ಹೈದರಾಬಾದ್: 2024ರ ಡಿಸೆಂಬರ್ನಲ್ಲಿ ಬಿಡುಗಡೆಯಾಗಿದ್ದ ಅಲ್ಲು ಅರ್ಜುನ್ ಮತ್ತು ರಶ್ಮಿಕಾ ಮಂದಣ್ಣ ನಟನೆಯ ಪುಷ್ಪಾ-2(Pushpa-2) ಸಿನಿಮಾ ಬಿಡುಗಡೆ ವೇಳೆ ನಡೆದ ಕಾಲ್ತುಳಿತ ಪ್ರಕರಣಕ್ಕೆ ಸಂಬಂಧಿಸಿದಂತೆ ಚಿಕ್ಕದಪಲ್ಲಿ ಪೊಲೀಸರು ನ್ಯಾಂಪಲ್ಲಿ ಕೋರ್ಟ್ಗೆ ಇಂದು(ಡಿ. 27) ಚಾರ್ಜ್ಶೀಟ್ ಸಲ್ಲಿಕೆ ಮಾಡಿದ್ದಾರೆ.
ಚಾರ್ಜ್ಶೀಟ್ನಲ್ಲಿ ಸಂಧ್ಯಾ ಥಿಯೇಟರ್ ಆಡಳಿತ ಮಂಡಳಿಯ ನಿರ್ಲಕ್ಷ್ಯದಿಂದಾಗಿ ಕಾಲ್ತುಳಿತ ಸಂಭವಿಸಿದೆ ಎಂದು ಆರೋಪಿಸಿದ್ದು, ಒಟ್ಟು 23 ಆರೋಪಿಗಳನ್ನು ಹೆಸರಿಸಿದ್ದಾರೆ. ಥಿಯೇಟರ್ ಆಡಳಿತ ಮಂಡಳಿಯನ್ನು ಎ1 ಮಾಡಿದ್ದು, ನಟ ಅಲ್ಲು ಅರ್ಜುನ್ ಅವರನ್ನು ಎ11 ಮಾಡಿದ್ದಾರೆ. ಜೊತೆಗೆ ಮೂವರು ವ್ಯವಸ್ಥಾಪಕರು ಮತ್ತು 8 ಬೌನ್ಸರ್ಗಳನ್ನು ಸಹ ಆರೋಪ ಪಟ್ಟಿಯಲ್ಲಿದ್ದಾರೆ. ಜೊತೆಗೆ ನಾಲ್ವರು ಪ್ರತ್ಯಕ್ಷದರ್ಶಿಗಳ ಹೆಸರಿದೆ.
2024 ಡಿಸೆಂಬರ್ 3ರಾತ್ರಿ ನಡೆದಿದ್ದ ಘಟನೆ
ಡಿ. 03ರಂದು ರಾತ್ರಿ 9.30ಕ್ಕೆ ಪುಷ್ಪ-2 ಪ್ರೀಮಿಯರ್ ಶೋ ಪ್ರದರ್ಶನಗೊಂಡಿತು. ಈ ವೇಳೆ ಜನರ ಜೊತೆ ಸಿನಿಮಾ ನೋಡಲು ಸಂಧ್ಯಾ ಥಿಯೇಟರ್ಗೆ ಅಲ್ಲು ಅರ್ಜುನ್ ಮತ್ತು ರಶ್ಮಿಕಾ ಮಂದಣ್ಣ ಆಗಮಿಸಿದ್ದರು. ಈ ಸಂದರ್ಭದಲ್ಲಿ ಥಿಯೇಟರ್ ಬಳಿ ಕಾಲ್ತುಳಿತ ಸಂಭವಿಸಿತು.
ಘಟನೆಯಲ್ಲಿ ಹೈದರಾಬಾದ್ನ ರೇವತಿ ಮತ್ತು ಅವರ ಮಗ ಶ್ರೀತೇಜ್ ಕಾಲ್ತುಳಿತದಲ್ಲಿ ಸಿಕ್ಕಿ ರೇವತಿ ಸ್ಥಳದಲ್ಲೇ ಸಾವನ್ನಪ್ಪಿದರು. ಶ್ರೀತೇಜ್ ಗಂಭೀರವಾಗಿ ಗಾಯಗೊಂಡಿದ್ದು, ಕೋಮಾಕ್ಕೆ ಹೋಗಿದ್ದ. ಬಳಿಕ ಈ ಸಂಬಂಧ ನಟ ಅಲ್ಲು ಅರ್ಜುನ್ ಅವರನ್ನು ಬಂಧಿಸಲಾಗಿತ್ತು. ಜಾಮೀನಿನ ಮೇಲೆ ಬಿಡುಗಡೆಯಾಗಿದ್ದಾರೆ. ಇನ್ನೂ ಗಾಯಾಳು ಶ್ರೀತೇಜಾ ಚಿಕಿತ್ಸಾ ವೆಚ್ಚ 75 ಲಕ್ಷ ರೂ.ಗಳನ್ನು ಅಲ್ಲು ಅರ್ಜುನ್ ಭರಿಸಿದ್ರೆ, ಪರಿಹಾರವಾಗಿ ಸಿನಿಮಾ ತಂಡ ಕುಟುಂಬಕ್ಕೆ 2 ಕೋಟಿ ರೂಪಾಯಿ ಹಣವನ್ನು ನೀಡಿತ್ತು (ಏಜೆನ್ಸೀಸ್).