Elon Musk ಬಳಸುವ ಫೋನ್ ಯಾವುದು? ಬಿಲಿಯನೇರ್ ಕೈಯಲ್ಲಿದ್ದ ಆ ಒಂದು ಫೋಟೋದಿಂದ ರಹಸ್ಯ ಬಹಿರಂಗ!

ಇತ್ತೀಚೆಗೆ ಎಲಾನ್ ಮಸ್ಕ್ ಕ್ಯಾಲಿಫೋರ್ನಿಯಾದ ಫೆಡರಲ್ ನ್ಯಾಯಾಲಯಕ್ಕೆ ಪ್ರವೇಶಿಸುವಾಗ ತೆಗೆದ ಫೋಟೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗಿದೆ. ಈ ಫೋಟೋವನ್ನು ಸೂಕ್ಷ್ಮವಾಗಿ ಗಮನಿಸಿದಾಗ ಮಸ್ಕ್ ಅವರು ಆಳವಾದ ನೀಲಿ ಬಣ್ಣದ (Deep Blue) ಐಫೋನ್ 17 ಪ್ರೊ (iPhone 17 Pro) ಮಾದರಿಯನ್ನು ಹಿಡಿದಿರುವುದು ಕಂಡುಬಂದಿದೆ. ಸ್ವಂತ ಸ್ಮಾರ್ಟ್‌ಫೋನ್ ಬ್ರ್ಯಾಂಡ್ ಅಥವಾ ಟೆಸ್ಲಾ ಫೋನ್ ಅಭಿವೃದ್ಧಿಪಡಿಸುವ ಬಗ್ಗೆ ಈ ಹಿಂದೆ ಮಾತನಾಡಿದ್ದ ಮಸ್ಕ್, ಸದ್ಯಕ್ಕೆ ಆಪಲ್ ಕಂಪನಿಯ ಸಾಧನವನ್ನೇ ಅವಲಂಬಿಸಿದ್ದಾರೆ ಎಂಬುದು ಇದರಿಂದ ಸ್ಪಷ್ಟವಾಗಿದೆ.

ಎಲಾನ್ ಮಸ್ಕ್ ಅವರು ಆಪಲ್ ಸಾಧನಗಳಿಗೆ ಆದ್ಯತೆ ನೀಡಿರುವುದು ಇದೇ ಮೊದಲೇನಲ್ಲ. ಹಲವು ಸಂದರ್ಭಗಳಲ್ಲಿ ಅವರು ಐಫೋನ್ ವಿಶೇಷವಾಗಿ ಅದರ ಕ್ಯಾಮೆರಾ ಗುಣಮಟ್ಟವನ್ನು ಬಹಿರಂಗವಾಗಿ ಹೊಗಳಿದ್ದಾರೆ. ಟೆಸ್ಲಾ ಫೋನ್ ಅಥವಾ ಪರ್ಯಾಯ ಸ್ಮಾರ್ಟ್‌ಫೋನ್ ಅಭಿವೃದ್ಧಿಪಡಿಸುವ ಸುಳಿವು ನೀಡಿದ್ದರೂ, ಸದ್ಯಕ್ಕೆ ಐಫೋನ್ ಅವರ ನೆಚ್ಚಿನ ಸಂಗಾತಿಯಾಗಿದೆ.

ಕೇವಲ ಮಸ್ಕ್ ಮಾತ್ರವಲ್ಲ, ಜಗತ್ತಿನ ಬಹುತೇಕ ಶ್ರೀಮಂತರು ಐಫೋನ್ ಬಳಸುತ್ತಾರೆ ಎಂಬ ನಂಬಿಕೆ ಇದೆ. ಆದರೆ ಇದು ಸಂಪೂರ್ಣವಾಗಿ ನಿಜವಲ್ಲ. ಇತರ ದಿಗ್ಗಜರ ಫೋನ್ ಆಯ್ಕೆ ಹೀಗಿದೆ.

ಮಾರ್ಕ್ ಜುಕರ್‌ಬರ್ಗ್ (ಮೆಟಾ ಸಿಇಒ): ಇವರು ಹಲವು ಬಾರಿ ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಅಲ್ಟ್ರಾ (Samsung Galaxy Ultra) ಫೋನ್ ಬಳಸುತ್ತಿರುವುದು ಕಂಡುಬಂದಿದೆ.

ಬಿಲ್ ಗೇಟ್ಸ್ (ಮೈಕ್ರೋಸಾಫ್ಟ್ ಸ್ಥಾಪಕ): ಇವರು ಸ್ಯಾಮ್‌ಸಂಗ್‌ನ ಮಡಿಸಬಹುದಾದ (Foldable) ಫೋನ್ ಬಳಸಲು ಇಷ್ಟಪಡುತ್ತಾರೆ.

ಸುಂದರ್ ಪಿಚೈ (ಗೂಗಲ್ ಸಿಇಒ): ಇವರು ಸಹಜವಾಗಿಯೇ ತಮ್ಮದೇ ಕಂಪನಿಯ ಪಿಕ್ಸೆಲ್ (Pixel) ಸಾಧನಗಳನ್ನು ಹಾಗೂ ಪರೀಕ್ಷಾರ್ಥವಾಗಿ ಇತರ ಕಂಪನಿಗಳ ಫೋನ್‌ಗಳನ್ನೂ ಬಳಸುತ್ತಾರೆ.

ಟಿಮ್ ಕುಕ್ (ಆಪಲ್ ಸಿಇಒ): ಇವರು ಆಪಲ್‌ನ ಇತ್ತೀಚಿನ ಮಾದರಿಯ ಐಫೋನ್ ಬಳಸುತ್ತಾರೆ.

ಶ್ರೀಮಂತ ವ್ಯಕ್ತಿಗಳ ಮತ್ತೊಂದು ವಿಚಿತ್ರ ಹಾಗೂ ಆಸಕ್ತಿದಾಯಕ ಅಭ್ಯಾಸವೆಂದರೆ ಅವರು ತಮ್ಮ ಫೋನ್‌ಗಳಿಗೆ ಕವರ್ ಅಥವಾ ಕೇಸ್‌ಗಳನ್ನು (Phone Covers) ಬಳಸುವುದಿಲ್ಲ. ಇದಕ್ಕೆ ಕೆಲವು ಪ್ರಮುಖ ಕಾರಣಗಳಿವೆ.

ನೈಜ ಸೌಂದರ್ಯ: ಫೋನ್‌ನ ಮೂಲ ವಿನ್ಯಾಸ ಮತ್ತು ಪ್ರೀಮಿಯಂ ಲುಕ್ ಅನ್ನು ಅನುಭವಿಸಲು ಅವರು ಇಷ್ಟಪಡುತ್ತಾರೆ.

ನೈರ್ಮಲ್ಯ: ಫೋನ್ ಕವರ್‌ಗಳಲ್ಲಿ ಧೂಳು ಮತ್ತು ಬ್ಯಾಕ್ಟೀರಿಯಾಗಳು ಸುಲಭವಾಗಿ ಸಂಗ್ರಹವಾಗುತ್ತವೆ, ಇದು ನೈರ್ಮಲ್ಯದ ದೃಷ್ಟಿಯಿಂದ ಅವರಿಗೆ ಇಷ್ಟವಾಗುವುದಿಲ್ಲ.

ಶಾಖದ ನಿರ್ವಹಣೆ: ಕವರ್ ಇಲ್ಲದಿದ್ದರೆ ಫೋನ್ ಹೆಚ್ಚು ಬಿಸಿಯಾಗುವುದಿಲ್ಲ (Overheating), ಇದು ಸಾಧನದ ದೀರ್ಘಕಾಲದ ಕಾರ್ಯಕ್ಷಮತೆಗೆ ಸಹಕಾರಿ.

ಸಾಮಾನ್ಯ ಜನರು ಫೋನ್ ಖರೀದಿಸಿದ ತಕ್ಷಣ ದುಬಾರಿ ಕವರ್ ಹಾಕುತ್ತಾರೆ. ಆದರೆ ಜಗತ್ತಿನ ಶ್ರೀಮಂತರು ಮಾತ್ರ ಫೋನ್ ಅನ್ನು 'ಬೆತ್ತಲೆ'ಯಾಗಿಯೇ ಬಳಸಿ ಅದರ ನೈಜ ಸ್ಪರ್ಶವನ್ನು ಆನಂದಿಸುತ್ತಾರೆ,(ಏಜೆನ್ಸೀಸ್​).