2 ಗಂಟೆ, 508 ಕಿ.ಮೀ! ಈ ದಿನಾಂಕದಂದು ಭಾರತದಲ್ಲಿ ಸಂಚರಿಸಲಿದೆ ಮೊದಲ ಬುಲೆಟ್​ ರೈಲು

ಜನರ ಸೇವಗೆ ಸಿದ್ಧವಾಗಿರುವ ಬುಲೆಟ್ ರೈಲು, 2027ರಲ್ಲಿ ಭಾರತದಲ್ಲಿ ಸಂಚಾರ ನಡೆಸಲಿದೆ ಎಂದು ಕೇಂದ್ರ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಅಧಿಕೃತವಾಗಿ ಘೋಷಿಸಿದರು. "ಆಗಸ್ಟ್ 15, 2027ರಂದು ಭಾರತದ ಮೊದಲ ಬುಲೆಟ್ ರೈಲು ಸಿದ್ಧವಾಗಲಿದೆ. ಆರಂಭದಲ್ಲಿ ಸೂರತ್​ನಿಂದ ಬಿಲಿಮೋರಾಗೆ ಸೇವೆಗಳು ಶುರುವಾಗಲಿದ್ದು, ನಂತರದಲ್ಲಿ ವಾಪಿಯಿಂದ ಸೂರತ್​, ಅಹಮದಾಬಾದ್​, ಥಾಣೆಯಿಂದ ಅಹಮದಾಬಾದ್​ಗೆ. ಅಂತಿಮವಾಗಿ, ಮುಂಬೈನಿಂದ ಅಹಮದಾಬಾದ್​ಗೆ ಸೇವೆಗಳು ಇರಲಿವೆ" ಎಂದು ತಿಳಿಸಿದರು.

"ನೀವು ಈಗ ಬುಲೆಟ್ ರೈಲಿಗೆ ಟಿಕೆಟ್ ಖರೀದಿಸಬಹುದು. ಅದು 2027ರ ವೇಳೆಗೆ ಸೇವೆಗೆ ಬರಲಿದೆ" ಎಂದು ಅಶ್ವಿನಿ ವೈಷ್ಣವ್ ನಗೆ ಚಟಾಕಿ ಹಾರಿಸಿದರು. ಈ ಪ್ರಾಜೆಕ್ಟ್​ ಅಂತಿಮವಾಗಿ 508 ಕಿಮೀ ಮುಂಬೈ-ಅಹಮದಾಬಾದ್ ಹೈಸ್ಪೀಡ್ ರೈಲು ಕಾರಿಡಾರ್​ಗೆ ಸಾಕ್ಷಿಯಾಗಲಿದೆ. ಗಂಟೆಗೆ 320 ಕಿ.ಮೀ ವೇಗದಲ್ಲಿ ಚಲಿಸುವ ಈ ಬುಲೆಟ್​ ರೈಲು, 2 ಗಂಟೆಯ ಅವಧಿಯಲ್ಲಿ ಬರೋಬ್ಬರಿ 508 ಕಿ.ಮೀ ಕ್ರಮಿಸಲಿದೆ.

ಬುಲೆಟ್ ರೈಲು ಮುಂಬೈನಿಂದ ಅಹಮದಾಬಾದ್​ಗೆ 1 ಗಂಟೆ 58 ನಿಮಿಷಗಳಲ್ಲಿ ಕ್ರಮಿಸಲಿದೆ, ಅದು ನಾಲ್ಕು ನಿಲ್ದಾಣಗಳ ನಿಲ್ಲುಗಡೆಯನ್ನು ಆಧರಿಸಿ. ಎಲ್ಲಾ 12 ಸ್ಟೇಷನ್​ಗಳಲ್ಲಿ ನಿಂತರೆ, ಪ್ರಯಾಣದ ಸಮಯವು 2 ಗಂಟೆ 17 ನಿಮಿಷಕ್ಕೆ ತಲುಪಲಿದೆ. ರೈಲಿನ ಮಾರ್ಗದ ಕೆಲಸ ಈಗಾಗಲೇ ಪೂರ್ಣಗೊಂಡಿದ್ದು, ಭೂಸ್ವಾಧೀನ, ಸುರಂಗ ನಿರ್ಮಾಣ, ಸ್ಟೇಷನ್​ ನಿರ್ಮಾಣ ಮತ್ತು ವಿದ್ಯುದ್ದೀಕರಣ ಕಾರ್ಯಗಳು ಏಕಕಾಲದಲ್ಲಿ ನಡೆಯುತ್ತಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ,(ಏಜೆನ್ಸೀಸ್).