ಲಖನೌನಲ್ಲಿ ಲವ್​ ಜಿಹಾದ್​: ಮಗುವಿನೊಂದಿಗೆ ಕಟ್ಟಡ ಏರಿ ಪ್ರಾಣ ಬಿಡಲು ಮುಂದಾದ ಮಹಿಳೆ; ವಿಡಿಯೋ ವೈರಲ್! Viral Video

ಲಖನೌ: ಮಹಿಳೆಯೊಬ್ಬಳು ಮಡಿಲಲ್ಲಿ ಕಂದಮ್ಮನನ್ನು ಹಿಡಿದು ಕಟ್ಟಡದ ಮೇಲಿಂದ ಬೀಳುವುದಾಗಿ ಬೆದರಿಕೆ ಹಾಕಿದ ಘಟನೆ ಲಖನೌ ಹೈಕೋರ್ಟ್​ ಆವರಣದಲ್ಲಿ ನಡೆದಿದೆ. ಲಖನೌ ಹೈಕೋರ್ಟ್​ನ ಛಾವಣಿಯನ್ನು ಏರಿದ ಮಹಿಳೆ ನನಗೆ ನ್ಯಾಯ ದೊರಕಿಸಿ ಕೊಡಿ ಇಲ್ಲದಿದ್ದರೆ ಮಗುವಿನ ಸಮೇತ ಪ್ರಾಣ ತ್ಯಾಗ ಮಾಡುವುದಾಗಿ ಬೆದರಿಕೆ ಹಾಕಿದ್ದಾಳೆ.

ಈ ಹೈಡ್ರಾಮಾ ನ್ಯಾಯಾಲಯದ ಆವರಣದಲ್ಲಿ ಭಯದ ವಾತಾವರಣವನ್ನು ಹುಟ್ಟು ಹಾಕಿದ್ದು, ಸುಮಾರು ಒಂದು ಗಂಟೆವರೆಗೆ ಈ ಡ್ರಾಮಾ ಮುಂದುವರೆದಿದೆ. ನಂತರ ಕೋರ್ಟ್​ ಸಿಬ್ಬಂದಿ ಆಕೆಯನ್ನು ಸಮಾಧಾನ ಪಡಿಸಿ ಕೆಳಗಿಳಿಸುವಲ್ಲಿ ಸಫಲರಾಗಿದ್ದಾರೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಸಂಚಲನ (Viral Video) ವನ್ನು ಸೃಷ್ಟಿಸಿದ್ದು ಲಕ್ಷಾಂತರ ವೀಕ್ಷಣೆಯನ್ನು ಪಡೆದುಕೊಂಡಿದೆ. ವಿಡಿಯೋನಲ್ಲಿರುವ ಮಹಿಳೆಯನ್ನು ಉತ್ತರ ಪ್ರದೇಶದ ಗೊಂಡಾ ನಿವಾಸಿ ರೂಪಾಲಿ ಶರ್ಮಾ ಎಂದು ಗುರುತಿಸಲಾಗಿದೆ.

ಆದರೂ ಸಹ ವಿಚ್ಛೇದನವನ್ನು ಪಡೆಯ ಬಯಸಿ, ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದ್ದಾಳೆ. ಕೆಳ ಹಂತದ ನ್ಯಾಯಾಲಯದಲ್ಲಿ ವಿಚ್ಛೇದನವ ಮಾನ್ಯವಾಗಿದೆ, ಆದರೆ ಪತಿಯಿಂದ ಯಾವುದೇ ಪರಿಹಾರ ದೊರೆಯದ ಹಿನ್ನಲೆ ಹೈಕೋರ್ಟ್​ಗೆ ರೂಪಾಲಿ ಮೇಲ್ಮನವಿ ಸಲ್ಲಿಸಿದ್ದಾಳೆ. ಆದರೆ ಕಳೆದ ಮೂರು ಬಾರಿ ಪತಿ ಮೊಹಮ್ಮದ್ ಸಬೀರ್​ಗೆ ನೋಟಿಸ್​ ನೀಡಿದರೂ ನ್ಯಾಯಾಲಕ್ಕೆ ಹಾಜರಾಗದ ಹಿನ್ನಲೆ ರೂಪಾಲಿ ಈ ನಿರ್ಧಾರವನ್ನು ಕೈಗೊಂಡಿದ್ದಾಳೆ ಎಂದು ತಿಳಿದು ಬಂದಿದೆ, (ಏಜನ್ಸೀಸ್​).