Harassment; ನನಗೆ ಹಿಂದೂ ಹುಡುಗಿಯರೆಂದರೆ ಇಷ್ಟ.. ಅಶ್ಲೀಲ ಸಂದೇಶ, ಕಿರುಕುಳ: ಕಾಮುಕ ಅರ್ಷದ್ ಸಿದ್ದಿಕಿ ಅರೆಸ್ಟ್!

ಮುಂಬೈನ ಮಹಾಲಕ್ಷ್ಮಿ ಪ್ರದೇಶದ ಕಂಪನಿಯೊಂದರಲ್ಲಿ ಟೆಲಿಕಾಲರ್ ಆಗಿ ಕೆಲಸ ಮಾಡುತ್ತಿದ್ದ 19 ವರ್ಷದ ಯುವತಿ ನೀಡಿದ ದೂರಿನ ಆಧಾರದ ಮೇಲೆ ಈ ಕ್ರಮ ಕೈಗೊಳ್ಳಲಾಗಿದೆ. ಆರೋಪಿ ಅರ್ಷದ್ ಸಿದ್ದಿಕಿ ಅದೇ ಕಚೇರಿಯಲ್ಲಿ ಕೆಲಸ ಮಾಡುತ್ತಿದ್ದನು. ಅಲ್ಲಿನ ಅಧಿಕೃತ ವಾಟ್ಸಾಪ್ ಗ್ರೂಪ್‌ಗಳಿಂದ ಯುವತಿಯರ ಸಂಖ್ಯೆಗಳನ್ನು ಪಡೆದುಕೊಂಡು, ಕೆಲಸ ಬಿಟ್ಟ ನಂತರ ಅವರಿಗೆ ನಿರಂತರವಾಗಿ ಕಿರುಕುಳ ನೀಡಲು ಆರಂಭಿಸಿದ್ದನು.

ಸಂತ್ರಸ್ತ ಯುವತಿಯ ಪ್ರಕಾರ, ಕಚೇರಿಯಲ್ಲಿ ಅವರಿಬ್ಬರೂ ಅಷ್ಟಾಗಿ ಮಾತನಾಡುತ್ತಿರಲಿಲ್ಲ. ಆದರೆ ಸಂಖ್ಯೆ ಸಿಕ್ಕಿದ ತಕ್ಷಣ ಅರ್ಷದ್ ಅಶ್ಲೀಲ ವಿಡಿಯೋಗಳನ್ನು ಕಳುಹಿಸಲು ಶುರುಮಾಡಿದ್ದನು. "ನಾನು ಹಿಂದೂ ಹುಡುಗಿಯರನ್ನು ಇಷ್ಟಪಡುತ್ತೇನೆ. ನೀನು ನನ್ನನ್ನು ಮದುವೆಯಾದರೆ ನಿನ್ನ ಧರ್ಮ ಬದಲಾಯಿಸುವಂತೆ ಅಥವಾ ದೇವಸ್ಥಾನಕ್ಕೆ ಹೋಗದಂತೆ ಎಂದಿಗೂ ಒತ್ತಾಯಿಸುವುದಿಲ್ಲ" ಎಂದು ಸಂದೇಶ ಕಳುಹಿಸುತ್ತಿದ್ದನು. ಅಷ್ಟೇ ಅಲ್ಲದೆ, "ಇತ್ತೀಚಿನ ದಿನಗಳಲ್ಲಿ ಹಿಂದೂ ಹುಡುಗಿಯರಿಗೆ ಮುಸ್ಲಿಂ ಹುಡುಗರೇ ಹೆಚ್ಚು ಇಷ್ಟವಾಗುತ್ತಾರೆ" ಎಂಬಂತಹ ವಿವಾದಾತ್ಮಕ ಹೇಳಿಕೆಗಳನ್ನೂ ನೀಡುತ್ತಿದ್ದನು.

ಆರೋಪಿ ಸಿದ್ದಿಕಿ ಕಂಪನಿಯ ಡೇಟಾವನ್ನು ದುರುಪಯೋಗಪಡಿಸಿಕೊಂಡು ಕೇವಲ ದೂರುದಾರೆ ಮಾತ್ರವಲ್ಲದೆ, ಇನ್ನೂ ಮೂವರು ಹಿಂದೂ ಮಹಿಳೆಯರ ಸಂಖ್ಯೆಗಳನ್ನು ಕದ್ದಿದ್ದನು. "ನನ್ನ ಮಗಳು ತನಗಾಗುತ್ತಿರುವ ಕಿರುಕುಳದ ಬಗ್ಗೆ ವಿವರಿಸಿದಾಗ ನಾವು ತಕ್ಷಣ ಪೊಲೀಸರಿಗೆ ದೂರು ನೀಡಿದೆವು. ಈತ ಕೇವಲ ಹಿಂದೂ ಮಹಿಳೆಯರನ್ನೇ ಗುರಿಯಾಗಿಸಿಕೊಂಡು ಈ ವಿಕೃತಿ ಮೆರೆದಿದ್ದಾನೆ" ಎಂದು ಸಂತ್ರಸ್ತೆಯ ತಂದೆ ತಿಳಿಸಿದ್ದಾರೆ.

ಘಟನೆಯನ್ನು ಖಂಡಿಸಿರುವ ಮುಂಬೈನ ಮಾಜಿ ಮೇಯರ್ ಕಿಶೋರಿ ಪೆಡ್ನೇಕರ್, "ಆರೋಪಿ ಪದೇ ಪದೇ ನಂಬರ್ ಬದಲಾಯಿಸಿ ಯುವತಿಗೆ ಕಾಟ ನೀಡುತ್ತಿದ್ದನು. ಪೊಲೀಸರ ಸಮಯೋಚಿತ ಕ್ರಮದಿಂದ ಆತ ಈಗ ಜೈಲು ಪಾಲಾಗಿದ್ದಾನೆ" ಎಂದಿದ್ದಾರೆ. ಇನ್ನು ಆರೋಪಿಯ ಚಿಕ್ಕಪ್ಪ ಸಾಜಿದ್ ಸಿದ್ದಿಕಿ ಅವರು ಪ್ರತಿಕ್ರಿಯಿಸಿ, "ತಪ್ಪು ಯಾರೇ ಮಾಡಿದ್ದರೂ ಕಾನೂನು ಕ್ರಮ ಆಗಲಿ, ಪೊಲೀಸರಿಗೆ ನಾವು ಮುಕ್ತ ಅವಕಾಶ ನೀಡಿದ್ದೇವೆ" ಎಂದು ಹೇಳಿದ್ದಾರೆ.

ನಾಸಿಕ್‌ನ ಟಿಸಿಎಸ್ (TCS) ಘಟಕದಲ್ಲಿ ಬಲವಂತದ ಮತಾಂತರದ ವರದಿಗಳ ಬೆನ್ನಲ್ಲೇ ಮುಂಬೈನಲ್ಲಿ ಇಂತಹ ಘಟನೆ ನಡೆದಿರುವುದು ವ್ಯಾಪಕ ಚರ್ಚೆಗೆ ಕಾರಣವಾಗಿದೆ. ಸದ್ಯ ಪೊಲೀಸರು ಅರ್ಷದ್ ವಿರುದ್ಧ ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದುವರಿಸಿದ್ದಾರೆ,(ಏಜೆನ್ಸೀಸ್​).