ಕಾರ್ಪೊರೇಟ್ ಲೋಕದ ಕರಾಳ ಸತ್ಯ ಬಿಚ್ಚಿಟ್ಟ ಮೈಕ್ರೋಸಾಫ್ಟ್ ಉದ್ಯೋಗಿ..ಯುವತಿಯ ಎಕ್ಸ್ ಪೋಸ್ಟ್ ಈಗ ಹಾಟ್ ಟಾಪಿಕ್! Microsoft employee

ಮೈಕ್ರೋಸಾಫ್ಟ್‌ನಲ್ಲಿ ಕೆಲಸ ಮಾಡುವ ನಂದಿನಿ ಶರ್ಮಾ ಎಂದು ಗುರುತಿಸಲ್ಪಟ್ಟ ಉದ್ಯೋಗಿಯು, ತಾನು ಗಳಿಸುತ್ತಿರುವ ಸಂಬಳ, ಕಂಪನಿಯ ಕೆಲಸದ ಸಂಸ್ಕೃತಿ ಮತ್ತು ತನ್ನ ದೈನಂದಿನ ಜೀವನದ ಬಗ್ಗೆ ಮುಕ್ತವಾಗಿ ಬರೆದುಕೊಂಡಿದ್ದಾರೆ. ನಾನು ಪ್ರತಿಷ್ಠಿತ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದೇನೆ. ಜೊತೆಗೆ ಉತ್ತಮವಾದ ಸಂಬಳವನ್ನು ಪಡೆಯುತ್ತಿದ್ದೇನೆ. ಆದರೆ, ಈ ಯಶಸ್ಸಿನ ನಡುವೆ ನಾನು ಕಳೆದುಕೊಳ್ಳುತ್ತಿರುವ ನೆಮ್ಮದಿಯ ಬೆಲೆ ಎಷ್ಟು ಗೊತ್ತಾ ಎಂದು ಪ್ರಶ್ನೆ ಮಾಡಿದ್ದಾರೆ.

ವಿಶೇಷವಾಗಿ, ವೃತ್ತಿಜೀವನದ ಆರಂಭಿಕ ವರ್ಷಗಳಲ್ಲಿ ಶ್ರಮವು ಕಾಲಾನಂತರದಲ್ಲಿ ಸಂಯೋಜನೆಗೊಳ್ಳುತ್ತದೆ. ಹೆಚ್ಚಿನ ಜನರು ಹಣದ ಸಂಯೋಜನೆಯ ಬಗ್ಗೆ ಮಾತನಾಡುತ್ತಾರೆ. ಆದರೆ, ಸ್ಥಿರವಾದ ಪ್ರಯತ್ನ ಮತ್ತು ಸ್ಥಿರತೆಯು ದೀರ್ಘಾವಧಿಯ ಯಶಸ್ಸನ್ನು ರೂಪಿಸುವಲ್ಲಿ ಮಾತ್ರ ಪ್ರಯೋಜನವಾಗಿದೆ ಎಂದು ಹೇಳಿದರು.

ಒಮ್ಮೆ ವಯಸ್ಸಾದಂತೆ ಮತ್ತು ಜವಾಬ್ದಾರಿಗಳು ಹೆಗಲೇರಿದಾಗ ಹೊಸದನ್ನು ಕಲಿಯಲು ಮತ್ತು ಶ್ರಮವಹಿಸಲು ಬೇಕಾದ ಮಾನಸಿಕ ನೆಮ್ಮದಿ ಸಿಗುವುದಿಲ್ಲ. ಇದು ಅನಿವಾರ್ಯವಾಗಿ ಪರಿಸ್ಥಿತಿಯನ್ನು ಇನ್ನಷ್ಟು ಉಲ್ಬಣಗೊಳಿಸುತ್ತದೆ ಎಂದಿದ್ದಾರೆ.

ಆದಾಗ್ಯೂ, ಅವರ ಪೋಸ್ಟ್​ನಲ್ಲಿರುವ ಮತ್ತೊಂದು ಪ್ರಮುಖ ಸಂದೇಶವೆಂದರೆ, ಯಾರೂ ನಿಮ್ಮನ್ನು ಉಳಿಸಲು ಬರುವುದಿಲ್ಲ. ಅಂದರೆ, ಕಂಪನಿಯು ಸಂಕಷ್ಟಕ್ಕೆ ಸಿಲುಕಿದಾಗ ಅಥವಾ ಲೇ-ಆಫ್ ಸಂಭವಿಸಿದಾಗ ನಿಮ್ಮ ಕಂಪನಿಯ ಬ್ರ್ಯಾಂಡ್ ಹೆಸರು ನಿಮ್ಮನ್ನು ಕಾಪಾಡುವುದಿಲ್ಲ. ಬದಲಾಗಿ, ನೀವು ಅಂದು ಗಳಿಸಿಕೊಂಡ ಕೌಶಲ್ಯ ಮತ್ತು ನೀವು ಬೆಳೆಸಿಕೊಂಡ ವೈಯಕ್ತಿಕ ಬ್ರ್ಯಾಂಡ್ ಮಾತ್ರ ನಿಮ್ಮನ್ನು ರಕ್ಷಿಸುತ್ತದೆ ಎಂದಿದ್ದಾರೆ.

ಈ ವೈರಲ್ ಪೋಸ್ಟ್ ಕೇವಲ ವೈಯಕ್ತಿಕ ಅನಿಸಿಕೆಯಾಗಿ ಉಳಿದಿಲ್ಲ. ಇದು ಕಂಪನಿಗಳು ತಮ್ಮ ಉದ್ಯೋಗಿಗಳ ಮಾನಸಿಕ ಆರೋಗ್ಯದ ಮೇಲೆ ಒತ್ತಡವನ್ನು ಹೇರುತ್ತಿವೆ. ಮೈಕ್ರೋಸಾಫ್ಟ್‌ನಂತಹ ದೈತ್ಯ ಕಂಪನಿಗಳು ಈಗಾಗಲೇ ಉದ್ಯೋಗಿಗಳ ಕ್ಷೇಮಕ್ಕಾಗಿ ಹಲವು ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದ್ದರೂ, ಕೆಲಸದ ಆಳದಲ್ಲಿ ಒತ್ತಡ ಇನ್ನೂ ಕಡಿಮೆಯಾಗಿಲ್ಲ ಎಂಬುದನ್ನು ಅದು ಸಾಬೀತುಪಡಿಸಿದೆ (ಏಜೆನ್ಸೀಸ್).