ಅಂಬಾನಿ ಕುಟುಂಬಕ್ಕೆ ಜಾಗತಿಕ ಮನ್ನಣೆ: ಬ್ಲೂಮ್‌ಬರ್ಗ್‌ನ 25 ಶ್ರೀಮಂತ ಕುಟುಂಬಗಳ ಪಟ್ಟಿಯಲ್ಲಿ ಸ್ಥಾನ!

ಹೌದು, ಈ ಪಟ್ಟಿಯಲ್ಲಿ ವಾಲ್ಟನ್ (Walmart) ಕುಟುಂಬ $513.4 ಬಿಲಿಯನ್‌ನೊಂದಿಗೆ ಮೊದಲ ಸ್ಥಾನದಲ್ಲಿದೆ, ನಂತರ ಅಲ್ ನಹ್ಯಾನ್ (UAE ಆಡಳಿತ ಕುಟುಂಬ) ಮತ್ತು ಇತರರಿದ್ದಾರೆ. ಈ ಪಟ್ಟಿ ಜಾಗತಿಕ ದೀರ್ಘಕಾಲೀನ ಕುಟುಂಬ ಸಾಮ್ರಾಜ್ಯಗಳನ್ನು ಒಳಗೊಂಡಿದೆ. ಇದು ಭಾರತದ ಆರ್ಥಿಕ ಬೆಳವಣಿಗೆಯನ್ನು ಪ್ರತಿಬಿಂಬಿಸುತ್ತದೆ. ಆದರೆ, ಇನ್ನೂ ಹಲವು ಭಾರತೀಯ ಕುಟುಂಬಗಳು (ಉದಾ: ಅದಾನಿ, ಜಿಂದಾಲ್ ಇತ್ಯಾದಿ) ವೈಯಕ್ತಿಕ ಬಿಲಿಯನೇರ್ ಪಟ್ಟಿಗಳಲ್ಲಿ ಇದ್ದರೂ ಕುಟುಂಬ ಆಧಾರಿತ ಜಾಗತಿಕ ಪಟ್ಟಿಯಲ್ಲಿ ಅಂಬಾನಿ ಕುಟುಂಬ ಒಂದೇ ಒಂದು ಮಾತ್ರ ಸ್ಥಾನ ಪಡೆದಿದೆ.

ರಿಲಯನ್ಸ್ ಇಂಡಸ್ಟ್ರೀಸ್‌ನ ಮೂಲಕ ಧಿರುಭಾಯ್ ಅಂಬಾನಿ ಅವರು ಆರಂಭಿಸಿದ ಸಾಮ್ರಾಜ್ಯವನ್ನು ಮುಖೇಶ್ ಅಂಬಾನಿ ಅವರು ಇದೀಗ ಮುನ್ನಡೆಸುತ್ತಿದ್ದಾರೆ. ಅಂಬಾನಿ ಕುಟುಂಬದ ಒಟ್ಟು ಆಸ್ತಿ ಸುಮಾರು $105.6 ಬಿಲಿಯನ್ (ಸು.105.6 ಶತಕೋಟಿ ಡಾಲರ್) ಆಗಿದೆ. ಬ್ಲೂಮ್‌ಬರ್ಗ್‌ನ ಪಟ್ಟಿಯಲ್ಲಿ ಅಂಬಾನಿ ಕುಟುಂಬ 8ನೇ ಸ್ಥಾನ ಪಡೆದಿದೆ.

ವಿಶ್ವದ ಅತ್ಯಂತ ಪ್ರಭಾವಶಾಲಿ ವ್ಯಾಪಾರ ರಾಜವಂಶಗಳಲ್ಲಿ ಅಂಬಾನಿ ಕುಟುಂಬ ಒಂದಾಗಿದೆ. ಕುಟುಂಬದ ವಿಶಾಲ ಸಾಮ್ರಾಜ್ಯವಾದ ರಿಲಯನ್ಸ್ ಇಂಡಸ್ಟ್ರೀಸ್, ಇಂಧನ, ಪೆಟ್ರೋಕೆಮಿಕಲ್ಸ್ ಮತ್ತು ದೂರಸಂಪರ್ಕದಂತಹ ಪ್ರಮುಖ ಕ್ಷೇತ್ರಗಳನ್ನು ವ್ಯಾಪಿಸಿದೆ ಮತ್ತು ಡಿಜಿಟಲ್ ಸೇವೆಗಳು ಮತ್ತು ಸುಸ್ಥಿರತೆ-ಕೇಂದ್ರಿತ ವ್ಯವಹಾರಗಳಾಗಿ ಸ್ಥಿರವಾಗಿ ವಿಸ್ತರಿಸಿದೆ.

ಅಂಬಾನಿ ಕುಟುಂಬವು ಭಾರತದ ಅತ್ಯಂತ ಪ್ರಭಾವಿ ಮತ್ತು ಶ್ರೀಮಂತ ವ್ಯಾಪಾರ ಕುಟುಂಬಗಳಲ್ಲಿ ಒಂದು, ಮುಖ್ಯವಾಗಿ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (RIL) ಮೂಲಕ ಜಗತ್ತಿನಾದ್ಯಂತ ಪ್ರಸಿದ್ಧಿ ಪಡೆದಿದೆ. ಈ ಕುಟುಂಬದ ಇತಿಹಾಸವು ಧಿರುಭಾಯ್ ಅಂಬಾನಿ ಅವರ ದೂರದೃಷ್ಟಿ ಮತ್ತು ಕಠಿಣ ಪರಿಶ್ರಮದಿಂದ ಆರಂಭವಾಗಿ, ಇಂದು ಜಾಗತಿಕ ಸಾಮ್ರಾಜ್ಯವಾಗಿ ಬೆಳೆದಿದೆ.

1960 ದಶಕದಲ್ಲಿ ಧಿರುಭಾಯ್ ಅವರು ಟೆಕ್ಸ್‌ಟೈಲ್ ಉದ್ಯಮಕ್ಕೆ ಕಾಲಿಟ್ಟರು. ಅವರು "ವಿಮಲ್" ಎಂಬ ಬ್ರ್ಯಾಂಡ್ ಅನ್ನು ಆರಂಭಿಸಿದರು.ಇದು ಭಾರತದಲ್ಲಿ ಜನಪ್ರಿಯ ಟೆಕ್ಸ್‌ಟೈಲ್ ಬ್ರ್ಯಾಂಡ್ ಆಯಿತು. 1977ರಲ್ಲಿ ರಿಲಯನ್ಸ್ ಅನ್ನು ಸಾರ್ವಜನಿಕ ಕಂಪನಿಯಾಗಿ ಮಾರ್ಪಡಿಸಿದರು. ಇದು ಭಾರತೀಯ ಷೇರು ಮಾರುಕಟ್ಟೆಯಲ್ಲಿ ಕ್ರಾಂತಿಕಾರಿ ಹೆಜ್ಜೆಯಾಗಿತ್ತು. ಕಂಪನಿಯು ಪೆಟ್ರೋಕೆಮಿಕಲ್ಸ್, ರಿಫೈನಿಂಗ್ ಮತ್ತು ಟೆಲಿಕಾಂಗೆ ವಿಸ್ತರಿಸಿತು. 1980ರ ದಶಕದಲ್ಲಿ ರಿಲಯನ್ಸ್ ಭಾರತದ ಅತಿದೊಡ್ಡ ಕಂಪನಿಗಳಲ್ಲಿ ಒಂದಾಯಿತು,(ಏಜೆನ್ಸೀಸ್).