ರಾಹುಲ್ ಗಾಂಧಿ: ಉತ್ತರಾಖಂಡದ ಡೆಹ್ರಾಡೂನ್ನಲ್ಲಿ ನಡೆದ ತ್ರಿಪುರಾ ವಿದ್ಯಾರ್ಥಿಯ ಹತ್ಯೆ ಒಂದು ಭೀಕರ ದ್ವೇಷ ಅಪರಾಧ ಎಂದು ಲೋಕಸಭೆಯ ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ (Rahul Gandhi) ಹೇಳಿದ್ದಾರೆ.
ಡಿಸೆಂಬರ್ 9 ರಂದು ಡೆಹ್ರಾಡೂನ್ನಲ್ಲಿ ಜನಾಂಗೀಯ ನಿಂದನೆಗೆ ಆಕ್ಷೇಪ ವ್ಯಕ್ತಪಡಿಸಿದ ನಂತರ ತ್ರಿಪುರಾದ ನಂದನ್ನಗರದ 24 ವರ್ಷದ ಏಂಜೆಲ್ ಚಕ್ಮಾ ಅವರ ಮೇಲೆ ಆರು ಜನರು ಹಲ್ಲೆ ನಡೆಸಿದರು. ಡಿಸೆಂಬರ್ 26 ರಂದು ಚಿಕಿತ್ಸೆ ಪಡೆಯುತ್ತಿರುವಾಗ ಅವರು ಗಾಯಗಳಿಂದ ನಿಧನರಾದರು. ದ್ವೇಷ ಎನ್ನುವುದು ರಾತ್ರೋರಾತ್ರಿ ಕಾಣಿಸಿಕೊಳ್ಳುವುದಿಲ್ಲ, ಆಡಳಿತಾರೂಢ ಬಿಜೆಪಿ ದ್ವೇಷವನ್ನು ಸಾಮಾನ್ಯವೆಂದು ತೋರುತ್ತಿದೆ ಎಂದು ರಾಹುಲ್ ಗಾಂಧಿ ತಮ್ಮ X (ಟ್ವಿಟರ್) ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.
ದ್ವೇಷವು ರಾತ್ರೋರಾತ್ರಿ ಕಾಣಿಸಿಕೊಳ್ಳುವುದಿಲ್ಲ. ಅದನ್ನು ಪ್ರತಿದಿನ ವರ್ಷಗಳಿಂದ, ವಿಶೇಷವಾಗಿ ನಮ್ಮ ಯುವಕರಿಗೆ, ವಿಷಕಾರಿ ವಿಷಯ ಮತ್ತು ಬೇಜವಾಬ್ದಾರಿ ಕಥೆಗಳ ಮೂಲಕ ಪೋಷಿಸಲಾಗುತ್ತಿದೆ. ಆಡಳಿತಾರೂಢ ಬಿಜೆಪಿಯ ನಾಯಕತ್ವವು ದ್ವೇಷವನ್ನು ಸಾಮಾನ್ಯವೆಂದು ತೋರಿಸಿ ಕೊಟ್ಟಿದೆ. ಭಾರತವು ಭಯ ಮತ್ತು ನಿಂದನೆಯ ಮೇಲೆ ಅಲ್ಲ, ಗೌರವ ಮತ್ತು ಏಕತೆಯ ಮೇಲೆ ನಿರ್ಮಿಸಲ್ಪಟ್ಟಿದೆ ಎಂದು ರಾಹುಲ್ ಹೇಳಿದರು.
ನಮ್ಮದು ಪ್ರೀತಿ ಮತ್ತು ವೈವಿಧ್ಯತೆಯ ದೇಶ. ನಾವು ನಮ್ಮ ದೇಶವನ್ನು ಏನಾಗಲು ಬಿಡುತ್ತಿದ್ದೇವೆ ಎಂಬುದರ ಕುರಿತು ನಾವು ಯೋಚಿಸಬೇಕು ಮತ್ತು ಎದುರಿಸಬೇಕು ಎಂದರು. ನನ್ನ ಸಹಕಾರ ಚಕ್ಮಾ ಕುಟುಂಬ ಮತ್ತು ತ್ರಿಪುರ ಮತ್ತು ಈಶಾನ್ಯದ ಜನರೊಂದಿಗೆ ಇವೆ. ನಿಮ್ಮನ್ನು ನಮ್ಮ ಸಹ ಭಾರತೀಯ ಸಹೋದರ ಸಹೋದರಿಯರು ಎಂದು ಕರೆಯಲು ನನಗೆ ಹೆಮ್ಮೆಯಿದೆ ಎಂದು ಅವರು ಹೇಳಿದರು. ಕೊಲೆಗೆ ಕಾರಣರಾದ ಎಲ್ಲರನ್ನೂ ಬಂಧಿಸಲಾಗುವುದು ಎಂದು ಉತ್ತರಾಖಂಡ ಮುಖ್ಯಮಂತ್ರಿ ಪುಷ್ಕರ್ ಸಿಂಗ್ ಧಾಮಿ ಭರವಸೆ ನೀಡಿದ್ದಾರೆ ಎಂದು ತ್ರಿಪುರ ಮುಖ್ಯಮಂತ್ರಿ ಮಾಣಿಕ್ ಸಹಾ ಭಾನುವಾರ ತಿಳಿಸಿದ್ದಾರೆ,(ಏಜನ್ಸೀಸ್).