ಒಡಿಶಾದ ವಿಧಾನಸಭೆಯ ವಿಪಕ್ಷ ನಾಯಕ ನವೀನ್ ಪಟ್ನಾಯಕ್
ಭುವನೇಶ್ವರ: ಒಡಿಶಾದ ವಿಧಾನಸಭೆಯ ವಿಪಕ್ಷ ನಾಯಕ ನವೀನ್ ಪಟ್ನಾಯಕ್ ಇತ್ತೀಚಿನ ವೇತನ ಮತ್ತು ಭತ್ಯೆ ಹೆಚ್ಚಳವನ್ನು ತ್ಯಜಿಸುವುದಾಗಿ ಘೋಷಿಸಿದ್ದು. ಕಟಕ್ನಲ್ಲಿರುವ ತಮ್ಮ ಪೂರ್ವಜರ ಆಸ್ತಿ ಆನಂದ್ ಭವನವನ್ನು ಜನರ ಕಲ್ಯಾಣಕ್ಕಾಗಿ ದಾನ ಮಾಡುವ ಮಹತ್ವದ ನಿರ್ಧಾರ ಕೈಗೊಂಡಿದ್ದಾರೆ ಎಂದು ವರದಿಯಾಗಿದೆ.
ತಮ್ಮ ಎಕ್ಸ್ ಖಾತೆಯಲ್ಲಿ ಪೋಸ್ಟ್ ಹಂಚಿಕೊಂಡಿರುವ ಮಾಜಿ ಸಿಎಂ ಪಟ್ನಾಯಕ್, ಹೆಚ್ಚಾಗಿರುವ ಸರ್ಕಾರದ ಸೌಲಭ್ಯವನ್ನು ತಿರಸ್ಕರಿಸುವುದಾಗಿ ತಿಳಿಸಿದ್ದು, ತಮ್ಮ ಆನಂದ್ ಭವನವನ್ನು ಸಹ ದಾನ ಮಾಡುತ್ತೇನೆ, ಮುಖ್ಯಮಂತ್ರಿ ಮೋಹನ್ ಚರಣ್ ಮಾಝಿ ಈ ಹಣವನ್ನು ರಾಜ್ಯದ ಹಿಂದುಳಿದವರ ಪ್ರಯೋಜನಕ್ಕಾಗಿ ಬಳಸಬೇಕೆಂದು ಪಟ್ನಾಯಕ್ ಮನವಿ ಮಾಡಿಕೊಂಡಿದ್ದಾರೆ.
ಜನರ ಪ್ರೀತಿ, ಬೆಂಬಲಕ್ಕೆ ಧನ್ಯವಾದ...
ಕಳೆದ 25 ವರ್ಷಗಳಿಂದ ಒಡಿಶಾದ ಜನರು ತೋರಿದ ಪ್ರೀತಿ ಮತ್ತು ಬೆಂಬಲಕ್ಕಾಗಿ ಪಟ್ನಾಯಕ್ ಕೃತಜ್ಞತೆ ಸಲ್ಲಿಸಿದ್ದು, ಆನಂದ ಭವನವನ್ನು ದಾನ ಮಾಡುವ ಕುಟುಂಬದ ದಶಕದ ನಿರ್ಧಾರವನ್ನು ಸ್ಮರಿಸಿಕೊಂಡರು. ರಾಜ್ಯದ ಜನರು ತಮಗೆ ಮತ್ತು ತಮ್ಮ ದಿವಂಗತ ತಂದೆ ಬಿಜು ಪಟ್ನಾಯಕ್ ಅವರಿಗೆ ತೋರಿಸಿದ ಪ್ರೀತಿಯನ್ನು ಪಟ್ನಾಯಕ್ ಶ್ಲಾಘಿಸಿದರು. 17 ನೇ ಒಡಿಶಾ ವಿಧಾನಸಭೆಯಲ್ಲಿ ಪ್ರತಿಪಕ್ಷದ ನಾಯಕರಾಗಿರುವ ನವೀನ್ ಪಟ್ನಾಯಕ್, 2024 ರಲ್ಲಿನ ತಮ್ಮ ಪಕ್ಷದ ಸೋಲನುಭವಿಸುವ ಮುನ್ನ 24 ವರ್ಷಗಳಿಗೂ ಹೆಚ್ಚು ಕಾಲ ಮುಖ್ಯಮಂತ್ರಿಯಾಗಿ ಸೇವೆ ಸಲ್ಲಿಸಿದರು.
ಒಡಿಶಾ ಮುಖ್ಯಮಂತ್ರಿ ಮೋಹನ್ ಚರಣ್ ಮಾಝಿ ಪುರಿಯ ರಾಮಚಂಡಿ ಬೀಚ್ನಲ್ಲಿ ಒಡಿಶಾ ವಾಟರ್ಮ್ಯಾನ್ಶಿಪ್ ಮತ್ತು ಲೈಫ್ಗಾರ್ಡ್ ಇನ್ಸ್ಟಿಟ್ಯೂಟ್ ಉದ್ಘಾಟಿಸಿದ್ದು, ಪ್ರಮುಖ ಸ್ಥಳಗಳಲ್ಲಿ ಇಕೋ ರಿಟ್ರೀಟ್ ಪಾರ್ಕ್ಗಳನ್ನು ಸ್ಥಾಪಿಸಿದ್ದಾರೆ. ಇದು ಸುಸ್ಥಿರ ಪ್ರವಾಸೋದ್ಯಮಕ್ಕೆ ರಾಜ್ಯದ ಬದ್ಧತೆಯನ್ನು ಎತ್ತಿ ತೋರಿಸುತ್ತದೆ. ಮೂರು ತಿಂಗಳಿನಿಂದ ಕಾರ್ಯನಿರ್ವಹಿಸುತ್ತಿರುವ ಈ ಉದ್ಯಾನವನಗಳು ಪ್ರವಾಸೋದ್ಯಮ ಅಭಿವೃದ್ಧಿಯನ್ನು ಪರಿಸರ ಸಂವೇದನೆಯೊಂದಿಗೆ ಸಂಯೋಜಿಸುವ ಗುರಿಯನ್ನು ಹೊಂದಿವೆ.
ನವೀಕರಿಸಬಹುದಾದ ಇಂಧನ ಕೇಂದ್ರವಾಗಿ ಒಡಿಶಾದ ಬೆಳವಣಿಗೆಯನ್ನು ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ ಉಲ್ಲೇಖಿಸಿದ್ದು, ಪ್ರಧಾನ ಮಂತ್ರಿ ಸೂರ್ಯ ಘರ್ ಉಚಿತ ವಿದ್ಯುತ್ ಯೋಜನೆ ಮತ್ತು 1.5 ಲಕ್ಷ ಮೇಲ್ಛಾವಣಿ ಸೌರ ವ್ಯವಸ್ಥೆಗಳಿಗೆ ಯುಎಲ್ಎ ಮಾದರಿಯನ್ನು ಎತ್ತಿ ತೋರಿಸಿದರು. ಇದು 7-8 ಲಕ್ಷ ಜನರಿಗೆ ನೆರವಾಗುವ ನಿರೀಕ್ಷಿ ಇದೆ. ರಾಜಸ್ಥಾನ ಇಂಧನ ಸಚಿವ ಹೀರಾಲಾಲ್ ನಾಗರ್ ಶೃಂಗಸಭೆಯಲ್ಲಿ ಭಾಗವಹಿಸಿದ್ದರು, ಮತ್ತು ಇಂಧನ ಕ್ಷೇತ್ರದಲ್ಲಿ ಸಹಕಾರವನ್ನು ಬಲಪಡಿಸಲು ಎರಡೂ ರಾಜ್ಯಗಳ ಒಪ್ಪಂದಕ್ಕೆ ಸಹಿ ಹಾಕಲು ಒಪ್ಪಿಕೊಂಡವು. ಈ ಹಣಕಾಸು ವರ್ಷದಲ್ಲಿ ಭಾರತವು 24.28 ಜಿವ್ಯಾಟ್ ಸೌರಶಕ್ತಿ ಸೇರಿದಂತೆ ದಾಖಲೆಯ 31.25 ಜಿವ್ಯಾಟ್ ಸಾಮರ್ಥ್ಯವನ್ನು ಸೇರಿಸಿದೆ, ಇದು ದೇಶದ ತ್ವರಿತ ಶುದ್ಧ ಇಂಧನ ಬೆಳವಣಿಗೆಯನ್ನು ಪ್ರತಿಬಿಂಬಿಸುತ್ತದೆ(ಏಜೆನ್ಸೀಸ್).