ಅಧಿಕೃತ ಕಾರು ನಿರಾಕರಣೆ; ಕಾರ್ಯಕ್ರಮದಲ್ಲಿ ಭಾಗವಹಿಸಲು 30 ಕಿ.ಮೀ ಸೈಕಲ್ ತುಳಿದ ಪಂಚಾಯತ್ ಪ್ರೆಸಿಡೆಂಟ್! ಈ ಜಿದ್ದಿನ ಹಿಂದಿದೆ ರೋಚಕ ಕಹಾನಿ.. Cycle Protest

ಆದಾಗ್ಯೂ, ಪಂಚಾಯತ್ ಕಾರ್ಯದರ್ಶಿಯ ಧೋರಣೆಯನ್ನು ಖಂಡಿಸಿ, ಫೋರ್ಟ್ ಕೊಲ್ಲಂ ಚರ್ಚ್‌ನಲ್ಲಿ ನಡೆದ ಸರ್ಕಾರಿ ಕಾರ್ಯಕ್ರಮಕ್ಕೆ ಅವರು ಸೈಕಲ್​ ಮೂಲಕ ಪ್ರಯಾಣ ಬೆಳೆಸಿದ್ದು, ಇದೀಗ ರಾಜಕೀಯ ಮತ್ತು ಆಡಳಿತ ವಲಯದಲ್ಲಿ ತೀವ್ರ ಚರ್ಚೆಗೆ ಗ್ರಾಸವಾಗಿದೆ.

ಆದಿಚನಲ್ಲೂರು ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ಕಾರ್ಯ ನಡೆಯುತ್ತಿದ್ದ ಟಾರ್​-ಮಿಕ್ಸಿಂಗ್​ ಘಟಕದ ವಿಚಾರವಾಗಿ  ಪಂಚಾಯತ್ ಅಧ್ಯಕ್ಷ ಜಿನೋಜಿ ಎಡ್ವರ್ಡ್ ಮತ್ತು ಕಾರ್ಯದರ್ಶಿ ಫ್ಲೋಸಿ ಲಾಸ್ ನಡುವೆ ಇತ್ತೀಚೆಗೆ ತೀವ್ರ ಭಿನ್ನಾಭಿಪ್ರಾಯ ಉಂಟಾಗಿತ್ತು. ಎಡ್ವರ್ಡ್​ ಅವರ ವಾರ್ಡ್​ನಲ್ಲೇ ಈ ಕಾಮಗಾರಿ ಆಗುತ್ತಿದ್ದು, ಮಾಲಿನ್ಯದ ಹಿನ್ನಲೆಯಲ್ಲಿ ಅಧ್ಯಕ್ಷ ಜಿನೋಜಿ  ಮತ್ತು ಪಂಚಾಯತ್‌ನ ಇತರ 21 ಚುನಾಯಿತ ಸದಸ್ಯರು ಈ ಘಟಕದ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿದ್ದರು. ಜೊತೆಗೆ ಸಾರ್ವಜನಿಕರ ಹಿತದೃಷ್ಟಿಯಿಂದ ಪಂಚಾಯತ್ ಆಡಳಿತವು ಕಾರ್ಯದರ್ಶಿಯ ಮೂಲಕ ಈ ಕಂಪನಿಗೆ 'ಸ್ಟಾಪ್ ಮೆಮೊ' ಜಾರಿಗೊಳಿಸಿತ್ತು.

ಆದಾಗ್ಯೂ, ಈ ವಿಷಯವಾಗಿ ತಮಗೂ ಮತ್ತು ಕಾರ್ಯದರ್ಶಿಗೆ ಮುನಿಸು ಉಂಟಾಗಿದ್ದರ ಹಿನ್ನಲೆಯಲ್ಲಿ  ಕಾರ್ಯದರ್ಶಿ ಫ್ಲೋಸಿ ಲಾಸ್ ಅವರು ಅಧ್ಯಕ್ಷರಿಗೆ ಅಧಿಕೃತ ವಾಹನವನ್ನು ನೀಡಲು ನಿರಾಕರಿಸಿದ್ದಾರೆ ಎಂದು ಎಡ್ವರ್ಡ್​ ಆರೋಪ ಮಾಡಿದ್ದಾರೆ.

ಆದಾಗ್ಯೂ, ಫೋರ್ಟ್​ ಕೊಲ್ಲಂ ಚರ್ಚ್​ನಲ್ಲಿ ನಡೆದ ಸರ್ಕಾರಿ ಕಾರ್ಯಕ್ರಮದಲ್ಲಿ ರಾಜ್ಯ ಸಚಿವೆ ಬಿಂದು ಕೃಷ್ಣ ಮತ್ತು ಕೊಲ್ಲಂ ಮೇಯರ್ ಎ.ಕೆ. ಹಫೀಜ್ ಸೇರಿದಂತೆ ಹಲವು ಗಣ್ಯರು ಉಪಸ್ಥಿತರಿದ್ದರು. ಈ ವೇಳೆ ಅಲ್ಲಿಗೆ ಸೈಕಲ್​ ತುಳಿದುಕೊಂಡು ಆಗಮಿಸಿದ ಜಿನೋಜಿ ಎಡ್ವರ್ಡ್​, ಇಂದು ನಾನು ನನ್ನ ಅಧಿಕೃತ ವಾಹನದಲ್ಲೇ ಈ ಕಾರ್ಯಕ್ರಮಕ್ಕೆ ಬಂದಿದ್ದೇನೆ, ಅದುವೇ ಈ ಸೈಕಲ್. ಅಧಿಕೃತ ಸರ್ಕಾರಿ ಕಾರ್ಯಕ್ರಮವಲ್ಲ ಎಂಬ ನೆಪವೊಡ್ಡಿ ಕಾರ್ಯದರ್ಶಿ ನನಗೆ ವಾಹನ ಸೌಲಭ್ಯವನ್ನು ನಿರಾಕರಿಸಿದರು. ಅವರ ಈ ಜನವಿರೋಧಿ ನಿರ್ಧಾರವನ್ನು ಪ್ರತಿಭಟಿಸಲು ನಾನು ಆದಿಚನಲ್ಲೂರಿನಿಂದ ಕೊಲ್ಲಂವರೆಗಿನ ಸೈಕಲ್ ಮೂಲಕವೇ ಕ್ರಮಿಸಿದ್ದೇನೆ ಎಂದು ಹೇಳಿದರು.

ತಮಗೆ ಆಗಿರುವ ಅನ್ಯಾಯವನ್ನು ಎತ್ತಿ ತೋರಿಸಲು ಎಡ್ವರ್ಡ್​ ದೂರು ನೀಡಲು ಮುಂದಾಗಿದ್ದು, ಕಾರ್ಯಕ್ರಮದ ವೇದಿಕೆಯಲ್ಲೇ ಉಪಸ್ಥಿತರಿದ್ದ ರಾಜ್ಯ ಸಚಿವೆ ಬಿಂದು ಕೃಷ್ಣ ಅವರಿಗೆ ಅಧಿಕೃತವಾಗಿ ದೂರು ಪತ್ರ ಸಲ್ಲಿಸಿ ಪಚಾಯತ್​ ಕಾರ್ಯದರ್ಶಿ ಫ್ಲೋಸಿ ಲಾಸ್ ವಿರುದ್ಧ ಕಟ್ಟುನಿಟ್ಟಿನ ಶಿಸ್ತು ಕ್ರಮ ಕೈಗೊಳ್ಳುವಂತೆ ಆಗ್ರಹಿಸಿದ್ದಾರೆ (ಏಜೆನ್ಸೀಸ್​).