ನವದೆಹಲಿ: ಕೆಲ ದಿನಗಳ ಹಿಂದೆ ದೈತ್ಯ ಟೆಕ್ ಕಂಪನಿ ಎನ್ವಿಡಿಯಾ ಸಿಇಒ, ಚೀನಾ ಬೇಹುಗಾರಳ ಜೊತೆಗೆ ಹನಿಟ್ರ್ಯಾಪ್ ಆಗಿರುವ ಸಂಗತಿ ಸದ್ಯ ವಿಶ್ವದಾದ್ಯಂತ ಸಖತ್ ಟ್ರೆಂಡಿಂಗ್ನಲ್ಲಿದೆ. ಯಾವುದೇ ದೇಶದ ಪ್ರಮುಖರು ವಿದೇಶಿಗರ ಸಂಪರ್ಕದಲ್ಲಿದ್ದರೆ, ಅವರು ಅವರ, ಸಂಪರ್ಕದಲ್ಲಿರುವ ವಿದೇಶಿಯರ ಬಗ್ಗೆ ಒಮ್ಮೆ ಅನುಮಾವ ವ್ಯಕ್ತ ಪಡಿಸುವ ಮಟ್ಟಿಗೆ ಈ ಸುದ್ದಿ ಸದ್ದು ಮಾಡುತ್ತಿದೆ.
ಈಗ, ಇದೇ ವಿಷಯಕ್ಕೆ ಸಂಬಂಧಿಸಿದಂತೆ ಬಾಲಿವುಡ್ ನಟಿ ಹಾಗೂ ಬಿಜೆಪಿ ಸಂಸದೆ, ಕಂಗನಾ ರಣಾವತ್, ಕಾಂಗ್ರೆಸ್ ಅದಿನಾಯಕಿ ಹಾಗೂ ಮಾಜಿ ಪ್ರಧಾನಿ ರಾಜೀವ್ ಗಾಂಧಿ ಪತ್ನಿ ಸೋನಿಯಾ ಗಾಂಧಿ ಮೇಲೆ ಕೆಲ ಗಂಭೀರ ಅನುಮಾನವನ್ನು ವ್ಯಕ್ತಪಡಿಸಿದ್ದಾರೆ.
ತಮ್ಮ ಇನ್ಸ್ಟಾಗ್ರಾಂ ಸ್ಟೋರಿಯಲ್ಲಿ, ಈ ಬಗ್ಗೆ ಬರೆದುಕೊಂಡಿರುವ ಕಂಗನಾ ರಣಾವತ್, ಸದ್ಯ ಎಲ್ಲರೂ, ಎನ್ವಿಡಿಯಾ ಕಂಪನಿಯ ಹನಿಟ್ರ್ಯಾಪ್ ಬಗ್ಗೆ ಮಾತನಾಡುತ್ತಿದ್ದಾರೆ. ಆದರೆ, ನಾನು 'ಎಮರ್ಜೆನ್ಸಿ' ಸಿನಿಮಾ ಮಾಡುವಾಗ, ಗಾಂಧಿ ಪರಿವಾರದ ಬಗ್ಗೆ ಅಧ್ಯಯನ ನಡೆಸಿದಾಗ, ಒಬ್ಬ ವಿದೇಶಿ ಮಹಿಳೆ ಆಗಮನದಿಂದ ಏನೇನು ನಡೆದು ಹೋಯಿತು? ಈ ಮಹಿಳೆ ಆ ಮನೆಯೆ ಹೇಗೆ ಸೋಸೆಯಾದಳು ಎನ್ನುವುದು ನನಗೆ ಇಂದಿಗೂ ಅರ್ಥವಾಗಿಲ್ಲವೆಂದು ಕಂಗನಾ, ಸೋನಿಯಾ ಗಾಂಧಿಯನ್ನು ಕೆಣಕಿದ್ದಾರೆ.
ಆ, ವಿದೇಶಿ ಮಹಿಳೆ ಪ್ರವೇಶವಾದ ಕೆಲವೇ ವರ್ಷದಲ್ಲಿ, ಇಂದಿರಾ ಗಾಂಧಿ ಕೊಲೆಯಾಯಿತು. ಸಂಜಯ್ ಗಾಂಧಿ ಹಾಗೂ ರಾಜೀವ್ ಗಾಂಧಿ ಅಂತಹ ಉತ್ತರಾಧಿಕಾರಿಗಳ ದಿಢೀರ್ ಸಾವು ಸಂಭವಿಸಿ, ಆ ಸ್ಥಾನಕ್ಕೆ ಸಹಾನುಭೂತಿಯ ಆಧಾರದ ಮೇಲೆ ಆಯ್ಕೆ ಮಾಡಬಹುದಾದ ಏಕೈಕ ವ್ಯಕ್ತಿ ಉಳಿದುಕೊಂಡರು: ಅವರೇ ಸೋನಿಯಾ ಗಾಂಧಿ ಎಂಬ ವಿದೇಶಿ ಪ್ರಜೆ ಎಂದು ಕಂಗನಾ ಬರೆದುಕೊಂಡಿದ್ದಾರೆ.
ನಂತರ 2004 ರಿಂದ 2014 ರ ವೆರೆಗೆ ವಿದೇಶಿ ಪ್ರೊಪಗಾಂಡವನ್ನು ಭಾರತದಲ್ಲಿ ಭಿತ್ತಿ, ಭಯೋತ್ಪಾದಕರ ಸಾವಿಗೆ ಮೊಸಳೆ ಕಣ್ಣೀರು ಸುರಿಸುತ್ತಾ ಅಧಿಕಾರ ಅನುಭವಿಸಿದರು. ಆಮೇಲೆ 2014 ರಲ್ಲಿ ಭಾರತೀಯ ಜನತಾ ಪಾರ್ಟಿ ಅಧಿಕಾರಕ್ಕೆ ಬಂದಿತು. ಆದರೆ, ಈ ವಿದೇಶಿ ಮಹಿಳೆ, ಹಾಗೂ ಆ ಕುಟುಂಬದ ಜತೆ ನಡೆದ ಘಟನೆಗಳೆಲ್ಲಾ ಕಾಕತಾಳಿಯ ಎನ್ನಲು ಸಾಧ್ಯವೇ?ದಶಕಗಳ ವೆರೆಗೆ ಈ ವಿದೇಶಿ ಮಹಿಳೆ ದೇಶದ ಆಡಳಿತವನ್ನು ತನ್ನ ಕೈಯಲ್ಲಿ ಸ್ಥಾಪಿಸಿಕೊಂಡಿದ್ದಳೆಂದು ಸೋನಿಯಾ ಗಾಂಧಿ ಬಗ್ಗೆ ಸಂಸದೆ ಕಂಗನಾ ಗಾಢ ಅನುಮಾನವನ್ನು ಹೊರಹಾಕಿದ್ದಾರೆ, (ಏಜೆನ್ಸೀಸ್).