ಕೊಟ್ಟಿದ್ದ ಚಿನ್ನ, ಹಣ ವಾಪಸ್ ಕೇಳಿದ್ದೇ ತಪ್ಪಾಯ್ತಾ?; ಎಣ್ಣೆ ಕುಡಿಸಿ, ಕೊಲೆ ಮಾಡಿದ ಮಾಜಿ ಮನೆ ಕೆಲಸದಾಕೆ..Gujarat Woman Murder

ಮೃತರು ಶಾಂತಿಬೆನ್​ ಅಕೇಡಿವಾಲಾ ಎಂದು ಗುರುತಿಸಲಾಗಿದೆ. ಆರೋಪಿ ರೇಖಾ ರಾಥೋಡ್ ಎಂಬಾಕೆ ಮತ್ತು ಅವರ ಪತಿ ತೇಜಭಾಯ್ ರಾಥೋಡ್ ಶಾಂತಿ ಬೆನ್​ರಿಗೆ ಮದ್ಯ ನೀಡಿ ಕೊಲೆ ಮಾಡಿದ್ದಾಗಿ ತಿಳಿದುಬಂದಿದೆ.

ರೇಖಾ ರಾಥೋಡ್ ಮತ್ತು ಅವರ ಪತಿ ತೇಜಭಾಯ್ ರಾಥೋಡ್    ಮೂಲತಃ ಅಹಮದಾಬಾದ್‌ನವರಾಗಿದ್ದು, ಪ್ರಸ್ತುತ ಪಾಲನ್‌ಪುರದಲ್ಲಿ ವಾಸಿಸುತ್ತಿದ್ದಾರೆ. ಜೊತೆಗೆ ರೋಹಿತ್ ಮಕ್ವಾನಾ ಮತ್ತು ವಿಷ್ಣುಭಾಯ್ ವಾಲ್ಮೀಕಿಯನ್ನು ಪಾಲನ್​ಪುರ ನಗರ ಪಶ್ಚಿಮ​ ಪೊಲೀಸರ ವಶದಲ್ಲಿದ್ದಾರೆ ಎನ್ನಲಾಗಿದೆ.

ಮಾರ್ಚ್​ 22ರಂದು ಶಾಂತಿ ಬೆನ್​ ಕಾಣೆಯಾಗಿದ್ದರು ಆಕೆಯ ಕುಟುಂಬಸ್ಥರು ನೀಡಿದ ದೂರಿನ ಅನುಸಾರ ಪೊಲೀಸರು ಆಕೆಯನ್ನು ಪತ್ತೆಹಚ್ಚಲು ಹುಡುಕಾಟ ನಡೆಸಿದರು. ಈ ವೇಳೆ ಕೊಲೆ ವೃತ್ತಾಂತವು ಬೆಳಕಿಗೆ ಬಂದಿದೆ ಎನ್ನಲಾಗಿದೆ.

ಆರೋಪಿ ರೇಖಾ ರಾಥೋಡ್​ ಅವರು, ಶಾಂತಿ ಬೆನ್​ ಅವರ ಕುಟುಂಬದಲ್ಲಿ 15 ವರ್ಷಕ್ಕೂ ಹೆಚ್ಚು ಕಾಲ ಕೆಲಸ ಮಾಡಿದ್ದಳು.  ಮೊದಲು ಆಕೆಗೆ ಕೆಲಸದಾಕೆಯಾಗಿ ಪರಿಚಯವಾದ ಇವರು, ನಂತರ ಆಕೆಯ ಆಪ್ತ ಸ್ನೇಹಿತೆಯಾಗಿ ಬಿಟ್ಟರು. ಹೀಗೆ ಆಕೆಯ ಮನೆಯಲ್ಲಿ ಕೆಲಸ ಮಾಡೋದನ್ನು ಬಿಟ್ಟ ರೇಖಾ ರಾಥೋಡ್​ ಪಾಲನ್​ಪುರದಲ್ಲಿರುವ ಹನುಮಾನ್​ ಟೆಕ್ರಿ ರಸ್ತೆ ಬಳಿ ಪೀಠೋಪಕರಣ ಅಂಗಡಿಯನ್ನು ಇಟ್ಟು ಮಾರಾಟ ಮಾಡಲು ಶುರು ಮಾಡಿದರು. 

ಒಂದು ವರ್ಷದ ಹಿಂದೆ  ಶಾಂತಿ ಬೆನ್ ತನ್ನ ಗೆಳತಿ ರೇಖಾಳ ಬ್ಯುಸಿನೆಸ್​ನಲ್ಲಿ ಸಹಾಯ ಮಾಡಲು ಇಚ್ಛಿಸಿ  79 ಲಕ್ಷ ಮೌಲ್ಯದ ಚಿನ್ನಾಭರಣ ಮತ್ತು 2 ಲಕ್ಷ ಹಣವನ್ನು ಸಾಲವಾಗಿ ನೀಡಿದ್ದರು.  ವ್ಯವಹಾರದಲ್ಲಿ ಲಾಭ ಕಂಡ ನಂತರ ವಾಪಸ್​ ಮಾಡೋದಾಗಿ ಆಕೆ ಹೇಳಿಕೊಂಡಿದ್ದರು. 

ಎಲ್ಲ ಚೆನ್ನಾಗಿಯೇ ಇದ್ದಾಗ ಶಾಂತಿ ಬೆನ್​  ತಾನು ಕೊಟ್ಟಿದ್ದ ಅಮೂಲ್ಯ ವಸ್ತುವನ್ನು ಕೇಳಿದರು.  ಆಗಲೇ ಕೊಲೆಗೆ ಸಂಚು ರೂಪಿಸಿದರು. ಶಾಂತಿ ಬೆನ್ ಜೊತೆ ಮಾತನಾಡುವುದಾಗಿ ಮಾರ್ಚ್ 22ರ ರಾತ್ರಿ ರೇಖಾ ಅವರ ಪೀಠೋಪಕರಣ ಅಂಗಡಿಗೆ ಕರೆಸಿಕೊಂಡಿದ್ದಳು ಮೊದಲು ಆಕೆ ಮದ್ಯ ಸೇವಿಸಲು ಕೊಟ್ಟು ಆ ನಂತರ ರೇಖಾ ಮತ್ತು ಆಕೆಯ ನಾಲ್ವರು ಸಹಾಯಕರು ಕ್ರೂರವಾಗಿ ಕೊಲೆ ಮಾಡಿದ್ದಾರೆ. 

ಇದನ್ನು ಓದಿ: 

ಮೃತ ಶಾಂತಿ ಬೆನ್​ ದೇಹವನ್ನು ಕಂಬಳಿಯಲ್ಲಿ ಸುತ್ತಿ, ಪ್ಲಾಸ್ಟಿಕ್ ಚೀಲದಲ್ಲಿ ತುಂಬಿಸಿ ಪಾಲನ್‌ಪುರದ ಆದಾಯ ತೆರಿಗೆ ಕಚೇರಿ ಬಳಿಯ ಮುಚ್ಚಿದ ಕಾಂಪೌಂಡ್‌ನ ಶಟರ್ ಅನ್ನು ಒಡೆದು, ಮೃತದೇಹವನ್ನು ಒಳಗೆ ಇರಿಸಿ, ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿ ಸಾಕ್ಷ್ಯಗಳನ್ನು ನಾಶಮಾಡಲು ಯತ್ನಿಸಿದ್ದಾರೆ.

ಮಾರ್ಚ್ 23 ರಂದು ಶಾಂತಿಬೆನ್ ನಾಪತ್ತೆಯಾದ ಪ್ರಕರಣ ಬೆಳಕಿಗೆ ಬರುತ್ತಲೇ ಪೊಲೀಸರು ಎಚ್ಚೆತ್ತು ಹುಡುಕಾಟ ಶುರು ಮಾಡಿದರು.ನಂತರ ಸಿಸಿಟಿವಿ ದೃಶ್ಯಾವಳಿಗಳಲ್ಲಿ  ರೇಖಾಳ ಅಂಗಡಿಗೆ ಪ್ರವೇಶಿಸಿ ನಂತರ ಅಲ್ಲಿಂದ ಹೊರ ಬರದೇ ಇರುವುದು ಅನುಮಾನಕ್ಕೆ ಕಾರಣವಾಯ್ತು. ವಿಚಾರಣೆ ನಡೆಸಿದಾಗ ಆರೋಪಿಗಳಲ್ಲಿ ಒಬ್ಬನು ತಪ್ಪೊಪ್ಪಿಕೊಂಡಿದ್ದಾನೆ.

ಕೊಲೆ, ಕ್ರಿಮಿನಲ್ ಪಿತೂರಿ ಮತ್ತು ಸಾಕ್ಷ್ಯ ನಾಶದ ಅಪರಾಧ ದಾಖಲಿಸಲಾಗಿದೆ, (ಏಜೆನ್ಸೀಸ್​).