ನವದೆಹಲಿ: ( Mandy Takhar ) ಪಂಜಾಬಿ ಸಿನಿಮಾಗಳ ಮೂಲಕ ಮನೆಮಾತಾಗಿರುವ ನಟಿ ಮ್ಯಾಂಡಿ ತಖರ್ ಮತ್ತು ಅವರ ಪತಿ ಶೇಖರ್ ಕೌಶಲ್ ಪರಸ್ಪರ ಒಪ್ಪಿಗೆಯ ಮೇರೆಗೆ ವಿಚ್ಛೇದನ ಪಡೆದಿದ್ದಾರೆ.
ಮ್ಯಾಂಡಿ ಮತ್ತು ಶೇಖರ್ 2024ರಲ್ಲಿ ವಿವಾಹವಾದರು. ಕಳೆದ ವರ್ಷದಿಂದ ಅವರು ಪ್ರತ್ಯೇಕವಾಗಿ ವಾಸಿಸುತ್ತಿದ್ದಾರೆ. ಸಾಕೇತ್ ನ್ಯಾಯಾಲಯದ ಮುಂದೆ ಪರಸ್ಪರ ವಿಚ್ಛೇದನಕ್ಕಾಗಿ ಮೊದಲ ಅರ್ಜಿಯನ್ನು ಸಲ್ಲಿಸಿದ್ದಾರೆ. ಕೆಲವು ವೈಯಕ್ತಿಕ ಭಿನ್ನಾಭಿಪ್ರಾಯಗಳು ವಿಚ್ಛೇದನಕ್ಕೆ ಕಾರಣವಾಗಿವೆ. ಮಾಂಡಿ ತಖರ್ ಅವರನ್ನು ಪ್ರತಿನಿಧಿಸಿದ ವಕೀಲ ಇಶಾನ್ ಮುಖರ್ಜಿ ಸುದ್ದಿವಾಹಿನಿಯೊಂದಕ್ಕೆ ತಿಳಿಸಿದ್ದಾರೆ.
ಮ್ಯಾಂಡಿ ತಖರ್ ಮತ್ತು ಶೇಖರ್ ಕೌಶಲ್ 2024 ರ ಫೆಬ್ರವರಿಯಲ್ಲಿ ಅದ್ಧೂರಿಯಾಗಿ ವಿವಾಹವಾಗಿದ್ದರು. ಆದರೆ ದಂಪತಿ ನಡುವೆ ಕಳೆದ ಕೆಲವು ಸಮಯದಿಂದ ವೈಯಕ್ತಿಕ ಭಿನ್ನಾಭಿಪ್ರಾಯಗಳು ತಲೆದೂರಿದ್ದವು. ಈ ಕಾರಣದಿಂದಾಗಿ ಪರಸ್ಪರ ಒಪ್ಪಿಗೆಯ ಮೇರೆಗೆ ಬೇರ್ಪಡಲು ಅವರು ನಿರ್ಧರಿಸಿದ್ದಾರೆ ಎನ್ನಲಾಗಿದೆ. ಮದುವೆಯಾದ 2 ವರ್ಷದೊಳಗೆ ಈ ಸಂಬಂಧ ಮುರಿದುಬಿದ್ದಿರುವುದು ದುರದೃಷ್ಟಕರ.
ಮ್ಯಾಂಡಿ ತಖರ್ ಅವರ ಪತಿ ಶೇಖರ್ ಕೌಶಲ್ ಜಿಮ್ ತರಬೇತುದಾರ. ಅವರು ಫೆಬ್ರವರಿ 2024 ರಲ್ಲಿ ವಿವಾಹವಾದರು, ಆದರೆ ಅವರ ಸಂಬಂಧ ಹೆಚ್ಚು ಕಾಲ ಉಳಿಯಲಿಲ್ಲ. ಅವರು 2026 ರಲ್ಲಿ ಪರಸ್ಪರ ಒಪ್ಪಿಗೆಯ ಮೂಲಕ ವಿಚ್ಛೇದನ ಪಡೆಯುತ್ತಿದ್ದಾರೆ.
ವಿಚ್ಛೇದನದ ಸುದ್ದಿಗೂ ಮುನ್ನವೇ ಮ್ಯಾಂಡಿ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಿಂದ ಪತಿಯೊಂದಿಗಿನ ಫೋಟೋಗಳನ್ನು ತೆಗೆದುಹಾಕುವ ಮೂಲಕ ಅನುಮಾನ ಮೂಡಿಸಿದ್ದರು.
ಮ್ಯಾಂಡಿ ಅವರು ಪಂಜಾಬಿ ಸಿನಿಮಾ ರಂಗದ ಪ್ರಭಾವಿ ನಟಿಯಾಗಿದ್ದು, 'ಮಿರ್ಜಾ: ದಿ ಅನ್ ಟೋಲ್ಡ್ ಸ್ಟೋರಿ', 'ಸರ್ದಾರ್ ಜಿ' ಮತ್ತು 'ರಬ್ಬಾ ದ ರಾಖಾ' ನಂತಹ ಯಶಸ್ವಿ ಚಿತ್ರಗಳಲ್ಲಿ ನಟಿಸಿದ್ದಾರೆ. ತಮಿಳು ಮತ್ತು ತೆಲುಗು ಚಿತ್ರಗಳಲ್ಲೂ ಅವರು ಗುರುತಿಸಿಕೊಂಡಿದ್ದಾರೆ.
ನಟಿ ಈ ಬಗ್ಗೆ ಇನ್ನೂ ಅಧಿಕೃತವಾಗಿ ಸಾರ್ವಜನಿಕ ಹೇಳಿಕೆ ನೀಡಿಲ್ಲವಾದರೂ, ನ್ಯಾಯಾಲಯಕ್ಕೆ ಸಲ್ಲಿಸಿರುವ ದಾಖಲೆಗಳ ಆಧಾರದ ಮೇಲೆ ಈ ಸುದ್ದಿ ಹೊರಬಿದ್ದಿದೆ.