ಐ ಲವ್ ಯೂ ಮಮ್ಮಾ-ಪಪ್ಪಾ ಎಂದು ಬರೆದಿಟ್ಟು NEET ಆಕಾಂಕ್ಷಿ ಆತ್ಮಹತ್ಯೆ! ನೇಣಿಗೆ ಶರಣಾದ ಕಾರ್ಗಿಲ್ ಯೋಧನ ಪುತ್ರಿ! NEET Student Suicide

ಡೆಹ್ರಾಡೂನ್: ನೀಟ್​ ಯುಜಿ ಪರೀಕ್ಷೆಗೆ ತಯಾರಿ ನಡೆಸುತ್ತಿದ್ದ ಡೆಹ್ರಾಡೂನ್​ನ ವಿದ್ಯಾರ್ಥಿಯೊಬ್ಬಳು ಆತ್ಮಹತ್ಯೆ (NEET Student Suicide) ಗೆ ಶರಣಾದ ಘಟನೆ ವರದಿಯಾಗಿದೆ. ಮೃತ ದುರ್ದೈವಿಯನ್ನು ರಿಯಾ ಕುಮಾರಿ ಥಾಪಾ ಎಂದು ಗುರುತಿಸಲಾಗಿದ್ದು, ಇಕೆಯ ತಂದೆ 1999 ರ ಕಾರ್ಗಿಲ್​ ಯುದ್ಧದಲ್ಲಿ ಭಾಗವಹಿಸಿದ್ದರೆಂದು ತಿಳಿದು ಬಂದಿದೆ.

ಪೊಲೀಸ್​ ಮಾಹಿತಿ ಪ್ರಕಾರ, ಮಂಗಳವಾರ (ಜೂ.16) ಮದ್ಯಾಹ್ನ ಊಟದ ಸಮಯವಾದರೂ ಮಗಳು ತನ್ನ ಕೋಣೆಯಿಂದ ಹೊರಬಾರದನ್ನು ಕಂಡು ತಾಯಿ ಚಕಿತಳಾಗಿದ್ದಾಳೆ. ಎಷ್ಟೇ ಬಾರಿ ಕೂಗಿದರೂ ಮಗಳ ಧ್ವನಿ ಕೇಳದಿದ್ದಾಗ, ತನ್ನ ಪತಿಗೆ ಮಾಹಿತಿ ನೀಡಿದ್ದಾಳೆ.

ಮಗಳ ಕೋಣೆಯ ಬಾಗಿಲನ್ನು ಒಡೆದಾಗ ಮಗಳು ಫ್ಯಾನಿಗೆ ನೇಣು ಬಿಗಿದುಕೊಂಡು ಸತ್ತಿರುವುದು ಕಂಡಿದೆ. ಕೂಡಲೇ ಪಾಲಕರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ಪೊಲೀಸರು ಘಟನಾ ಸ್ಥಳಕ್ಕೆ ಆಗಮಿಸಿ, ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದ್ದಾರೆ. ಹಾಗೆಯೇ ರೀಯಾಳ ಕೋಣೆಯಲ್ಲಿ ಸೂಸೈಡ್​ ನೋಟ್​ ದೊರೆತಿದ್ದು, ಅದರಲ್ಲಿ ನನ್ನ ಸಾವಿಗೆ ನಾನೇ ಹೊಣೆ, ಐ ಲವ್​ ಯೂ ಮಮ್ಮಾ, ಪಪ್ಪಾ ಎಂದು ಬರೆದಿದೆ.

ಮೃತ ರಿಯಾ ಥಾಪಾ ಪಿಯುಸಿಯಲ್ಲಿ ಬುದ್ಧಿವಂತ ವಿದ್ಯಾರ್ಥಿಯಾಗಿದ್ದು, ಶೇ. 97 ಪ್ರತಿಷತ ಅಂಕ ಪಡೆದಿದ್ದಳು. ಆದರೆ ಮೇ. 3 ರಂದು ನಡೆದ ನೀಟ್​ ಪರೀಕ್ಷೆಯಲ್ಲಿ ಉತ್ತೀರ್ಣವಾಗದ ಹಿನ್ನಲೆ ತುಂಬಾ ನೊಂದಿಕೊಂಡಿದ್ದಳೆಂದು ಪಾಲಕರು ಹೇಳಿದ್ದಾರೆ.

ಮೇ 3, 2026 ರಂದು ನಡೆದ ನೀಟ್​ ಯುಜಿ ಪರೀಕ್ಷೆಯ ಪ್ರಶ್ನೆ ಪತ್ರಿಕೆ ಸೋರಿಕೆಯಾದ ಕಾರಣ, ಈ ಪರೀಕ್ಷೆಯನ್ನು ಜೂನ್​ 21 ಕ್ಕೆ ಮತ್ತೊಂದು ಬಾರಿ ನಡೆಸಲು ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (NTA) ಮುಂದಾಗಿದೆ. ಮೇ 3 ರಂದು ನಡೆದ ಪ್ರಶ್ನೆ ಪತ್ರಿಕೆ ಸೋರಿಕೆ ಪ್ರಕರಣವನ್ನು ಕೇಂದ್ರ ತನಿಖಾ ಸಂಸ್ಥೆಯಾದ ಸಿಬಿಐ ವಿಚಾರಣೆ ನಡೆಸುತ್ತಿದ್ದು, ಈಗಾಗಲೇ ಹಲವು ಅಧಿಕಾರಿಗಳು ಮತ್ತು ಶಿಕ್ಷಕರನ್ನು ವಶಕ್ಕೆ ಪಡೆದುಕೊಂಡಿದೆ, (ಏಜನ್ಸೀಸ್​).