- ಇಸ್ರೇಲ್ ಮತ್ತು ಇರಾನ್ ನಡುವಿನ ಭೌಗೋಳಿಕ ರಾಜಕೀಯ ಸಂಘರ್ಷವು ಕೇವಲ ಗಡಿಗಳಿಗೆ ಸೀಮಿತವಾಗಿಲ್ಲ
- ಬದಲಿಗೆ ಲಕ್ಷಾಂತರ ಅಡುಗೆಮನೆಯ (LPG Shortage) ಮೇಲೆ ನೇರ ಪರಿಣಾಮ ಬೀರತೊಡಗಿದೆ
- ಯುದ್ಧದ ಪರಿಸ್ಥಿತಿಯು ಜಾಗತಿಕ ಇಂಧನ ಮಾರುಕಟ್ಟೆಯಲ್ಲಿ ತಲ್ಲಣ ಸೃಷ್ಟಿಸಿದೆ
- ಭಾರತೀಯರು ದಿನನಿತ್ಯ ಬಳಸುವ ಎಲ್ಪಿಜಿ (LPG) ಲಭ್ಯತೆ ಮತ್ತು ಬೆಲೆಯ ಮೇಲೆ ಆತಂಕದ ನೆರಳು ಮೂಡಿಸಿದೆ
ನವದೆಹಲಿ: ಇಸ್ರೇಲ್ ಮತ್ತು ಇರಾನ್ ನಡುವಿನ ಭೌಗೋಳಿಕ ರಾಜಕೀಯ ಸಂಘರ್ಷವು ಕೇವಲ ಗಡಿಗಳಿಗೆ ಸೀಮಿತವಾಗಿಲ್ಲ. ಬದಲಿಗೆ ಲಕ್ಷಾಂತರ ಅಡುಗೆಮನೆಯ (LPG Shortage) ಮೇಲೆ ನೇರ ಪರಿಣಾಮ ಬೀರತೊಡಗಿದೆ. ಆದಾಗ್ಯೂ, ಯುದ್ಧದ ಪರಿಸ್ಥಿತಿಯು ಜಾಗತಿಕ ಇಂಧನ ಮಾರುಕಟ್ಟೆಯಲ್ಲಿ ತಲ್ಲಣ ಸೃಷ್ಟಿಸಿದ್ದು, ಭಾರತೀಯರು ದಿನನಿತ್ಯ ಬಳಸುವ ಎಲ್ಪಿಜಿ (LPG) ಲಭ್ಯತೆ ಮತ್ತು ಬೆಲೆಯ ಮೇಲೆ ಆತಂಕದ ನೆರಳು ಮೂಡಿಸಿದೆ.
ಜಾಗತಿಕ ಯುದ್ಧದ ಸಂದರ್ಭದಲ್ಲಿ ಸಾಮಾನ್ಯವಾಗಿ ಎಲ್ಲರ ಗಮನ ಪೆಟ್ರೋಲ್ ಮತ್ತು ಡೀಸೆಲ್ ಮೇಲೆ ಇರುತ್ತದೆ. ಆದರೆ, ಪ್ರಸ್ತುತ ಅಡುಗೆ ಅನಿಲದ ಬಿಕ್ಕಟ್ಟನ್ನು ಎದುರಿಸುತ್ತಿದೆ. ಆದಾಗ್ಯೂ, ಮಧ್ಯಪ್ರಾಚ್ಯದಲ್ಲಿ ಉಂಟಾಗುವ ಪ್ರತಿಯೊಂದು ಅಡಚಣೆಯೂ ಅಂತಿಮವಾಗಿ ಎಲ್ಪಿಜಿ ಸಿಲಿಂಡರ್ಗಳು ಮತ್ತು ಪಿಎನ್ಜಿ ಪೈಪ್ಲೈನ್ಗಳಲ್ಲಿ ಕಾಣಿಸಿಕೊಳ್ಳುತ್ತದೆ.
ಇಸ್ರೇಲ್-ಇರಾನ್ ಯುದ್ಧದ ಎಫೆಕ್ಟ್! ಭಾರತದ ಅಡುಗೆ ಅನಿಲದ ಮೇಲೆ ಏಕೆ ಪರಿಣಾಮ ಬೀರುತ್ತದೆ
ಭಾರತವು ತನಗೆ ಬೇಕಾದ ಎಲ್ಪಿಜಿಯ ಅರ್ಧಕ್ಕಿಂತಲೂ ಹೆಚ್ಚಿನ ಪಾಲನ್ನು ಆಮದು ಮಾಡಿಕೊಳ್ಳುತ್ತದೆ. ಬಹುಪಾಲು ಮಧ್ಯಪ್ರಾಚ್ಯದ ದೇಶಗಳಿಂದಲೇ ಬರುವುದರಿಂದ ಅಲ್ಲಿ ನಡೆಯುವ ಪ್ರತಿಯೊಂದು ಅಡಚಣೆಗಳು ಅಂತಿಮವಾಗಿ ಭಾರತದ ಅಡುಗೆ ಮನೆಯ ಎಲ್ಪಿಜಿ ಸಿಲಿಂಡರ್ಗಳು ಮತ್ತು ಪಿಎನ್ಜಿ (PNG) ಪೈಪ್ಲೈನ್ಗಳ ಮೇಲೆ ನೇರವಾಗಿ ಪರಿಣಾಮ ಬೀರುತ್ತದೆ.
ಪ್ರಸ್ತುತ ಸಂಘರ್ಷವು ಗೋಚರ ಪರಿಣಾಮಗಳನ್ನು ತೋರಿಸಲು ಪ್ರಾರಂಭಿಸಿದೆ. ಜಾಗತಿಕ ಮಟ್ಟದಲ್ಲಿ ಎಲ್ಪಿಜಿ ಅಭಾವ ಹೆಚ್ಚಾದಂತೆ ಕೊರತೆಯ ಭಯದಿಂದ ನಿವಾಸಿಗಳು ಏಜೆನ್ಸಿಗಳ ಹೊರಗೆ ದೀರ್ಘ ಸರತಿ ಸಾಲುಗಳನ್ನು ಹೊಂದಿದ್ದಾರೆ.
ವಾಣಿಜ್ಯ ಸಿಲಿಂಡರ್ಗಳನ್ನು ಹೆಚ್ಚು ಅವಲಂಬಿಸಿರುವ ರೆಸ್ಟೋರೆಂಟ್ಗಳು ಮತ್ತು ಸಣ್ಣ ತಿನಿಸು ಅಂಗಡಿಗಳು ಎಲ್ಪಿಜಿ ವಿತರಣೆಯಲ್ಲಿ ವಿಳಂಬ ಮತ್ತು ಅನಿಶ್ಚಿತ ಪೂರೈಕೆಯನ್ನು ಎದುರಿಸುತ್ತಿವೆ. ಇದಕ್ಕೆ ಪ್ರತಿಕ್ರಿಯೆಯಾಗಿ, ಸರ್ಕಾರವು ದೇಶೀಯ ಎಲ್ಪಿಜಿ ಉತ್ಪಾದನೆಯನ್ನು ಹೆಚ್ಚಿಸಲು ಮತ್ತು ಮನೆಗಳಿಗೆ ಪೂರೈಕೆಗೆ ಆದ್ಯತೆ ನೀಡಲು ಸಂಸ್ಕರಣಾಗಾರಗಳನ್ನು ಕೇಳಿದೆ.
ಉದಾಹರಣೆಗೆ, ಭಾರತೀಯ ರೈಲ್ವೆ, ಸಂಭಾವ್ಯ ಅನಿಲ ಕೊರತೆಯನ್ನು ನಿಭಾಯಿಸುವ ಸಲುವಾಗಿ ಇಂಡಕ್ಷನ್ ಅಥವಾ ಮೈಕ್ರೋವೇವ್ ಓವನ್ಗಳಂತಹ ವಿದ್ಯುತ್ ಅಡುಗೆ ಪರಿಕರಗಳನ್ನು ಬಳಸಲು ತನ್ನ ಆಹಾರ ಮಾರಾಟಗಾರರನ್ನು ಕೇಳಿಕೊಂಡಿದೆ.
LPG vs ಇಂಡಕ್ಷನ್ ಪ್ರಶ್ನೆ
ದಶಕಗಳಿಂದ, ಭಾರತೀಯ ಅಡುಗೆಮನೆಗಳಿಗೆ LPG ಕೊರತೆಯ ಆಯ್ಕೆಯಾಗಿದೆ. ಏಕೆಂದರೆ, ಇದು ತ್ವರಿತ ಶಾಖವನ್ನು ನೀಡುವುದರ ಜೊತೆಗೆ ಅಡುಗೆ ಮಾಡಲು ಯಾವುದೇ ಪಾತ್ರೆಯನ್ನು ಕೂಡಾ ಬಳಸಬಹುದು. ಇದು ಹೆಚ್ಚಿನ ಕ್ಯಾಲೋರಿಫಿಕ್ ಮೌಲ್ಯವನ್ನು ಹೊಂದಿದ್ದು, ಇದನ್ನು ಕುದಿಸುವುದು ಅಥವಾ ಹುರಿಯುವಂತಹ ಅಡುಗೆ ಮಾಡಲು ಬಳಸಬಹುದು.
ಇಂಧನ ಅಧ್ಯಯನಗಳು ಇಂಡಕ್ಷನ್ ಬಳಸಿ ಅಡುಗೆ ಮಾಡುವುದು ಅನೇಕ ಸಂದರ್ಭಗಳಲ್ಲಿ LPG ಗಿಂತ ಅಗ್ಗವಾಗಬಹುದು ಎಂದು ಸೂಚಿಸುತ್ತವೆ. ಭಾರತದಲ್ಲಿ, ಇತ್ತೀಚಿನ ವರ್ಷಗಳಲ್ಲಿ ವಿದ್ಯುತ್ ಅಡುಗೆ ಸಬ್ಸಿಡಿ ರಹಿತ LPG ಗಿಂತ ಶೇ. 37 ರಷ್ಟು ಮತ್ತು PNG ಗಿಂತ ಶೇ. 14 ರಷ್ಟು ಅಗ್ಗವಾಗಿದೆ ಎಂದು ಅಂದಾಜಿಸಲಾಗಿದೆ.
ಸಾಂಪ್ರದಾಯಿಕ LPG ಸ್ಟೌವ್ಗಳು ಶಾಖದ ಒಂದು ಭಾಗವನ್ನು ಮಾತ್ರ ಬಳಸಬಹುದಾದ ಅಡುಗೆ ಶಕ್ತಿಯನ್ನಾಗಿ ಪರಿವರ್ತಿಸುತ್ತವೆ. ಆದರೆ, ಇಂಡಕ್ಷನ್ಗಳು ನೇರವಾಗಿ ಪಾತ್ರೆಗೆ ವರ್ಗಾಯಿಸುತ್ತವೆ. ಹಾಗಾಗಿ ಅವುಗಳನ್ನು ಪರಿಣಾಮಕಾರಿ ಎಂದು ಹೇಳಲಾಗುತ್ತದೆ.
ವಿದ್ಯುತ್ ದರಗಳನ್ನು ಅವಲಂಬಿಸಿ, ಎಲ್ಪಿಜಿಗೆ ಹೋಲಿಸಿದರೆ ಇಂಡಕ್ಷನ್ ಒಲೆಗಳನ್ನು ಬಳಸಿ ಅಡುಗೆ ಮಾಡುವುದರಿಂದ ಮನೆಗಳು ವಾರ್ಷಿಕವಾಗಿ 2 ಸಾವಿರ ರೂಗಳಿಂದ 13 ಸಾವಿರ ರೂವರೆಗೂ ಉಳಿಸಬಹುದು.
PNG
ಹೆಚ್ಚಾಗಿ ದೆಹಲಿ, ಮುಂಬೈ ಮತ್ತು ಅಹಮದಾಬಾದ್ನಂತಹ ನಗರಗಳಲ್ಲಿ, ಕೆಲವು ಮನೆಗಳು ಎಲ್ಪಿಜಿ ಸಿಲಿಂಡರ್ಗಳ ಬದಲಿಗೆ ಪೈಪ್ಡ್ ನೈಸರ್ಗಿಕ ಅನಿಲವನ್ನು (ಪಿಎನ್ಜಿ) ಅವಲಂಬಿಸಿರುತ್ತವೆ. ಇದು PNG ಪೈಪ್ಗಳ ಮೂಲಕ ನಿರಂತರ ಪೂರೈಕೆಯ ಪ್ರಯೋಜನವನ್ನು ನೀಡುವುದರ ಜೊತೆಗೆ ಸಿಲಿಂಡರ್ ಬುಕ್ ಮಾಡುವ ಅಗತ್ಯವನ್ನು ನಿವಾರಿಸುತ್ತದೆ. ಆದಾಗ್ಯೂ, PNG ಆಮದು ಮಾಡಿಕೊಂಡ LNG ಬೆಲೆಗಳಿಗೂ ಸಂಬಂಧಿಸಿದೆ. ಅಂದರೆ ಜಾಗತಿಕ ಪೂರೈಕೆ ಅಡಚಣೆಗಳಿಂದ ಇದು ನಿರೋಧಕವಾಗಿಲ್ಲ.
ವಾಸ್ತವವಾಗಿ, ದ್ರವೀಕೃತ ನೈಸರ್ಗಿಕ ಅನಿಲ (LNG) ಆಮದುಗಳು ಮಧ್ಯಪ್ರಾಚ್ಯ ಹಡಗು ಮಾರ್ಗಗಳ ಮೇಲೆ ಹೆಚ್ಚು ಅವಲಂಬಿತವಾಗಿರುತ್ತವೆ. ಅಂದರೆ, ದೀರ್ಘಕಾಲದ ಅಸ್ಥಿರತೆಯು PNG ಬೆಲೆಗಳ ಮೇಲೆ ಪರಿಣಾಮ ಬೀರಬಹುದು.
ಭಾರತೀಯ ಕುಟುಂಬಗಳು ಇಂಡಕ್ಷನ್ಗೆ ಬದಲಾಯಿಸಬೇಕೇ?
ಅನೇಕ ಮನೆಗಳಿಗೆ ಇಂಡಕ್ಷನ್ಗಳು ಸಂಪೂರ್ಣವಾಗಿ ಬಳಸಲು ಸಾಧ್ಯವಾಗದೇ ಇರಬಹುದು. ಹಾಗಾಗಿ ಹೈಬ್ರೀಡ್ ವಿಧಾನಗಳನ್ನು ಬಳಸುವುದರಿಂದ ಗೃಹಿಣಿಯ ಕೆಲಸವನ್ನು ಸುಲಭಗೊಳಿಸುತ್ತದೆ. ಇಂಡೆಕ್ಷನ್ಗಳು ಹಾಲು ಕುದಿಸುವುದು, ಚಹಾ ತಯಾರಿಸುವುದು ಅಥವಾ ಆಹಾರವನ್ನು ಮತ್ತೆ ಬಿಸಿ ಮಾಡುವಂತಹ ಕೆಲಸಗಳಿಗಾಗಿ ಬಳಸಬಹುದಾಗಿದೆ (ಏಜೆನ್ಸೀಸ್).