'ನಾವು ಓಡಿಹೋಗುತ್ತೇವೆ ಅಂತ ಅಂದುಕೊಂಡಿದ್ದೆ' ಮದುವೆಯ ಸೀಕ್ರೆಟ್ ಬಿಚ್ಚಿಟ್ಟ ಕೀರ್ತಿ ಸುರೇಶ್...keerthy suresh

ಹೈದಾರಾಬಾದ್​: ( keerthy suresh ) ನಟಿ ಕೀರ್ತಿ ಸುರೇಶ್ ಪತಿ ಆಂಟನಿ ತಟ್ಟಿಲ್ ಅವರೊಂದಿಗೆ ಸೇರಿ ತಮ್ಮ ಕೊಚ್ಚಿ ಮನೆಯ ಹೋಮ್ ಟೂರ್ ವಿಡಿಯೋ ಮಾಡಿದ್ದಾರೆ. ಈ ವೇಳೆ ತಮ್ಮ ದೀರ್ಘಕಾಲದ ಪ್ರೀತಿ ಮತ್ತು ಮದುವೆಯ ಸುಂದರ ನೆನಪುಗಳನ್ನು ಬಿಚ್ಚಿಟ್ಟಿದ್ದಾರೆ.

ಕೀರ್ತಿ ಮತ್ತು ಆಂಟನಿ ಅವರ ಸಂಬಂಧ ಶಾಲಾ ದಿನಗಳಲ್ಲೇ ಆರಂಭವಾಗಿತ್ತು. ಸುಮಾರು 15 ವರ್ಷಗಳ ಕಾಲ ಪರಸ್ಪರ ಪ್ರೀತಿಸುತ್ತಿದ್ದ ವೇಳೆ ಕುಟುಂಬ ಸದಸ್ಯರು ಮದುವೆಗೆ ಒಪ್ಪದಿದ್ದರೆ ಮನೆ ಬಿಟ್ಟು ಮದುವೆಯಾಗಲು ನಿರ್ಧರಿಸಿದ್ದೇವು ಎಂದು ಮದ್ವೆ ನಂತರ ಬಹಿರಂಗಪಡಿಸುವ ಮೂಲಕ ಅಭಿಮಾನಿಗಳನ್ನು ಅಚ್ಚರಿಗೊಳಿಸಿದ್ದಾರೆ.

2024ರ ಡಿಸೆಂಬರ್‌ನಲ್ಲಿ ಗೋವಾದಲ್ಲಿ ಹಿಂದೂ ಮತ್ತು ಕ್ರಿಶ್ಚಿಯನ್ ಸಂಪ್ರದಾಯದಂತೆ ಇವರ ಮದುವೆ ಅದ್ದೂರಿಯಾಗಿ ನೆರವೇರಿತ್ತು.

ಮದುವೆಯ ಬಗ್ಗೆ ಮಾತನಾಡಿದ ಕೀರ್ತಿ, "ನಾವು 15 ವರ್ಷಗಳಿಂದ ಪ್ರೀತಿಸುತ್ತಿದ್ದೇವೆ. ಆದರೆ ನಮ್ಮ ಮದುವೆ ಇಷ್ಟು ಅದ್ಧೂರಿಯಾಗಿ ಮತ್ತು ಎಲ್ಲರ ಆಶೀರ್ವಾದದೊಂದಿಗೆ ನಡೆಯುತ್ತದೆ ಎಂದು ನಾವು ಎಂದಿಗೂ ನಿರೀಕ್ಷಿಸಿರಲಿಲ್ಲ. ಹಿರಿಯರು ಒಪ್ಪದಿದ್ದರೆ ಮದುವೆಯಾಗುವ ಬಗ್ಗೆಯೂ ಯೋಚಿಸಿದ್ದೇವು. ಆದರೆ ಕೊನೆಗೆ ನಮ್ಮ ಕುಟುಂಬ ಸದಸ್ಯರು ನಮ್ಮ ಪ್ರೀತಿಯನ್ನು ಅರ್ಥಮಾಡಿಕೊಂಡು ಒಪ್ಪಿಕೊಂಡರು, ಆದ್ದರಿಂದ ನಮ್ಮ ಮದುವೆಯನ್ನು ಗೋವಾದಲ್ಲಿ ಎಲ್ಲರ ಸಮ್ಮುಖದಲ್ಲಿ ಆಚರಿಸಲಾಯಿತು" ಎಂದು ಹೇಳಿದರು.

ಮನೆಯಲ್ಲಿ ಒಪ್ಪುವುದಿಲ್ಲವೇನೋ ಎಂಬ ಭಯವಿತ್ತು. ಹೀಗಾಗಿ ನಾವಿಬ್ಬರೂ ಓಡಿಹೋಗಿ ಮದುವೆಯಾಗೋಣ ಎಂದು ಪ್ಲಾನ್ ಮಾಡಿಕೊಂಡಿದ್ದೆವು. ಆದರೆ ತಂದೆಯ ಬಳಿ ಈ ವಿಷಯ ಪ್ರಸ್ತಾಪಿಸಿದಾಗ ಅವರು ಬಹಳ ಸುಲಭವಾಗಿ ಒಪ್ಪಿಗೆ ಸೂಚಿಸಿದರು. ಇದು ನಮಗೆ ಅಚ್ಚರಿ ಮತ್ತು ಸಂತಸ ತಂದಿತ್ತು ಎಂದು ಕೀರ್ತಿ ಹೇಳಿದ್ದಾರೆ.

ತಮ್ಮ ಮದುವೆಯ ಭಾವನಾತ್ಮಕ ಕ್ಷಣಗಳನ್ನು ನೆನಪಿಸಿಕೊಳ್ಳುತ್ತಾ ಕೀರ್ತಿ, ಯಾವಾಗಲೂ ತುಂಬಾ ಧೈರ್ಯಶಾಲಿಯಾಗಿದ್ದ ತನ್ನ ಪತಿ ಆಂಟನಿ ತಾಳಿ ಕಟ್ಟುವಾಗ ಕಣ್ಣೀರು ಸುರಿಸಿದರು ಎಂದು ಹೇಳಿದರು. ಅವರ ಕಣ್ಣಲ್ಲಿ ನೀರು ಬರುವುದನ್ನು ನೋಡಿ ನಾನು ಕೂಡ ಭಾವುಕನಾದೆ. ನಮ್ಮ 15 ವರ್ಷಗಳ ಕಾಯುವಿಕೆ ಕೇವಲ 30 ಸೆಕೆಂಡುಗಳ ಮಂಗಳಸೂತ್ರ ಧರಿಸುವುದರೊಂದಿಗೆ ಸುಂದರವಾದ ಬಂಧವಾಗಿ ಬದಲಾಯಿತು. ಆ ಕ್ಷಣ ಕನಸು ನನಸಾದಂತೆ ಭಾಸವಾಯಿತು, ಮಾತುಗಳೇ ಹೊರಡಲಿಲ್ಲ ಎಂದುತಮ್ಮ ಸಂತೋಷವನ್ನು ವ್ಯಕ್ತಪಡಿಸಿದರು.

ಮದುವೆಯ ವೇಳೆ ತಾಳಿ ಕಟ್ಟುವ ಕ್ಷಣದಲ್ಲಿ ಕೀರ್ತಿ ಮತ್ತು ಆಂಟನಿ ಇಬ್ಬರೂ ಭಾವುಕರಾಗಿ ಕಣ್ಣೀರು ಹಾಕಿದ್ದನ್ನು ಅವರು ನೆನಪಿಸಿಕೊಂಡಿದ್ದಾರೆ.

ಪ್ರಸ್ತುತ, ಕೀರ್ತಿ ಸುರೇಶ್ ತಮ್ಮ ವೈವಾಹಿಕ ಜೀವನವನ್ನು ಆನಂದಿಸುತ್ತಿದ್ದಾರೆ ಮತ್ತು ಸರಣಿ ಚಲನಚಿತ್ರಗಳೊಂದಿಗೆ ತಮ್ಮ ವೃತ್ತಿಜೀವನದಲ್ಲಿ ಮುಂದುವರಿಯುತ್ತಿದ್ದಾರೆ.