Maharashtra Marriage Fraud Case
- ಹಣಕ್ಕಾಗಿ ಮದುವೆ ನಾಟಕವಾಡಿ ವಂಚಿಸುತ್ತಿದ್ದ ಮಹಿಳೆ
- ಸಂತ್ರಸ್ತನಿಂದ ಚಕ್ಲಾಂಬ ಠಾಣೆಯ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲು
- 9 ಮಂದಿ ಜೊತೆಗೆ ಮದುವೆ, ಲಕ್ಷ ಲಕ್ಷ ಲೂಟಿ ಮಾಡುತ್ತಿದ್ದ ವಂಚಕಿ
ಮುಂಬೈ: ಅಮಾಯಕರನ್ನು ವಂಚಿಸಲು ಈಗ ನಾನಾ ವಿಧಗಳನ್ನು ವಂಚಕರು ಆರಿಸಿಕೊಳ್ಳುತ್ತಿದ್ದಾರೆ. ಸೈಬರ್ ಕ್ರೈಂ, ಆನ್ಲೈನ್ ಪಾವತಿ, ಬ್ಯಾಂಕ್ ಖಾತೆ ಹ್ಯಾಕ್ ಹಾಗೂ ಮದುವೆ ಮಾಡಿಕೊಂಡು(Maharashtra Marriage Fraud Case) ವಂಚಿಸುವುದು ಸಹ ಈಗಿನ ಕಾಲಘಟ್ಟದಲ್ಲಿ ಒಂದು ಹಾದಿಯಾಗಿ ಬದಲಾಗಿದೆ.
ಹೌದು, ಮಹಾರಾಷ್ಟ್ರದ ಬೀಡ್ ಜಿಲ್ಲೆಯ ಉಮಾಪುರ್ ಗ್ರಾಮದ ವ್ಯಕ್ತಿಯೊಬ್ಬನನ್ನು ಮದುವೆಯಾಗಿದ್ದ ಯುವತಿಯೊಬ್ಬಳು, ಆತನ ಲಕ್ಷಕ್ಕೂ ಹೆಚ್ಚು ಹಣವನ್ನು ಲೂಟಿ ಮಾಡಿ ಪರಾರಿಯಾಗಿರುವ ಘಟನೆ ಬೆಳಕಿಗೆ ಬಂದಿದೆ. ಹಣಕ್ಕಾಗಿ ಹತಕ್ಕೂ ಹೆಚ್ಚು ಮದುವೆ ಮಾಡಿಕೊಂಡು ವಂಚಿಸುವ ಏಜೆಂಟ್ಗಳ ಜಾಲವನ್ನು ಮಹಾರಾಷ್ಟ್ರದಲ್ಲಿ ಬೇಧಿಸಲು ಪೊಲೀಸರು ಮುಂದಾಗಿದ್ದಾರೆ,
ಸಂತ್ರಸ್ತ ಕೊಟ್ಟ ದೂರಿನಲ್ಲಿ ಏನಿದೆ?
ಬ್ರೋಕರ್ಗಳ ಮುಖೇನ ಸಂತ್ರಸ್ತ ಯುವಕನಿಗೆ ವಧುವಿನ ಪರಿಚಯವಾಯ್ತು. ಹುಡುಗಿ ಒಪ್ಪಿಗೆಯಾದ ಮೇಲೆ ನೇರ ಮದುವೆ ಏರ್ಪಾಟು ಆಯ್ತು. ಸಾಮಾನ್ಯವಾಗಿ ಬ್ರೋಕರ್ಗಳು ಹೆಚ್ಚು ಹಣ ಪಡೆಯುತ್ತಾರೆ. ಆದರೆ, ಈತ ಮಾತ್ರ ತಾನು ಎಷ್ಟು ಒಳ್ಳೆಯವನು ಎಂದು ತೋರ್ಪಡಿಸಿಕೊಳ್ಳುವ ಸಲುವಾಗಿ ಹಣವನ್ನೇ ಸ್ವೀಕರಿಸಿಲ್ಲ.
ಆದರೆ, ಆಕೆ ಈ ಹಿಂದೆ ಎಂಟು ಮದುವೆ ಮಾಡಿಕೊಂಡಿದ್ದಳು. ನಾನು ಆಕೆಗೆ ಒಂಬತ್ತನೆಯ ಯುವಕನಾಗಿದ್ದೆ.ಆಕೆ ನನ್ನ ಹಣವನ್ನು ಹೊತ್ತೋಯ್ದ ನಂತರ ನನಗೆ ಆಕೆ ವಂಚಕಿ ಎಂದು ತಿಳಿದುಬಂದಿದೆ ಎಂದು ಚಕ್ಲಾಂಬಾ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾನೆ.
ವಂಚಕಿಗಾಗಿ ಹುಡುಕಾಟ
ವಂಚಕಿಯ ಈ ನಡೆಯಿಂದ ನನಗೆ ಮಾನಸಿಕವಾಗಿ ಆರ್ಥಿಕವಾಗಿ ನಷ್ಟವಾಗಿದೆ. ಕೆಲವೊಮ್ಮೆ ಆತ್ಮಹತ್ಯೆ ಮಾಡಿಕೊಂಡು ಬಿಡಬೇಕು ಎಂತಲೂ ಎನಿಸಿದೆ. ವಂಚಕರನ್ನು ಬಂಧಿಸಿ ಸೂಕ್ತ ನ್ಯಾಯ ದೊರಕಿಸಿಕೊಡಬೇಕು ಎಂದು ದೂರಿನಲ್ಲಿ ಯುವಕ ಉಲ್ಲೇಖಿಸಿದ್ದಾನೆ.
ದೂರು ದಾಖಲಿಸಿಕೊಂಡ ಚಕ್ಲಾಂಬ ಠಾಣೆಯ ಪೊಲೀಸ್ ಅಧಿಕಾರಿ ಆರೋಪಿಗಳ ಪತ್ತೆಗಾಗಿ ಸಾಕಷ್ಟು ತನಿಖೆ ಮಾಡುತ್ತಿದ್ದೇವೆ, ಈ ಹಿಂದೆ ಆಕೆ ಮದುವೆಯಾಗಿದ್ದ ಎಂಟು ಮಂದಿಯ ಸಂಪರ್ಕ ಪಡೆದು ಇನ್ನಷ್ಟು ತನಿಖೆ ಮಾಡುತ್ತೇವೆ ಎಂದು ಹೇಳಿದ್ದಾರೆ, (ಏಜೆನ್ಸೀಸ್).