ಮದುವೆ ರದ್ದಾಗಿದ್ದಕ್ಕೆ ವಿಕೃತ ಸೇಡು: ಪ್ರೇಯಸಿಗೆ 'HIV' ಸೋಂಕಿತ ರಕ್ತ ಚುಚ್ಚಿದ ಪಾಗಲ್ ಪ್ರೇಮಿ! HIV infected blood

ತನಿಖಾಧಿಕಾರಿಗಳ ಪ್ರಕಾರ, ಆರೋಪಿ ಮತ್ತು ಸಂತ್ರಸ್ತೆಯ ಸಂಬಂಧಿಕರಾಗಿದ್ದು, ಅವರ ಕುಟುಂಬಗಳು ಮೊದಲೇ ಅವರ ಮದುವೆಯನ್ನು ಏರ್ಪಡಿಸಿದ್ದರು. ಇದಾದ ಕೆಲವು ದಿನಗಳ ನಂತರ ಆರೋಪಿ ಎಚ್​ಐವಿ ಸೋಂಕು ಇರುವುದನ್ನು ಕುಟುಂಬಸ್ಥರು ಪತ್ತೆಹಚ್ಚಿದ್ದಾರೆ. ಇದರಿಂದಾಗಿ ಮದುವೆ ಪ್ರಸ್ತಾಪಗಳನ್ನು ರದ್ದುಗೊಳಿಸಲು ನಿರ್ಧರಿಸಿದ್ದಾರೆ.

ಈ ನಿರ್ಧಾರದಿಂದ ಕೋಪಗೊಂಡ ಯುವಕನು, ಯುವತಿಯ ಕುಟುಂಬಕ್ಕೆ ಬುದ್ದಿ ಕಲಿಸಬೇಕೆಂದು ತೀರ್ಮಾನಿಸಿ , ಆಕೆಯ ದೇಹಕ್ಕೆ ವೈರಸ್​ ಸೋಂಕಿತ ರಕ್ತವನ್ನು ಬಲವಂತವಾಗಿ ಸೇರಿಸಿದ್ದಾನೆ. ಆದಾಗ್ಯೂ, ಮಹಿಳೆಗೂ ಸೋಂಕು ತಗುಲಿದರೆ, ಆತನನ್ನೇ ಮದುವೆಯಾಗಿ ಇರಬೇಕಾಗುತ್ತದೆ ಎಂದು ಯೋಚಿಸಿ ಈ ಕೃತ್ಯ ಎಸಗಿದ್ದಾನೆ ಎಂದು ಪೊಲೀಸರು ಮಾಹಿತಿ ಹಂಚಿಕೊಂಡಿದ್ದಾರೆ.

ಘಟನೆಯ ನಂತರ ಮಹಿಳೆಯ ತಂದೆ ಆರೋಪಿ ವಿರುದ್ಧ ಪೋಚಾರಂ ಐಟಿ ಕಾರಿಡಾರ್ ಪೊಲೀಸರಲ್ಲಿ ದೂರು ದಾಖಲಿಸಿದ್ದಾರೆ. ಅಧಿಕಾರಿಗಳು ಆತನ ವಿರುದ್ಧ ಕೊಲೆ ಯತ್ನದ ಆರೋಪದ ಮೇಲೆ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿರುವುದಾಗಿ ತಿಳಿಸಿದ್ದಾರೆ.

ಯುವತಿಗೆ ಪ್ರಸ್ತುತ ವೈದ್ಯಕೀಯ ಚಿಕಿತ್ಸೆ ನೀಡಲಾಗುತ್ತಿದ್ದು, ವೈದ್ಯರು ಆಕೆಯ ಸ್ಥಿತಿಯನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಈ ಘಟನೆಯು ಸ್ಥಳೀಯವಾಗಿ ಆಕ್ರೋಶವನ್ನು ಹುಟ್ಟುಹಾಕಿದ್ದು, ಸೇಡಿನ ಮೂಲಕ ನಡೆಯುವ ಹಿಂಸಾಚಾರದ ಗಂಭೀರ ಪರಿಣಾಮಗಳು ಮತ್ತು ಆರೋಗ್ಯ ಸಂಬಂಧಿತ ಕಳಂಕವನ್ನು ಒಳಗೊಂಡ ಪ್ರಕರಣಗಳಲ್ಲಿ ಜಾಗೃತಿ ಮತ್ತು ಅಗತ್ಯವನ್ನು ಎತ್ತಿ ತೋರಿಸಿದೆ (ಏಜೆನ್ಸೀಸ್​).