ಕೈಯಲ್ಲಿ ಕಾಣಿಕೆ ಡಬ್ಬಿ ಹಿಡಿದು, ಕಾವಿ ಧರಿಸಿ ಸಂಸತ್ ಭವನದ ಮುಂದೆ ಸಂಸದ ಪಪ್ಪು ಯಾದವ್ ಪ್ರತಿಭಟನೆ
- ರಾಮ ಮಂದಿರ ದೇಣಿಗೆ ವಿವಾದ
- ಕೈಯಲ್ಲಿ ಕಾಣಿಕೆ ಡಬ್ಬಿ ಹಿಡಿದು, ಕಾವಿ ಧರಿಸಿ ಸಂಸತ್ ಭವನದ ಮುಂದೆ ಸಂಸದ ಪಪ್ಪು ಯಾದವ್ ಪ್ರತಿಭಟನೆ
- ಪಪ್ಪು ಪ್ರತಿಭಟನೆಗೆ ವಿಪಕ್ಷಗಳ ಬೆಂಬಲ
- ಅಮಿತ್ ಶಾ ರಾಜೀನಾಮೆ ಕೋರಿ ಘೋಷಣೆ
ನವದೆಹಲಿ: ಅಯೋಧ್ಯಾ ರಾಮ ಮಂದಿರದಲ್ಲಿ ನಡೆದಿದೆ ಎನ್ನಲಾದ ಹಣಕಾಸು ಅಕ್ರಮದ ಕುರಿತು ಮಳೆಗಾಲದ ಅಧಿವೇಶನದಲ್ಲಿ ಚರ್ಚೆಯಾಗಬೇಕೆಂದು ವಿರೋಧ ಪಕ್ಷ ಪಟ್ಟು ಹಿಡಿದಿದೆ. ಶುಕ್ರವಾರ (ಜು.31) ಸಂಸತ್ ಭವನದ ಮುಂದೆ ಹೈಡ್ರಾಮಾ ನಡೆದಿದ್ದು, ಬಿಹಾರದ ಸಂಸದ ಪಪ್ಪು ಯಾದವ್ (Pappu Yadav Parliament Protest) ಕಾವಿ ಬಟ್ಟೆ ಧರಿಸಿ, ಕೈಯಲ್ಲಿ ದೇಣಿಗೆ ಡಬ್ಬಿ ಹಿಡಿಡು ಸಂಸತ್ ಭವನದ ಮುಂದೆ ಕುಳಿತಿದ್ದಾರೆ.
ಈಗ ಈ ವಿಡಿಯೋ, ಸೋಷಿಯಲ್ ಮೀಡಿಯಾನಲ್ಲಿ ಸಕ್ಕತ್ ವೈರಲ್ ಆಗುತ್ತಿದ್ದು, ಪಪ್ಪು ಯಾದವ್ ಪ್ರತಿಭಟನೆಗೆ ಕಾಂಗ್ರೆಸ್ ಸೇರಿದಂತೆ ಇತರ ವಿರೋಧ ಪಕ್ಷಗಳು ಬೆಂಬಲ ಸೂಚಿಸಿವೆ.
ವಿಡಿಯೋನಲ್ಲೇನಿದೆ?
ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೆ ಆಗುತ್ತಿರುವ ವಿಡಿಯೋನಲ್ಲಿ, ಪುರ್ನಿಯಾ ಸಂಸದ ಪಪ್ಪು ಯಾದವ್ ಕಾವಿ ಬಟ್ಟೆ ಧರಿಸಿ, ಹಣೆಗೆ ಕುಂಕುಮವನ್ನು ಬಳಿದು, ಕೈಯಲ್ಲಿ ಕಾಣಿಕೆ ಡಬ್ಬಿಯನ್ನು ಹಿಡಿದು ಕುಳಿತಿದ್ದಾರೆ. ವಿಡಿಯೋನಲ್ಲಿ ವಿಪಕ್ಷ ನಾಯಕ ರಾಹುಲ್ ಗಾಂಧಿ, ಪಪ್ಪು ಯಾದವ್ಗೆ ದಕ್ಷಿಣೆ ನೀಡುತ್ತಿರುವ ದೃಶ್ಯವನ್ನು ಕೂಡ ನೋಡಬಹುದಾಗಿದೆ.
ರಾಮ ಮಂದಿರದಲ್ಲಿ ಕಾಣಿಕೆ ಹಣವನ್ನು ಕಳ್ಳತನ ಮಾಡಲಾಗಿದೆ ಎಂಬ ಆರೋಪ ಕೇಳಿಬಂದಿದ್ದು, ಈ ಕುರಿತು ಆಡಳಿತ ಪಕ್ಷ ಅಧಿವೇಶದಲ್ಲಿ ಚರ್ಚೆ ನಡೆಸಬೇಕು ಎನ್ನುವುದು ವಿಪಕ್ಷಗಳ ಬೇಡಿಕೆಯಾಗಿದೆ.
ಅಮಿತ್ ಶಾ ಅಧಿವೇಶನಕ್ಕೆ ಏಕೆ ಬರುತ್ತಿಲ್ಲ?
ಇದರ ಜೊತೆಗೆ ಜು.20 ರಂದು ಜಂತರ್-ಮಂತರ್ನಲ್ಲಿ ನೀಟ್ ವಿರೋಧಿ ಪ್ರತಿಭಟನೆಯಲ್ಲಿ ಪಾಲ್ಗೊಂಡಿದ್ದ ವಿದ್ಯಾರ್ಥಿಗಳ ಮೇಲೆ ಭದ್ರತಾ ಸಿಬ್ಬಂದಿಗಳು ಕಠಿಣ ಕ್ರಮ ಕೈಗೊಳ್ಳಲು ಆದೇಶ ನೀಡಿದವರು ಯಾರು? ಪ್ರಶ್ನೆ ಮಾಡಿದ ಮಕ್ಕಳ ಮೇಲೆ ಅಶ್ರುವಾಯು, ಪೆಲೆಟ್ ಗನ್ ಪ್ರಯೋಗಿಸಲಾಗಿದೆ. ಇದಕ್ಕೆ ಗೃಹ ಸಚಿವರಾದ ಅಮಿತ್ ಶಾ ಉತ್ತರಿಸಬೇಕು. ಆದರೆ ಅವರು ಅಧಿವೇಶನಕ್ಕೆ ಹಾಜರಾಗುತ್ತಿಲ್ಲ. ಅವರು ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕೆಂದು ವಿಪಕ್ಷಗಳು ಪ್ರತಿಭಟನೆ ನಡೆಸಿವೆ, (ಏಜನ್ಸೀಸ್).