ಚಿನ್ನ, ಬೆಳ್ಳಿಗೆ ಭಾರೀ ಪೆಟ್ಟು: ಆಭರಣ ಪ್ರಿಯರಿಗೆ ಬಜೆಟ್ ಬಳಿಕ ಬಿಗ್ ಗಿಫ್ಟ್..!
ನವದೆಹಲಿ: ಜಾಗತಿಕ ಮಾರುಕಟ್ಟೆಯ ಸಂಚಲನದಿಂದಾಗಿ ಭಾರತೀಯ ಮಾರುಕಟ್ಟೆಯಲ್ಲಿ ಗುರುವಾರ (ಫೆ.12) ಬೆಲೆಬಾಳುವ ಲೋಹಗಳ ಬೆಲೆ(Gold-Silver Price Drop) ಇಳಿಕೆಯಾಗಿದೆ. ಅಮೆರಿಕದ ಉದ್ಯೋಗ ಮಾರುಕಟ್ಟೆಯ ದತ್ತಾಂಶಗಳು ನಿರೀಕ್ಷೆಗಿಂತ ಉತ್ತಮವಾಗಿ ಬಂದ ಹಿನ್ನೆಲೆಯಲ್ಲಿ, ಹತ್ತಿರದ ಭವಿಷ್ಯದಲ್ಲಿ ಬಡ್ಡಿದರ ಕಡಿತವಾಗುವುದಿಲ್ಲ ಎಂಬ ಆತಂಕ ಹೂಡಿಕೆದಾರರಲ್ಲಿ ಮೂಡಿದೆ. ಇದರಿಂದಾಗಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಡಾಲರ್ ಮೌಲ್ಯ ಏರಿಕೆಯಾಗಿ, ಚಿನ್ನದ ಬೆಲೆ ಇಳಿಮುಖವಾಗಿದೆ.
MCX ಮಾರುಕಟ್ಟೆಯಲ್ಲಿ ದರ ಇಳಿಕೆ
ಮಲ್ಟಿ ಕಮೋಡಿಟಿ ಎಕ್ಸ್ಚೇಂಜ್ (MCX) ನಲ್ಲಿ ಚಿನ್ನದ ಫ್ಯೂಚರ್ಸ್ ಬೆಲೆ ₹1,58,000ಕ್ಕೆ ಅಲ್ಪ ಕುಸಿತದೊಂದಿಗೆ ಆರಂಭವಾಯಿತು. ಒಂದು ಹಂತದಲ್ಲಿ ಇದು ₹1,57,701ರ ಕನಿಷ್ಠ ಮಟ್ಟಕ್ಕೆ ತಲುಪಿ, ಹೂಡಿಕೆದಾರರಿಗೆ ಬರೋಬ್ಬರಿ ₹1,054ರಷ್ಟು ನಷ್ಟ ಉಂಟುಮಾಡಿದೆ. ಬೆಳ್ಳಿಯ ಕಥೆಯೂ ಭಿನ್ನವಾಗಿಲ್ಲ; ಬೆಳ್ಳಿ ಫ್ಯೂಚರ್ಸ್ ₹2,60,000ಕ್ಕೆ ಇಳಿಕೆಯಾಗಿದ್ದು, ಶೇ. 1.15ರಷ್ಟು ನಷ್ಟ ಅನುಭವಿಸಿದೆ.
ಭಾರತದ ಪ್ರಮುಖ ನಗರಗಳಲ್ಲಿ ಇಂದಿನ ದರ (ಪ್ರತಿ 10 ಗ್ರಾಂ)
ನಗರ- 24 ಕ್ಯಾರೆಟ್ (ಚಿನ್ನ)- 22 ಕ್ಯಾರೆಟ್ (ಚಿನ್ನ) - ಬೆಳ್ಳಿ (ಪ್ರತಿ ಕೆಜಿ)
ಬೆಂಗಳೂರು/ಮುಂಬೈ- ₹1,58,400- ₹1,45,200 - ₹2,95,000
ದೆಹಲಿ- ₹1,58,550 -₹1,45,350 - ₹2,95,000
ಕೋಲ್ಕತ್ತಾ- ₹1,58,400 - ₹1,45,200 -₹2,95,000
ಚೆನ್ನೈ- ₹1,59,280 -₹1,46,000- ₹3,00,000
ಜಾಗತಿಕ ಮಾರುಕಟ್ಟೆಯ ಪ್ರಭಾವ
ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಾಮೆಕ್ಸ್ ಚಿನ್ನದ ಬೆಲೆ ಪ್ರತಿ ಔನ್ಸ್ಗೆ ಸರಿಸುಮಾರು 5,075.8 ಡಾಲರ್ಗೆ ಇಳಿಕೆಯಾಗಿದೆ. ಅಮೆರಿಕದ ಡಾಲರ್ ಸೂಚ್ಯಂಕವು ಬಲಗೊಂಡಾಗ ಹೂಡಿಕೆದಾರರು ಚಿನ್ನದ ಮೇಲೆ ಹೂಡಿಕೆ ಮಾಡುವ ಬದಲು ಡಾಲರ್ ಮೇಲೆ ಒಲವು ತೋರುತ್ತಾರೆ. ಇದು ಮಾರುಕಟ್ಟೆಯಲ್ಲಿ ಚಿನ್ನದ ಮಾರಾಟದ ಒತ್ತಡವನ್ನು ಹೆಚ್ಚಿಸಿ ಬೆಲೆ ಇಳಿಕೆಗೆ ಕಾರಣವಾಗುತ್ತದೆ.
ಹೂಡಿಕೆದಾರರ ಗಮನಕ್ಕೆ
ಈ ವರ್ಷದ ಜನವರಿಯಲ್ಲಿ ಚಿನ್ನದ ಬೆಲೆ ಸಾರ್ವಕಾಲಿಕ ಗರಿಷ್ಠ ಮಟ್ಟ ತಲುಪಿತ್ತು. ಆದರೆ ಫೆಬ್ರವರಿ ಆರಂಭದಿಂದಲೇ ಇಳಿಕೆಯ ಹಾದಿಯಲ್ಲಿರುವುದು ಮಾರುಕಟ್ಟೆಯಲ್ಲಿನ ಅಸ್ಥಿರತೆಯನ್ನು ತೋರಿಸುತ್ತಿದೆ. ಮದುವೆಯ ಸೀಸನ್ಗಳಿದ್ದರೂ ಜಾಗತಿಕ ಆರ್ಥಿಕ ನೀತಿಗಳು ದೇಶೀಯ ಬೆಲೆಯ ಮೇಲೆ ಹೆಚ್ಚಿನ ಪ್ರಭಾವ ಬೀರುತ್ತಿವೆ,(ಏಜೆನ್ಸೀಸ್).