ಕೆಚಫ್​ ಪ್ರಿಯರೇ ಹುಷಾರ್! ರಾಸಾಯನಿಕ ಬಳಸಿ ನಕಲಿ ವಿಷಕಾರಿ ಸಾಸ್​ ತಯಾರಿಕೆ; 200 ಕಿ.ಲೋ ಜಪ್ತಿ! Tomato Sauce

ಉತ್ತರ ಪ್ರದೇಶ: ಭಾರತದಲ್ಲಿ ಆಹಾರ ಕಲಬೆರಿಕೆ ಪ್ರಕರಣಗಳು ದಿನ ಬೆಳಗಾದರೆ ಒಂದರಂತೆ ಬೆಳಕಿಗೆ ಬರುತ್ತಿದ್ದು, ನಾವು ಸೇವಿಸುತ್ತಿರುವ ಯಾವ ಪದಾರ್ಥ ಅಸಲಿ? ಯಾವುದು ನಕಲಿ? ಎಂದು ತಿಳಿಯುವುದೇ ಒಂದು ಸಾಹಸವಾಗಿ ಮಾರ್ಪಟ್ಟಿದೆ.

ಘಟಕದ ಮೇಲೆ ದಾಳಿ ನಡೆಸಿದ ಅಧಿಕಾರಿಗಳಿಗೆ, ಸಾಸ್​​ನ್ನು ತಯಾರಿಸಲು, ಕೊಳೆತ ಟೊಮಾಟೊ, ಕೃತಕ ಬಣ್ಣಗಳು ಮತ್ತು ಹಾನಿಕಾರಕ ರಾಸಾಯನಿಕಗಳನ್ನು ಬಳಕೆ ಮಾಡುತ್ತಿದ್ದಾಗಿ ತಿಳಿದು ಬಂದಿದೆ. ಈ ದಾಳಿಯಲ್ಲಿ ಸುಮಾರು 200 ಕಿ.ಲೋ ವಿಷಕಾರಿ ಸಾಸ್​ನ್ನು ವಶಕ್ಕೆ ತೆಗೆದು ಕೊಳ್ಳಲಾಗಿದೆ. ಈ ಸಾಸ್​​ ಒಂದರ್ಥದಲ್ಲಿ ನಕಲಿಯೇ ಆಗಿದ್ದು ಇದರ ಸೇವನೆ ಸಾವಿಗೆ ಆಹ್ವಾನವಾಗಿದೆ ಎನ್ನುವುದು ಆರೋಗ್ಯ ಸುರಕ್ಷಾ ಅಧಿಕಾರಿಗಳ ಅಭಿಪ್ರಾಯವಾಗಿದೆ.

ಈ ಘಟಕದಲ್ಲಿ ತಯಾರಾದ ಸಾಸ್​ನ್ನು ಹತ್ತಿರದ ಸಣ್ಣ-ಪುಟ್ಟ ಅಂಗಡಿಗಳಿಗೆ ಮಾರಾಟ ಮಾಡಿರುವುದಾಗಿ ಸಹ ಮಾಹಿತಿ ಲಭ್ಯವಾಗಿದೆ. ಇಲ್ಲಿ ನಿರ್ಮಿಸಲಾದ ಸಾಸ್​​ನಲ್ಲಿ ಅಧಿಕ ಪ್ರಮಾಣದಲ್ಲಿ ಅಪಾಯಕಾರಿ ರಾಸಾಯನಿಕಗಳು ಕಂಡುಬಂದಿದ್ದು, ಇದರ ಸೇವನೆ ಹೊಟ್ಟೆ, ಕರಳು ಮತ್ತು ಲಿವರ್​ ಗೆ ಸಂಬಂಧಿಸಿದ ಕಾಯಿಲೆಗೆ ದಾರಿ ಮಾಡಿ ಕೊಡಲಿದೆ ಎನ್ನುವುದು ಅಧಿಕಾರಿಗಳ ಎಚ್ಚರಿಕೆಯಾಗಿದೆ.

ಸದ್ಯ ಈ ಘಟಕಕ್ಕೆ ಬೀಗ ಹಾಕಲಾಗಿದ್ದು, ಘಟಕದ ಮಾಲೀಕನ ಮೇಲೆ ದೂರನ್ನು ಸಹ ದಾಖಲಿಸಲಾಗಿದೆ. ಈ ಕುರಿತು ನ್ಯಾಯಬದ್ಧವಾಗಿ ತನಿಖೆ ನಡೆಸಿ, ತಪ್ಪಿತಸ್ಥರಿಗೆ ಶಿಕ್ಷೆ ಕೊಡಿಸುವುದಾಗಿ ಅಧಿಕಾರಿಗಳು ಭರವಸೆ ನೀಡಿದ್ದಾರೆ, (ಏಜನ್ಸೀಸ್​).