ನವದೆಹಲಿ: ಜಮ್ಮು-ಕಾಶ್ಮೀರದ(Jammu and Kashmir) ಬಾರಾಮುಲ್ಲಾ ಜಿಲ್ಲೆಯ ಉರಿ ಸೆಕ್ಟರ್ನ ಗಡಿ ನಿಯಂತ್ರಣ ರೇಖೆಯ(ಎಲ್ಒಸಿ) ಬಳಿ ಮತ್ತೆ ನೆಲಬಾಂಬ್ ಸ್ಫೋಟ ಸಂಭವಿಸಿದ್ದು, ಘಟನೆಯಲ್ಲಿ ಇಬ್ಬರು ಸೇನಾ ಸಿಬ್ಬಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ಬುಧವಾರ(ಜು. 29) ವರದಿಯಾಗಿದೆ.
ಉರಿಯ ಕಮಲ್ಕೋಟ್ ಉಪ-ವಲಯದಲ್ಲಿ 12ನೇ ಪದಾತಿ ದಳದ ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ 8ನೇ ರಾಷ್ಟ್ರೀಯ ರೈಫಲ್ಸ್ ನಿರ್ವಹಿಸುವ ಅಪ್ಪರ್ ಘರ್ ಫಾರ್ವರ್ಡ್ ಪೋಸ್ಟ್ ಬಳಿ ಈ ಸ್ಫೋಟ ಸಂಭವಿಸಿದೆ.
ಈ ಕುರಿತು ಮಾಹಿತಿ ನೀಡಿರುವ ಅಧಿಕಾರಿಗಳು, ಇಬ್ಬರೂ ಸೈನಿಕರು 8 ರಾಷ್ಟ್ರೀಯ ರೈಫಲ್ಸ್ಗೆ ಸೇರಿದವರಾಗಿದ್ದು, ಘಟನೆ ನಡೆದಾಗ ಎಲ್ಒಸಿ ಬಳಿ ಕರ್ತವ್ಯದಲ್ಲಿದ್ದರು. ಗಾಯಗೊಂಡ ಸೈನಿಕರನ್ನು ತಕ್ಷಣವೇ ಸ್ಥಳದಿಂದ ಶ್ರೀನಗರದ ಬಾದಾಮಿಬಾಗ್ನಲ್ಲಿರುವ ಸೇನಾ ಮೂಲ ಆಸ್ಪತ್ರೆಗೆ ವಿಮಾನದ ಮೂಲಕ ಕರೆದೊಯ್ಯಲಾಗಿದೆ. ಅಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ತಿಳಿಸಿದ್ದಾರೆ.
ಗಾಯಗೊಂಡವರನ್ನು ಹವಾಲ್ದಾರ್ ವಿಜಯ್ ಕುಮಾರ್ ಮತ್ತು ನಾಯಕ್ ಶರಣಪ್ಪ ಅಂಗರಿ ಎಂದು ಗುರುತಿಸಲಾಗಿದೆ. ಗಣಿ ಸ್ಫೋಟಕ್ಕೆ ಕಾರಣವಾದ ನಿಖರವಾದ ಸಂದರ್ಭಗಳನ್ನು ಖಚಿತಪಡಿಸಿಕೊಳ್ಳಲಾಗುತ್ತಿದೆ. ಇದು ಹಳೆಯ ಸಿಬ್ಬಂದಿ ವಿರೋಧಿ ಗಣಿಯಾಗಿದ್ದು, ದಿನನಿತ್ಯದ ಗಸ್ತು ತಿರುಗುವಾಗ ಅದು ಸ್ಪೋಟಗೊಂಡಿರಬಹುದು ಎಂದು ಶಂಕಿಸಲಾಗಿದೆ.
ಇನ್ನೂ ಘಟನೆ ನಡೆದ ವಲಯದಲ್ಲಿ ಹೆಚ್ಚಿನ ಸ್ಫೋಟಕಗಳ ಇದ್ದಾವೆ ಎಂಬುದನ್ನು ಪತ್ತೆ ಹಚ್ಚಲು ಭದ್ರತಾ ಪಡೆಗಳು ಶೋಧ ಕಾರ್ಯಾಚರಣೆ ನಡೆಸಿವೆ ಎನ್ನಲಾಗಿದೆ (ಏಜೆನ್ಸೀಸ್).