ಯಾವಾಗಲೂ ಮೋದಿ ಜಪ ಮಾಡ್ತಾಳೆ! ಕೆ.ಎಲ್. ರಾಹುಲ್-ಆಥಿಯಾ ಮಗಳ ಬಗ್ಗೆ ಸುನೀಲ್ ಶೆಟ್ಟಿ ಶಾಕಿಂಗ್ ಹೇಳಿಕೆ; ವಿಡಿಯೋ ವೈರಲ್! Suniel Shetty on his Granddaughter

ಮುಂಬೈ: ಕರ್ನಾಟಕ ಮೂಲದ, ಬಾಲಿವುಡ್​ನ ಖ್ಯಾತ ನಟ ಸುನೀಲ್​ ಶೆಟ್ಟಿ ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ತಮ್ಮ ಮೊಮ್ಮಗಳ (Suniel Shetty on his Granddaughter) ಮತ್ತು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರ ಬಗ್ಗೆ ಮಾತನಾಡಿರುವ ವಿಡಿಯೋವೊಂದು ಸೋಷಿಯಲ್​ ಮೀಡಿಯಾನಲ್ಲಿ ಸಖತ್​ ವೈರಲ್​ ಆಗುತ್ತಿದೆ.

ಸುನೀಲ್​ ಶೆಟ್ಟಿ ಮಗಳಾದ ಆಥಿಯಾ ಶೆಟ್ಟಿ ಹಾಗೂ ಕ್ರಿಕೆಟಿಗ ಕೆ.ಎಲ್​. ರಾಹುಲ್​ರ ಮಗಳಾದ ಎವಾರಾ (Evaarah) ಪ್ರತಿದಿನ ದೇಶದ ಪ್ರಧಾನಿಗಳಾದ ನರೇಂದ್ರ ಮೋದಿ ಅವರ ಭಾವಚಿತ್ರಕ್ಕೆ ಕೈ ಮುಗಿದು ಸಿಹಿಯನ್ನು ಅರ್ಪಿಸುತ್ತಳೆ. ಈಗ ಅವಳಿಗೆ ಕೇವಲ 15 ತಿಂಗಳು, ಆದರೆ ಅವಳು ಯಾವಾಗಲೂ ಪ್ರಧಾನಿಗಳ ಜಪ ಮಾಡುತ್ತಾಳೆ ಎಂದು ಸುನೀಲ್​ ಶೆಟ್ಟಿ ಹೇಳಿದ್ದಾರೆ. 

ನನ್ನ ಮೊಮ್ಮಗಳಿಗೆ ಈಗ 15 ತಿಂಗಳು ಅವಳು ಪ್ರತಿದಿನ, ಸಾಯಿ ಬಾಬಾ ಅವರ ಪುಸ್ತಕವನ್ನು ಓದುತ್ತಾಳೆ, ಅದರಲ್ಲಿ ಪ್ರಧಾನಿ ಮೋದಿ ಅವರ ಭಾವಚಿತ್ರವನ್ನು ಇಟ್ಟಿದ್ದಾಳೆ ಎಂದಿದ್ದಾರೆ.  ಅವಳಿಗೆ ಇದನ್ನು ಮಾಡಲು ನಾನಾಗಲೀ, ನಮ್ಮ ಮನೆಯವರಾಗಲೀ ಯಾರು ಹೇಳಿಕೊಟ್ಟಿಲ್ಲ, ಇದು ಏನೋ ಒಂದು ವಿಸ್ಮಯದಂತೆ ನನಗೆ ಕಾಣಿಸುತ್ತದೆ ಎಂದು ಹೇಳಿದ್ದಾರೆ, (ಏಜನ್ಸೀಸ್​).