ನವದೆಹಲಿ: ಕಳೆದ 3 ದಿನಗಳಿಂದ ಆಗಿರುವ ಇಂಡಿಗೋ ವಿಮಾನಗಳ(IndiGo flight) ಅವ್ಯವಸ್ಥೆ ಬಗ್ಗೆ ಇಂದು(ಡಿ. 05) ರಾಜ್ಯಸಭೆಯಲ್ಲಿ ಕಾಂಗ್ರೆಸ್ ಸಂಸದ ಪ್ರಮೋದ್ ತಿವಾರಿ ಪ್ರಸ್ತಾಪಿಸಿದ್ದು, ವಿಮಾನಯಾನ ಸಂಸ್ಥೆಯ ಏಕಸ್ವಾಮ್ಯ ಸಂಸದರು ಮತ್ತು ಸಾಮಾನ್ಯ ನಾಗರಿಕರ ಮೇಲೆ ಅದರ ಪರಿಣಾಮದ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ.
ಶೂನ್ಯ ವೇಳೆಯಲ್ಲಿ ಈ ವಿಷಯವನ್ನು ಪ್ರಸ್ತಾಪಿಸಿದ ತಿವಾರಿ, ವಿಮಾನಗಳ ರದ್ದತಿಗಳ ಬಗ್ಗೆ ಸದನದಲ್ಲಿ ಕಳವಳ ವ್ಯಕ್ತಪಡಿಸಿದ, ಈ ನನ್ನ ಮಾತನ್ನು ನೀವು ಒಪ್ಪುತ್ತೀರಿ. ಇಂಡಿಗೋ ಎಂಬ ಒಂದು ವಿಮಾನಯಾನ ಸಂಸ್ಥೆ ನಿನ್ನೆ ಮತ್ತು ಬುಧವಾರ 500 ವಿಮಾನಗಳನ್ನು ರದ್ದುಗೊಳಿಸಿದೆ. ನಾನು ಪ್ರಸ್ತುತ ಸಮಸ್ಯೆಯನ್ನು ಎತ್ತುತ್ತಿದ್ದೇನೆ. ಶುಕ್ರವಾರ ಮನೆಗೆ ಮರಳಲು ಮತ್ತು ಸೋಮವಾರ ಹಿಂತಿರುಗಲು ಅನೇಕ ಸದಸ್ಯರು ವಿಮಾನ ಟಿಕೆಟ್ ಬುಕ್ ಮಾಡಿದ್ದರು, ಆದರೆ ಈಗ ತೊಂದರೆಗಳನ್ನು ಎದುರಿಸುತ್ತಿದ್ದಾರೆ ಎಂದು ಗಮನಸೆಳೆದರು.
ಒಂದು ವಿಮಾನಯಾನ ಸಂಸ್ಥೆಯ ಏಕಸ್ವಾಮ್ಯದಿಂದಾಗಿ ಈ ಸಮಸ್ಯೆ ಉದ್ಭವಿಸಿದೆ. ಈ ನಿಯಮವನ್ನು ರೂಪಿಸಿದ ಉಸ್ತುವಾರಿ ಸಚಿವರನ್ನು ನಿಮ್ಮ ಮೂಲಕ ವಿನಂತಿಸುತ್ತೇನೆ. ಸಮಸ್ಯೆಯನ್ನು ಯಾವಾಗ ಪರಿಹರಿಸಲಾಗುವುದು ಎಂಬುದನ್ನು ಸದನಕ್ಕೆ ತಿಳಿಸಿ. ಈ ಬಗ್ಗೆ ಸರ್ಕಾರ ಏನು ಕ್ರಮಕೈಗೊಂಡಿದೆ ಎಂದು ಪ್ರಶ್ನಿಸಿದ್ದಾರೆ.
ಸಂಸದ ತಿವಾರಿ ಪ್ರಶ್ನೆಗೆ ಉತ್ತರಿಸಿದ ಸಚಿವ ಕಿರಣ್ ರಿಜಿಜು, ಸರ್ಕಾರ ಈ ವಿಷಯವನ್ನು ಪರಿಶೀಲಿಸುತ್ತಿದೆ. ಸದನಕ್ಕೆ ಬರುವ ಮೊದಲು, ನಾನು ನಾಗರಿಕ ವಿಮಾನಯಾನ ಸಚಿವರೊಂದಿಗೆ ಮಾತನಾಡಿದೆ. ವಿಮಾನಯಾನ ಸಂಸ್ಥೆ ಎದುರಿಸುತ್ತಿರುವ ತಾಂತ್ರಿಕ ಸಮಸ್ಯೆಗಳನ್ನು ಸರ್ಕಾರ ಪರಿಗಣಿಸುತ್ತಿದೆ. ಸಂಬಂಧಪಟ್ಟ ಸದಸ್ಯರು ಸದನದಲ್ಲಿ ಈ ವಿಷಯವನ್ನು ಎತ್ತುವುದರಿಂದ ಪ್ರತಿಕ್ರಿಯೆಯನ್ನು ಸಿದ್ಧಪಡಿಸುವಂತೆ ನಾಗರಿಕ ವಿಮಾನಯಾನ ಸಚಿವರಿಗೆ ಹೇಳಿದ್ದೇನೆ. ಸದನಕ್ಕೆ ಮತ್ತು ನಾಗರಿಕರಿಗೆ ಸಚಿವರು ಮಾಹಿತಿ ನೀಡುತ್ತಾರೆ ಎಂದು ಹೇಳಿದ್ದಾರೆ (ಏಜೆನ್ಸೀಸ್).