ಪಶ್ಚಿಮ ಬಂಗಾಳ:ಪಶ್ಚಿಮ ಬಂಗಾಳ ಸಿಎಂ ಮಮತಾ ಬ್ಯಾನರ್ಜಿ ಅವರು ಚುನಾವಣಾ ಆಯೋಗ ಮತ್ತು ಎಸ್ಐಆರ್ ಕುರಿತು ನೀಡಿದ್ದ ಹೇಳಿಕೆಗೆ ಸಂಸದೆ ಕಂಗನಾ ರನೌತ್ ಆಕ್ರೋಶಗೊಂಡಿದ್ದಾರೆ.
ದೇಶ ಇಂತಹ ಬೆದರಿಕೆಗಳಿಗೆ ಹೆದರುವುದಿಲ್ಲ, ಕ್ಯಾನ್ಸರ್ ರೋಗವು ದೇಹದ ಮೇಲೆ ಪರಿಣಾಮ ಬೀರುವಂತೆಯೇ, ಈ ಒಳನುಸುಳುವವರನ್ನು ಹೊರ ಹಾಕಲು ಇಡೀ ರಾಷ್ಟ್ರವು ಬಯಸುತ್ತಿದೆ ಎಂದು ಕಂಗನಾ ತಿರುಗೇಟು ನೀಡಿದ್ದಾರೆ.
ಮಮತಾ ಬ್ಯಾಜರ್ಜಿ ಹೇಳಿದ್ದೇನು?
ಭಾರತೀಯ ಚುನಾವಣಾ ಆಯೋಗವು ಡಿಸೆಂಬರ್ 9 ರಂದು ಕರಡು ಮತದಾರರ ಪಟ್ಟಿಯನ್ನು ಪ್ರಕಟಿಸಲಿದೆ. ಇದು ಭೀಕರ ಮತ್ತು ಅಪಾಯಕಾರಿ ಪರಿಸ್ಥಿತಿಯನ್ನು ಸೃಷ್ಟಿಸುತ್ತದೆ. ಎಸ್ಐಆರ್ ಹೆಸರಿನಲ್ಲಿ ಎನ್ಆರ್ಸಿಯನ್ನು ಜಾರಿಗೆ ತರಲು ಪ್ರಯತ್ನ ನಡೆಯುತ್ತಿದೆ ಎಂದು ಮಮತಾ ಬ್ಯಾನರ್ಜಿ ಚುನಾವಣಾ ಆಯೋಗ ಮತ್ತು ಬಿಜೆಪಿಯನ್ನು ಗುರಿಯಾಗಿಸಿಕೊಂಡು ಹೇಳಿಕೆ ನೀಡಿದ್ದರು.
ಪಾಕ್ಗೆ ಭಯಭೀತಿಗೊಂಡಿದೆ
ರಾಮ ಮಂದಿರದಲ್ಲಿ ಧ್ವಜಾರೋಹಣ ಸಮಾರಂಭದ ಬಗ್ಗೆ ಪಾಕಿಸ್ತಾನ ಆಕ್ರೋಶಗೊಂಡಿದ್ದು, ಪಾಕಿಸ್ತಾನದ ವಿದೇಶಾಂಗ ಸಚಿವಾಲಯವು ಈ ವಿಷಯದ ಬಗ್ಗೆ ವಿಶ್ವಸಂಸ್ಥೆಯ ಗಮನ ಸೆಳೆಯುವಂತೆ ಒತ್ತಾಯಿಸಿದೆ. ಈ ಕುರಿತು ಕಂಗನಾ ರನೌತ್ ಮಾತನಾಡಿ, "ಪಾಕಿಸ್ತಾನ ದಿನೇ ದಿನೇ ಮುಳುಗುತ್ತಿರುವುದರಿಂದ ಭಯಭೀತರಾಗುತ್ತಿದೆ. ಅವರು ಭಿಕ್ಷಾಪಾತ್ರರಾಗಿದ್ದಾರೆ, ಆದರೆ ನಾವು ಮೂರನೇ ಅತಿದೊಡ್ಡ ಆರ್ಥಿಕತೆಯಾಗಿದ್ದೇವೆ ಮತ್ತು ಶೀಘ್ರದಲ್ಲೇ ಮೊದಲನೆಯವರಾಗುತ್ತೇವೆ" ಎಂದು ಹೇಳಿದರು(ಏಜೆನ್ಸೀಸ್).