ಭಾರತೀಯರು ಬೇರೆ ದೇಶದವರ ಸೇವೆಗೆ ಬಳಕೆಯಾಗುತ್ತಿದ್ದಾರೆ: ಸ್ಯಾಮ್ ಪಿತ್ರೋಡಾ ವಿವಾದಾತ್ಮಕ ಹೇಳಿಕೆ; ತಿರುಗೇಟು ನೀಡಿದ ಬಿಜೆಪಿ | Sam Pitroda

ನವದೆಹಲಿ: ಭಾರತೀಯರು ಪ್ರಪಂಚದ ಇತರ ದೇಶದವರ ಸೇವೆಗಾಗಿ ಬಳಕೆಯಾಗುತ್ತಿದ್ದಾರೆ ಎಂದು ಸಾಗರೋತ್ತರ ಕಾಂಗ್ರೆಸ್​ನ ಮುಖ್ಯಸ್ಥ ಸ್ಯಾಮ್​ ಪಿತ್ರೋಡಾ (Sam Pitroda) ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ.

ಭಾರತೀಯ ತಂತ್ರಜ್ಞಾನ ಕ್ಷೇತ್ರದ ಬಗ್ಗೆ ಮಾತನಾಡುತ್ತಾ, ಭಾರತದಲ್ಲಿ ಸುಮಾರು 1.5 ಬಿಲಿಯಲ್​ ಜನರಿದ್ದಾರೆ, ಆದರೆ ನಮಗೇ ಇಲ್ಲಿಯ ತನಕ ನಮ್ಮದೇ ಆದ ಒಂದು ಆಪರೇಟಿಂಗ್​ ಸಿಸ್ಟಮ್​ನ್ನು ತಯಾರಿಸಲು ಸಾಧ್ಯವಾಗಿಲ್ಲ ಎಂದು ಅವರು ಹೇಳಿದ್ದಾರೆ.

ಖಾಸಗಿ ಯೂಟ್ಯೂಬ್ ಚಾನೆಲ್‌ಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿದ ಕಾಂಗ್ರೆಸ್​ನ ಹಿರಿಯ ನಾಯಕ, ಭಾರತ ಕೇವಲ ಬುದ್ಧಿವಂತರನ್ನು ತಯಾರಿಸುವ ಕಾರ್ಖಾನೆಯಾಗಿದೆ, ಆದರೆ ಅವರ ಬುದ್ಧಿವಂತಿಕೆಯನ್ನು ಬಳಸಿಕೊಂಡು ಆವಿಷ್ಕಾರ ಮಾಡುವುದರಲ್ಲಿ ಸಂಪೂರ್ಣ ವಿಫಲವಾಗಿದೆ ಎಂದರು.

ಭಾರತದ ಕೇವಲ ಕಚ್ಚಾ ಪ್ರತಿಭೆಗಳನ್ನು ತಯಾರಿಸುತ್ತಿದ್ದು, ಇವರು ಅಂತಿಮವಾಗಿ ವಿಶ್ವದ ಬ್ಯಾಂಕಿಂಗ್​, ಪ್ರೋಗ್ರಾಮಿಂಗ್​, ಉದ್ಯಮ, ಉತ್ಪಾನೆ, ಕಾನೂನು ಕ್ಷೇತ್ರದಲ್ಲಿ ದುಡಿದು ಆ ದೇಶದ ಉನ್ನತಿಗಾಗಿ ಕೆಲಸ ಮಾಡುವಂತಾಗಿದೆ ಎಂದು ಹೇಳಿದರು.

ಸ್ಯಾಮ್​ ಪಿತ್ರೋಡಾ ಅವರ ಈ ಹೇಳಿಕೆ ವೈರಲ್​ ಆಗುತ್ತಿದ್ದಂತೆ, ಬಿಜೆಪಿ ಕಡೆಯಿಂದ ತೀಕ್ಷ ಪ್ರತಿಕ್ರಿಯೆಗಳು ಬರಲಾರಂಭಿಸಿದ್ದು, ಎಐ ಸಮಿತ್​ನಲ್ಲಿ ಅರೆಬೆತ್ತಲ ಪ್ರದರ್ಶನ ನಂತರ ಈದೀಗ ಲಷ್ಕರ್ ಇ ಕಾಂಗ್ರೆಸ್​ನ ಸಲಹೆಗಾರ ಮತ್ತೆ ನಾಲಿಗೆ ಹರಿಬಿಟ್ಟಿದ್ದಾನೆ. ಜಾಗತಿಕ ವೇದಿಕೆಗಳಲ್ಲಿ ಭಾರತದ ಹೆಸರನ್ನು ಹಾಳು ಮಾಡುವುದೇ ಕಾಂಗ್ರೆಸ್​ ಮತ್ತು ಈ ಸ್ಯಾಮ್​ ಪಿತ್ರೋಡಾನ ಖಯಾಲಿಯಾಗಿದೆ ಎಂದು ಬಿಜೆಪಿ ವಕ್ತಾರ ಶೆಹಜಾದ್​ ಪೂನಾವಾಲಾ ತಮ್ಮ ಎಕ್ಸ್​(ಟ್ವಿಟರ್​) ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.