ. ಅದೇನೆಂದರೆ, ಈ ಬಾರಿ ಮುಂಗಾರು ಆರಂಭವಾಗುವ ಆರು ದಿನಕ್ಕೂ ಮುನ್ನವೇ ವರುಣಾರ್ಭಟ ಇರಲಿದೆ. ಅಂದರೆ, ಮೇ.26ರಿಂದ ಕೇರಳದಲ್ಲಿ ಮಳೆ ಬೀಳಲಿದೆ ಎಂದು ಪ್ರಕಟಣೆಯನ್ನು ಹೊರಡಿಸಿದೆ.  

ಸಾಮಾನ್ಯವಾಗಿ ದೇವರನಾಡು ಕೇರಳದಲ್ಲಿ ಮುಂಗಾರು ಆರಂಭವಾಗೋದು ಜೂನ್​ನಿಂದ ಮೊದಲ ದಿನದಿಂದ. ಆದರೆ, ಈ ಬಾರಿ ಆರು ದಿನಕ್ಕೂ ಮುನ್ನವೇ ಮಳೆ ಬೀಳಲಿದೆ. ಇಲ್ಲದಿದ್ದರೇ ಮೇ.31ರಿಂದ ವರುಣಾರ್ಭಟ ಶುರುವಾಗುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ಹೇಳಿದೆ. 

ಕೇರಳ ಸಾಮಾನ್ಯವಾಗಿ ನೈಋತ್ಯ ಮುಂಗಾರು ಎದುರಿಸುವ ಭಾರತದ ಮೊದಲ ರಾಜ್ಯ. ಈ ಬಾರಿ ನೈಋತ್ಯ ಮುಂಗಾರು ನಾಲ್ಕು ದಿನಕ್ಕೂ ಮೊದಲು ಆರಂಭವಾಗುತ್ತದೆ. ಈ ಬಾರಿ ಮೇ.26ರಂದೇ ಕೇರಳವನ್ನು ಪ್ರವೇಶಿಸುವ ಸಾಧ್ಯತೆ ಇದೆ. ಕಳೆದ ವರ್ಷ ಮೇ.24ರಂದು ಕೇರಳವನ್ನು ಮುಂಗಾರು ಪ್ರವೇಶಿಸಿತ್ತು. ಜುಲೈ ವೇಳೆಗ ಇಡೀ ಭಾರತವನ್ನು ಮುಂಗಾರು ಆವರಿಸುವ ಸಾಧ್ಯತೆ ಇದೆ ಎನ್ನಲಾಗಿದೆ ಎಂದು ಐಎಂಡಿ ಇಲಾಖೆ ಮಳೆ ಮುನ್ಸೂಚನೆ ಕೊಟ್ಟಿದೆ. 

ವರ್ಷ	ಪ್ರಾರಂಭದ ದಿನಾಂಕ	ಊಹಿಸಲಾದ ದಿನಾಂ
2020	ಜೂನ್​ 1	ಜೂನ್​ 5
2021	ಜೂನ್​ 3	ಮೇ 31
2022	29 ಮೇ	27 ಮೇ
2023	ಜೂನ್​ 8	ಜೂನ್​ 4
2024	ಮೇ. 30	ಮೇ. 31
2025	ಮೇ. 24	ಮೇ. 27

ಮೇ.25ರಂದು ಮಳೆಯಾಗಲಿದೆ ಎಂದು 2025ರಲ್ಲಿ ಭಾರತೀಯ ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿತ್ತು. ಆದರೆ, ಅದಕ್ಕೂ ನಾಲ್ಕು ದಿನ ವಿಳಂಬವಾಗಿ ಮಳೆ ಬಂದಿತ್ತು. ಇನ್ನು 2024ರಲ್ಲಿ ಮೇ.30ರಿಂದ ಮುಂಗಾರು ಆರಂಭ ಎಂದಿತ್ತು. ಆದರೆ, ಅದರ ಆಸುಪಾಸಿನಲ್ಲೇ ಮೇ.31ರಂದು ಮಳೆಯಾಗಿದೆ.