Cockroach Janta Party 'ಎಕ್ಸ್' ಖಾತೆ ಬ್ಯಾನ್; 'ಇದು ಪ್ರಜಾಪ್ರಭುತ್ವ ವಿರೋಧಿ, ಮೂರ್ಖತನದ ಕೆಲಸ' ಎಂದ ಶಶಿ ತರೂರ್

Cockroach Janta Party (CJP) ಯ ಯಶಸ್ಸು ಕೇವಲತಮಾಷೆಯಲ್ಲ, ಸರ್ಕಾರದ ವಿರುದ್ಧ ಯುವಜನತೆಯಲ್ಲಿ ಹೊಗೆಯಾಡುತ್ತಿರುವ ಅಸಮಾಧಾನ ಮತ್ತು ತೀವ್ರ ನಿರಾಶೆಯ ಸಂಕೇತವಾಗಿದೆ. ಅಷ್ಟೇ ಅಲ್ಲದೆ, ವಿರೋಧ ಪಕ್ಷಗಳು ಈ ಪರಿಸ್ಥಿತಿಯನ್ನು ಒಂದು ದೊಡ್ಡ ಅವಕಾಶವಾಗಿ ಬಳಸಿಕೊಳ್ಳಬೇಕು ಎಂದು ಕಾಂಗ್ರೆಸ್ ನಾಯಕ ಹಾಗೂ ಸಂಸದ ಶಶಿ ತರೂರ್ ಕಿವಿಮಾತು ಹೇಳಿದ್ದಾರೆ.

ಕಾಕ್ರೋಚ್​ ಜನತಾ ಪಾರ್ಟಿಯ ಬೆಳವಣಿಗೆ ನನಗೆ ನಂಬಲಾಗುತ್ತಿಲ್ಲ. ನಿಜಕ್ಕೂ ಇದೊಂದು ಕುತೂಹಲಕಾರಿ ವಿಚಾರ. ಐದು ದಿನಗಳ ಹಿಂದೆಯಿಂದ ಶುರುವಾದ ಇದು. ಈ 15 ಮಿಲಿಯನ್​ನಷ್ಟು ಅನುಯಾಯಿಗಳನ್ನು ಪಡೆದುಕೊಂಡಿದೆ.ಎಕ್ಸ್​ನಲ್ಲಿ ಎರಡು ಲಕ್ಷಕ್ಕೂ ಹೆಚ್ಚು ಅನುಯಾಯಿ ಹೊಂದಿತ್ತು. ಆದರೆ, ಈ ಮಧ್ಯೆ ಅವರ ಖಾತೆ ನಿರ್ಬಂಧಿಸಿರುವುದು ಅತ್ಯಂತ ಮೂರ್ಖತನದ ಮತ್ತು ಪ್ರಜಾಪ್ರಭುತ್ವಕ್ಕೆ ಮಾರಕವಾದ ನಿರ್ಧಾರ.

ಯುವಕರು ತಮ್ಮ ನಿರಾಶೆ, ಕೋಪ ಮತ್ತು ಭಾವನೆಗಳನ್ನು ವ್ಯಕ್ತಪಡಿಸಲು ಒಂದು ವೇದಿಕೆಯ ಅಗತ್ಯವಿರುತ್ತದೆ. ಪ್ರಜಾಪ್ರಭುತ್ವದಲ್ಲಿ ಭಿನ್ನಾಭಿಪ್ರಾಯ, ಹಾಸ್ಯ, ವ್ಯಂಗ್ಯ ಮತ್ತು ಆಕ್ರೋಶವನ್ನು ಹೊರಹಾಕಲು ಮುಕ್ತ ಅವಕಾಶವಿರಬೇಕು. ಅದನ್ನು ಮುಚ್ಚಿಹಾಕುವ ಬದಲು ಮುಕ್ತವಾಗಿ ಕಾರ್ಯನಿರ್ವಹಿಸಲು ಬಿಡಬೇಕು ಎಂದು ಹೇಳಿದರು.

ಈ ಆಂದೋಲನದ ಭವಿಷ್ಯ ಏನಾಗಬಹುದು ಎಂದು ನನಗೆ ಗೊತ್ತಿಲ್ಲ. ಆದರೆ, ಯುವಜನರು ಈ ಶಕ್ತಿಯನ್ನು ಮುಖ್ಯವಾಹಿನಿಯ ರಾಜಕೀಯಕ್ಕೆ ತರಲು ಒಂದು ಮಾರ್ಗವನ್ನು ಕಂಡುಕೊಳ್ಳುತ್ತಾರೆ. ಮುಂಬರುವ ಬದಲಾವಣೆಯ ಧ್ವನಿಯಾಗಲು ತಮ್ಮ ಮತದ ಮೂಲಕ ಇದನ್ನು ವ್ಯಕ್ತಪಡಿಸುತ್ತಾರೆ. ಇದು ವಿರೋಧ ಪಕ್ಷಗಳು ತಕ್ಷಣವೇ ಬಳಸಿಕೊಳ್ಳಬೇಕಾದ ಒಂದು ದೊಡ್ಡ ಅವಕಾಶವಾಗಿದೆ ಎಂದು ಸಂಸದ ಶಶಿ ತರೂರ್​ ಅವರು ಕೇಂದ್ರ ಸರ್ಕಾರಕ್ಕೆ ಸಲಹೆ ಕೊಟ್ಟರು.

ಮೇ.18ರಂದು ಸುಪ್ರೀಂ ಕೋರ್ಟ್​ನ ಮುಖ್ಯ ನ್ಯಾಯಮೂರ್ತಿ ಸೂರ್ಯಕಾಂತ್​ ಅವರು, ನಿರುದ್ಯೋಗಿ ಯುವಕರು ಜಿರಳೆಗಳಿದ್ದಂತೆ ಎಂದರು.

ಪದಾಂಕಿತ ಹಿರಿಯ ವಕೀಲ ಸ್ಥಾನ ಪಡೆದುಕೊಳ್ಳಲು ವಕೀಲರೊಬ್ಬರು ಸಲ್ಲಿಸಿದ್ದ ಅರ್ಜಿ ವಿಚಾರಣೆ ನಡೆಸಿದ್ದ ಸಿಜೆಐ, ಸ್ಥಾನಕ್ಕಾಗಿ ಆ ವಕೀಲ ಅನುಸರಿದ್ದ ಮಾರ್ಗದ ಬಗ್ಗೆ ಆಕ್ಷೇಪ ವ್ಯಕ್ತಪಡಿಸಿದ್ದರು. ಆ ನಂತರ ಹೇಳಿದ್ದು ಹೀಗೆ, ಕೆಲವರಿಗೆ ಯಾವುದೇ ಉದ್ಯೋಗ ಸಿಗೋದಿಲ್ಲ. ವೃತ್ತಿಯಲ್ಲಿ ಯಾವ ಸ್ಥಾನ ದೊರಕುವುದಿಲ್ಲ. ಅಂಥವರು ತಾವೇ ಸೋಶಿಯಲ್​ ಮೀಡಿಯಾ, ಮಾಹಿತಿ ಹಕ್ಕು ಕಾಯ್ದೆ, ಇತರೆ ಪಕ್ಷದ ಕಾರ್ಯಕರ್ತರಾಗಿ ಸಮಾಜದಲ್ಲಿರುವವರ ಮೇಲೆ ದಾಳಿ ಮಾಡುತ್ತಾರೆ.

ಸಿಜೆಐ ಅವರ ಈ ಮಾತಿಗೆ ವಿರೋಧವಾಗಿ ನಾವು ನಿರುದ್ಯೋಗಿಗಳು, ಮೊಬೈಲ್ ಬಳಕೆಯಲ್ಲಿ ತೊಡಗಿರುತ್ತೇವೆ, ಸೋಮಾರಿಗಳು ಎಂದು ಕಾಕ್ರೋಚ್​ ಜನತಾ ಪಾರ್ಟಿ ಮತ್ತು ವೆಬ್​ಸೈಟ್​ ಅನ್ನು ತೆರೆದು ಸಂಚಲನ ಸೃಷ್ಟಿಸಿದೆ. ವರದಿಗಳ ಪ್ರಕಾರ ಇದನ್ನು ಅಭಿಜೀತ್​ ದಿಪ್ಕೆ ಎಂಬುವರು ಆರಂಭಿಸಿದರು ಎನ್ನಲಾಗುತ್ತಿದೆ, (ಏಜೆನ್ಸೀಸ್).