ಲಿಫ್ಟ್​ನಲ್ಲಿ ಅರ್ಧಗಂಟೆ ಸಿಲುಕಿಕೊಳ್ಳುವುದು ದೊಡ್ಡ ಸಮಸ್ಯೆಯಲ್ಲ, ಆದರೂ..; ಸುರಕ್ಷಿತವಾಗಿ ಹೊರ ಬಂದ ನಂತ್ರ ಸಂಸದ ಶಶಿ ತರೂರ್ ಹೇಳಿದ್ದಿಷ್ಟು..ShashiTharoor

. 

ಹೌದು, ಕೇರಳದ ತಿರುವನಂತಪುರಂನಲ್ಲಿ ಆಯೋಜಿಸಲಾಗಿದ್ದ ಕಾರ್ಯಕ್ರಮವೊಂದರ ಸಲುವಾಗಿ ಸಂಸದ ಶಶಿ ತರೂರ್​ ಅವರು ಖಾಸಗಿ ಹೋಟೆಲ್​​ವೊಂದಕ್ಕೆ ತೆರಳಿದ್ದರು. ನಿನ್ನೆ ಸಂಜೆ 7:30ರಿಂದ ಅರ್ಧಗಂಟೆ ಲಿಫ್ಟ್​ನಲ್ಲಿ ಸಿಕ್ಕಿ ಹಾಕಿಕೊಂಡಿದ್ದರು. ಅಗ್ನಿ ಶಾಮಕ ಸಿಬ್ಬಂದಿ ಅವರನ್ನು ಅಲ್ಲಿಂದ ಹೊರ ತಂದಿರುವ ದೃಶ್ಯಾವಳಿಗಳು ಶುಕ್ರವಾರ ಸಂಜೆಯಿಂದ ಭಾರಿ ಸದ್ದು ಮಾಡುತ್ತಿವೆ. 

ತಿರುವನಂತಪುರಂ  ಖಾಸಗಿ ಹೋಟೆಲ್​​ನಲ್ಲಿ ರೋಟರಿ ಕ್ಲಬ್​ನ ಪದಾಧಿಕಾರಿಗಳ ಪ್ರಮಾಣವಚನ ಸ್ವೀಕಾರ ಕಾರ್ಯಕ್ರಮವಿತ್ತು.ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಲು ಶಶಿ ತರೂರ್​ ಅವರು ಖಾಸಗಿ  ಹೋಟೆಲ್​​ನ ಲಿಫ್ಟ್​ ಏರಿದ್ದರು. ತಾಂತ್ರಿಕ ಸಮಸ್ಯೆ ಕಾರಣದಿಂದಾಗಿ ಲಿಫ್ಟ್​​​​ ಅರ್ಧಕ್ಕೆ ನಿಂತಿತ್ತು. ಅವರು ಒಳಗೆ ಸಿಲುಕಿಕೊಂಡರು. ಈ ವಿಡಿಯೋಗಳು ಹಾಗೂ ಹೊರಗೆ ಬಂದ ನಂತರ ಸಂಸದರ ಮುಗುಳ್ನಕ್ಕ ರೀತಿಯನ್ನು ತಮ್ಮದೇ ವಾಕ್ಯಕ್ಕೆ ರೂಪಕಗಳನ್ನು ಕೊಟ್ಟು ನೆಟ್ಟಿಗರು ಬಣ್ಣಿಸುತ್ತಿದ್ದಾರೆ. 

ಶುಕ್ರವಾರ ಸಂಜೆ ನಡೆದ ಘಟನೆ ಬಗ್ಗೆ ಶಶಿ ತರೂರ್​ ಅವರು ಎಕ್ಸ್​ನಲ್ಲಿ ಮಾಹಿತಿ ಹಂಚಿಕೊಂಡಿರುವುದು ಹೀಗೆ, ಲಿಫ್ಟ್‌ನಲ್ಲಿ ಅರ್ಧ ಗಂಟೆ ಇರುವುದು ದೊಡ್ಡ ಸಮಸ್ಯೆಯಾಗಿರಲಿಲ್ಲ. ನನ್ನ ಮುಂದಿನ ಎರಡು ಅಪಾಯಿಂಟ್‌ಮೆಂಟ್‌ಗಳಿಗೆ ಸಮಸ್ಯೆಯಾಯ್ತು.  ನಾವು ಲಿಫ್ಟ್​ನಲ್ಲಿ ಸಿಕ್ಕಿಹಾಕಿಕೊಂಡ ಬಗ್ಗೆ ಕರೆ ಮಾಡಿ ತಿಳಿಸುತ್ತಲೇ ರಕ್ಷಣಾ ತಂಡ ಬಂದು ತಮ್ಮ ಕೆಲಸ ಆರಂಭಿಸಿತು. ಕೇರಳ ಅಗ್ನಿಶಾಮಕ ಮತ್ತು ರಕ್ಷಣಾ ಸೇವೆಯ ವೇಗ, ದಕ್ಷತೆ ಮತ್ತು ಸಾಮರ್ಥ್ಯಕ್ಕಾಗಿ ನಾನು ನಿಮಗೆ ಅಪಾರ ಧನ್ಯವಾದ ಹೇಳಲು ಬಯಸುತ್ತೇನೆ ಎಂದು ಎಕ್ಸ್ ಪೋಸ್ಟ್​ನಲ್ಲಿ ಬರೆದುಕೊಂಡಿದ್ದಾರೆ, (ಏಜೆನ್ಸೀಸ್).