ಮಹಾರಾಷ್ಟ್ರದಲ್ಲೊಂದು ಬೆಚ್ಚಿಬೀಳಿಸುವ ಘಟನೆ; ಹಣಕ್ಕಾಗಿ ಪತಿ ಜೊತೆ ಸೇರಿ ಪ್ರಿಯಕರನ ಕೊಂದು ಡ್ರಮ್​ನಲ್ಲಿಟ್ಟ ಮಹಿಳೆ!..Maharashtra

ಥಾಣೆಯ ಮುಂಬ್ರಾ ನಿವಾಸಿ ಅರ್ಬಾಜ್ ಮಕ್ಸೂದ್ ಅಲಿ ಖಾನ್ ಎಂಬಾತನೇ ಕೊಲೆಯಾದ ವ್ಯಕ್ತಿ,. ಏಪ್ರಿಲ್​ 3ರಂದು ಕೆಲಸದ ನಿಮಿತ್ತ ದಾದರ್​ಗೆ ಹೋಗುತ್ತಿರುವುದಾಗಿ ಹೇಳಿ ಹೊರಟ ದಿನದಿಂದ ಸುದ್ದಿಯೇ ಇಲ್ಲದಿದ್ದಾಗ ಪೊಲೀಸರಿಗೆ ಕುಟುಂಬಸ್ಥರು ದೂರು ನೀಡಿದ್ದಾರೆ. ಪೊಲೀಸರು ನಡೆಸಿದ ತನಿಖೆ ವೇಳೆ ಆತ ಕೊಲೆಯಾಗಿರುವುದು ಪತ್ತೆಯಾಗಿದೆ.  ಮೆಹಜಬೀನ್ ಹಾಗೂ ತಾರಿಕ್​ ಶೇಖ್​ನನ್ನು ಪೊಲೀಸರು ಬಂಧಿಸಿದ್ದು, ಆರೋಪಿ ಪತಿ ಹಸನ್​ಗಾಗಿಪೊಲೀಸರು ಹುಡುಕಾಟ ನಡೆಸುತ್ತಿದ್ದಾರೆ.

ಏಪ್ರಿಲ್​ 3ರಂದು ಅರ್ಬಾಜ್ ಮಕ್ಸೂದ್ ಅಲಿ ಖಾನ್ ಕಾಣೆಯಾಗಿದ್ದರು. ಈ ಬಗ್ಗೆ ಅವರ ತಂದೆ ಪೊಲೀಸರಿಗೆ ದೂರು ಕೊಟ್ಟಾಗ ಆತನ  ಕರೆ ದಾಖಲೆಗಳು ಮತ್ತು ಸ್ಥಳದ ಡೇಟಾವನ್ನು ವಿಶ್ಲೇಷಿಸುವ ಮೂಲಕ ತನಿಖೆ ಆರಂಭಿಸಿದರು. ಆಗಲೇ ತಿಳಿದಿದ್ದು ಖಾನ್ ಕೊನೆಗೆ ಮಾತನಾಡಿದ್ದು ಮೆಹಜಬೀನ್​ ಜೊತೆಗೆ.

ಆಕೆಯನ್ನು ಬಂಧಿಸಿ ಠಾಣೆಗೆ ಕರೆತಂದು ವಿಚಾರಣೆ ನಡೆಸಿದಾಗ ಆಕೆ ಏನನ್ನು ಒಪ್ಪಿಕೊಂಡಿಲ್ಲ, ಆಗ ಪೊಲೀಸರು ತಮ್ಮದೇ ಶೈಲಿಯಲ್ಲಿ ವಿಚಾರಣೆ ನಡೆಸಿದಾಗ ತಪ್ಪೊಪ್ಪಿಕೊಂಡಿದ್ದಾಳೆ.  ಹಣಕ್ಕಾಗಿ ಸಹೋದರ ಮತ್ತು ಪತಿ ಜೊತೆ ಸೇರಿ ಕೊಲೆ ಮಾಡಿ, ಡ್ರಮ್​ನಲ್ಲಿ ಆತನ ದೇಹ ಮುಚ್ಚಿಟ್ಟಿದ್ದಾಗಿ ಹೇಳಿದ್ದಾಳೆ ಎಂದು ಹೆಚ್ಚುವರಿ ಪೊಲೀಸ್ ಆಯುಕ್ತ (ಎಸಿಪಿ) ಪ್ರಿಯಾ ಧಂಕ್ನೆ ಹೇಳಿದರು.

ಮೆಹಜಬೀನ್ ಪತಿ ಮತ್ತು ಆಕೆಯ ಸಹೋದರನಿಗೆ ಖಾನ್​ನಿಂದ ಹಣ ಪಡೆಯುವುದು ಉದ್ದೇಶವಾಗಿತ್ತು ಆತನಿಂದ ಏನೂ ಸಿಗದಿದ್ದ ಕಾರಣ ಕೈ ಕಟ್ಟಿ ಪ್ಲಾಸ್ಟಿಕ್​ ಪೈಪ್​ನಿಂದ ಹೊಡೆದು ಕೊಂದಿದ್ದಾರೆ. ಅವನ ದೇಹವನ್ನು ಹಸಿರು ಡ್ರಮ್‌ನಲ್ಲಿ ತುಂಬಿಸಿ ಮುಂಬ್ರಾ ಪ್ರದೇಶದ ಚರಂಡಿಗೆ ಎಸೆದಿದ್ದಾರೆ ಎನ್ನಲಾಗಿದೆ. 

ಉತ್ತರ ಪ್ರದೇಶದ ಮೀರತ್​ನಲ್ಲಿ ಪತಿ ಸೌರಭ್​ ರಜಪೂತ್​ನನ್ನು ಕೊಲೆ ಮಾಡಿದ್ದ ಘಟನೆ ಇಡೀ ದೇಶವನ್ನೇ ಬೆಚ್ಚಿ ಬೀಳಿಸುವಂತೆ ಮಾಡಿತ್ತು. ಮುಸ್ಕಾನ್​ ರಸ್ತೋಗಿ ಮತ್ತು ಸಾಹುಲ್​ ಶುಕ್ಲಾ ಎಂಬಾತ ಸೇರಿ ಸೌರಭ್​ ರಜಪೂತ್​ನನ್ನು ಕೊಲೆ ಮಾಡಲು 2023 ನವೆಂಬರ್​ನಿಂದ ಸ್ಕರಚ್​ ಹಾಕಿದ್ದಳು. ಇದಕ್ಕಾಗಿ ಇಬ್ಬರು ಸ್ನ್ಯಾಪ್​ಚಾಟ್​ ಮೂಲಕ ಸಂಪರ್ಕ ಬೆಳೆಸಿದ್ದರು.ಅವಳು ಸೌರಭ್‌ನಿಂದ ವಿಚ್ಛೇದನ ಪಡೆಯಬೇಕೆಂದು ಹಠ ಹಿಡಿದಿದ್ದಳು. ಆದರೆ ಸೌರಭ್‌ ವಿಚ್ಛೇದನಕ್ಕೆ ನಿರಾಕರಿಸುತ್ತಲೇ ಇದ್ದನಂತೆ. 2021ರಿಂದ ಈ ಗಲಾಟೆ ಇತ್ತು. ಸಾಹಿಲ್​ನನ್ನು ಇಷ್ಟಪಟ್ಟಿದ್ದಾಗಿ ಆಕೆ ಹೇಳಿಕೊಂಡಿದ್ದಳು, (ಏಜೆನ್ಸೀಸ್).