ಮೆಕ್ಕಾ ಮಾದರಿಯಲ್ಲೇ ಹರಿದ್ವಾರದಲ್ಲೂ ಅನ್ಯಧರ್ಮೀಯರಿಗೆ ನಿರ್ಬಂಧವಿರಲಿ: ವಿಹೆಚ್‌ಪಿ ನಾಯಕಿ ವಿವಾದಾತ್ಮಕ ಹೇಳಿಕೆ..! Sadhvi Prachi

ಅಲ್ಲದೆ, 2027ರಲ್ಲಿ ನೆಡೆಯುವ ಅರ್ಧ ಕುಂಭಮೇಳಕ್ಕೆ ರಾಜ್ಯವು ಸಿದ್ಧತೆ ನಡೆಸುತ್ತಿರುವಾಗ , ಜನವರಿ 7ರಂದು ಈ ಬೇಡಿಕೆಯನ್ನು ಸಲ್ಲಿಸಲಾಗಿದೆ. ಈ ಮೇಳವು 7 ಕೋಟಿಗೂ ಹೆಚ್ಚು ಭಕ್ತರನ್ನು ಸೇರುವ ನಿರೀಕ್ಷೆಯಿದೆ.

ಈ ಬಗ್ಗೆ ಸುದ್ದಿಗಾರರೊಂದಿಗೆ ಮಾತನಾಡಿದ ಸಾಧ್ವಿ ಪ್ರಾಚಿ, ಉತ್ತರಾಖಂಡ ಸರ್ಕಾರವು ಇಡೀ ಕುಂಭಮೇಳ ಪ್ರದೇಶವನ್ನು ಅಮೃತ ಕ್ಷೇತ್ರ ಎಂದು ಘೋಷಿಸಬೇಕು. ಹಿಂದೂಗಳ ನಂಬಿಕೆಯ ಆಧಾರದ ಮೇಲೆ ಪ್ರವೇಶವನ್ನು ನಿರ್ಬಂಧಿಸಬೇಕು. ಅಲ್ಲದೆ, ನದಿಯ ಪಾವಿತ್ರ್ಯವನ್ನು ಕಾಪಾಡುವ ಅಗತ್ಯವನ್ನು ಉಲ್ಲೇಖಿಸಿ ಸಾಧ್ವಿ, ಜಿಹಾದಿ ಅಂಶಗಳು ಧಾರ್ಮಿಕ ಸಭೆಗಳಿಗೆ ಪ್ರವೇಶಿಸುವುದನ್ನು ನಿಷೇಧಿಸುವ ಕಾನೂನನ್ನು ತರಬೇಕೇಂದು ಒತ್ತಾಯಿಸಿದ್ದಾರೆ.

ಹರಿದ್ವಾರಿದ ಸುತ್ತಮುತ್ತಲಿನ ವ್ಯಾಪ್ತಿಯಲ್ಲಿ ಹಿಂದೂಯೇತರರು ಆಸ್ತಿ ಖರೀದಿಸುವುದನ್ನು ನಿಷೇಧಿಸಬೇಕೆಂದು ವಿಎಚ್‌ಪಿ ನಾಯಕರು ಕೋರಿದ್ದಾರೆ. ಅಲ್ಲದೆ, ಮುಸ್ಲಿಮೇತರರು ಮೆಕ್ಕಾ ಮತ್ತು ಮದೀನಾಗೆ ಪ್ರವೇಶಿಸುವುದನ್ನು ನಿರ್ಬಂಧಿಸಿರುವಂತೆಯೇ, ಹರಿದ್ವಾರವು ಆಚರಣೆಗಳು ಅಡೆತಡೆಯಿಲ್ಲದೆ ನಡೆಯುವುದನ್ನು ಖಚಿತಪಡಿಸಿಕೊಳ್ಳಲು ಇದೇ ರೀತಿಯ ನಿಯಮಗಳನ್ನು ಘೋಷಿಸಬೇಕು ಎಂದು ಸಾಧ್ವಿ ಆಗ್ರಹಿಸಿದ್ದಾರೆ.

ರಾಜ್ಯದ ಹೊರಗಿನ ವ್ಯಕ್ತಿಗಳು ದುರುದ್ದೇಶಪೂರಿತ ಉದ್ದೇಶದಿಂದ ಸ್ನಾನ ಮಾಡುತ್ತಿರುವ ಬಗ್ಗೆ ತನಗೆ ವರದಿಗಳಿವೆ. ಅಲ್ಲದೆ, ಜನದಟ್ಟಣೆಯ ಘಾಟ್‌ಗಳಲ್ಲಿ ಯಾವುದೇ ಭದ್ರತಾ ಉಲ್ಲಂಘನೆಯು ಗಂಭೀರ ಪರಿಣಾಮಗಳನ್ನು ಉಂಟುಮಾಡಬಹುದು ಎಂದು ಸಾಧ್ವಿ ಎಚ್ಚರಿಸಿದ್ದಾರೆ.

ಈ ಬೇಡಿಕೆಗೆ ವಿವಿಧ ಕಡೆಗಳಿಂದ ಮಿಶ್ರ ಪ್ರತಿಕ್ರಿಯೆಗಳು ಬಂದಿದ್ದು, ಶ್ರೀ ಗಂಗಾ ಸಭಾದ ಅಧ್ಯಕ್ಷ ನಿತಿನ್ ಗೌತಮ್, 1916 ರ ಬ್ರಿಟಿಷ್ ಯುಗದ ಪುರಸಭೆಯ ಉಪಕಾನೂನುಗಳನ್ನು ಉಲ್ಲೇಖಿಸಿ, ಹಿಂದೂಗಳಲ್ಲದವರ ರಾತ್ರಿಯ ವಾಸ್ತವ್ಯವನ್ನು ನಿರ್ಬಂಧಿಸಿದ್ದಾರೆ ಎಂದು ಹೇಳಲಾದ ಬೇಡಿಕೆಯನ್ನು ಬೆಂಬಲಿಸಿದ್ದಾರೆ.

ದೇವಭೂಮಿಯ ಆಧ್ಯಾತ್ಮಿಕ ಮತ್ತು ಸಾಂಸ್ಕೃತಿಕ ಗುರುತನ್ನು ರಕ್ಷಿಸಲು ಸರ್ಕಾರ ಬದ್ಧವಾಗಿದೆ. ಅಲ್ಲದೆ, ಧಾರ್ಮಿಕ ಪರಿಶುದ್ಧತೆಯನ್ನು ಕಾಪಾಡಿಕೊಳ್ಳಲು ಅಸ್ತಿತ್ವದಲ್ಲಿರುವ ಕಾನೂನುಗಳನ್ನು ಪರಿಶೀಲಿಸುತ್ತಿದೆ ಎಂದು ಉತ್ತರಾಖಂಡ ಮುಖ್ಯಮಂತ್ರಿ ಪುಷ್ಕರ್ ಸಿಂಗ್ ಧಾಮಿ ಹೇಳಿದ್ದಾರೆ,(ಏಜೆನ್ಸೀಸ್​).