ಬಂಗಾರ, ಬೆಳ್ಳಿ ಬೆಲೆಯಲ್ಲಿ ಭಾರೀ ಕುಸಿತ: ಆಭರಣ ಪ್ರಿಯರಿಗೆ ಬಂಪರ್..!
ನವದೆಹಲಿ: ದೇಶದ ರಾಜಧಾನಿಯಲ್ಲಿ ಇಂದು ಅಮೂಲ್ಯ ಲೋಹಗಳ(Gold-Silver Price) ಬೆಲೆ ಶೇಕಡಾ 2 ರಷ್ಟು ಇಳಿಕೆಯಾಗುವ ಮೂಲಕ ಹೂಡಿಕೆದಾರರಲ್ಲಿ ಆಶ್ಚರ್ಯ ಮೂಡಿಸಿದೆ. ಜಾಗತಿಕ ಮಾರುಕಟ್ಟೆಯ ದುರ್ಬಲ ಸಂಕೇತಗಳು ಮತ್ತು ಸ್ಥಳೀಯ ಜ್ಯುವೆಲ್ಲರ್ಸ್ಗಳಿಂದ ಬೇಡಿಕೆ ಕುಸಿದ ಹಿನ್ನೆಲೆಯಲ್ಲಿ ಬೆಳ್ಳಿಯ ಬೆಲೆ ಪ್ರತಿ ಕೆಜಿಗೆ ₹2.45 ಲಕ್ಷಕ್ಕೆ ಕುಸಿದಿದ್ದರೆ, ಚಿನ್ನದ ಬೆಲೆ 10 ಗ್ರಾಂಗೆ ₹1.57 ಲಕ್ಷಕ್ಕೆ ಇಳಿಕೆಯಾಗಿದೆ.
ಬೆಳ್ಳಿಯ ದರದಲ್ಲಿ ₹5,000 ಕಡಿತ
ಆಲ್ ಇಂಡಿಯಾ ಸರಾಫಾ ಅಸೋಸಿಯೇಷನ್ ನೀಡಿದ ಮಾಹಿತಿಯ ಪ್ರಕಾರ, ಕೈಗಾರಿಕಾ ಘಟಕಗಳಿಂದ ಬೇಡಿಕೆ ಕಡಿಮೆಯಾದ ಕಾರಣ ಬೆಳ್ಳಿಯ ಬೆಲೆ ಪ್ರತಿ ಕೆಜಿಗೆ ₹5,000 (ಶೇ. 2) ಇಳಿಕೆಯಾಗಿದೆ. ಸೋಮವಾರ ₹2,50,000 ಕ್ಕೆ ಸ್ಥಗಿತಗೊಂಡಿದ್ದ ಬೆಳ್ಳಿ, ಇಂದು ₹2,45,000 ಕ್ಕೆ ತಲುಪಿದೆ. ಈ ದಿಢೀರ್ ಕುಸಿತವು ಬೆಳ್ಳಿ ಆಭರಣ ಪ್ರಿಯರಿಗೆ ತುಸು ಸಮಾಧಾನ ತಂದಿದೆ.
ಚಿನ್ನದ ಬೆಲೆಯಲ್ಲೂ ಗಣನೀಯ ಇಳಿಕೆ
ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಡಾಲರ್ ಬಲವರ್ಧನೆಯಿಂದಾಗಿ ಚಿನ್ನದ ಮೇಲಿನ ಹೂಡಿಕೆ ಕಡಿಮೆಯಾಗಿದೆ.
99.9% ಶುದ್ಧತೆಯ ಚಿನ್ನ: 10 ಗ್ರಾಂಗೆ ₹2,200 (ಶೇ. 1.4) ರಷ್ಟು ಇಳಿಕೆಯಾಗಿದ್ದು, ₹1,57,000 ಕ್ಕೆ ಮಾರಾಟವಾಗುತ್ತಿದೆ. ನಿನ್ನೆ ಇದರ ಬೆಲೆ ₹1,59,200 ರಷ್ಟಿತ್ತು.
99.5% ಶುದ್ಧತೆಯ ಚಿನ್ನ: ಇದೂ ಕೂಡ 10 ಗ್ರಾಂಗೆ ₹2,200 ರಷ್ಟು ಇಳಿಕೆ ಕಂಡು ₹1,56,250 ಕ್ಕೆ ತಲುಪಿದೆ.
ಬೆಲೆ ಇಳಿಕೆಗೆ ಕಾರಣಗಳೇನು..?
ಮಾರುಕಟ್ಟೆ ತಜ್ಞರ ಪ್ರಕಾರ, ಅಮೆರಿಕದ ಫೆಡರಲ್ ರಿಸರ್ವ್ನ ಬಡ್ಡಿದರ ನೀತಿಗಳಲ್ಲಿನ ಬದಲಾವಣೆ ಮತ್ತು ಜಾಗತಿಕವಾಗಿ ಸೇಫ್ ಹೆವನ್ ಬೇಡಿಕೆ ಕಡಿಮೆಯಾಗಿರುವುದು ಬೆಲೆ ಇಳಿಕೆಗೆ ಮುಖ್ಯ ಕಾರಣವಾಗಿದೆ. ಅಲ್ಲದೆ, ಫೆಬ್ರವರಿ ತಿಂಗಳ ಬಜೆಟ್ ನಂತರ ಮಾರುಕಟ್ಟೆಯಲ್ಲಿ ಕಂಡುಬಂದ ಲಾಭ ವಸೂಲಿಯೂ ಇದಕ್ಕೆ ಕಾರಣವಾಗಿದೆ,(ಏಜೆನ್ಸೀಸ್).