ಜಾರ್ಖಂಡ್​​ನಲ್ಲಿ ತೀವ್ರಗೊಂಡ ಹೋರಾಟ: ಸಿಎಂ ಜೊತೆ ಮಾತ್ರ ಮಾತುಕತೆ; ಸರ್ಕಾರಕ್ಕೆ ದೇವೇಂದ್ರ ಮಹ್ತೊ ಎಚ್ಚರಿಕೆ! Devendra Mahto

ಜಾರ್ಖಂಡ್​: ಕಳೆದ 17 ದಿನಗಳಿಂದ ರಾಜ್ಯ ಸರ್ಕಾರ ನಡೆಸುವ ಪರೀಕ್ಷೆಗಳಲ್ಲಿ ನಡೆಯುತ್ತಿರುವ ಅಕ್ರಮಗಳನ್ನು ವಿರೋಧಿಸಿ, ಜಾರ್ಖಂಡ್​ನಲ್ಲಿ ವಿದ್ಯಾರ್ಥಿಗಳು ಪ್ರತಿಭಟನೆ ನಡೆಸುತ್ತಿದ್ದಾರೆ.

ಸೋಮವಾರ (ಆ.10) ಈ ಹೋರಾಟ ಇನ್ನಷ್ಟು ತೀವ್ರವಾಗಿದ್ದು, ವಿಧಾನಸಭೆ ಮುತ್ತಿಗೆಗೆ ಪ್ರತಿಭಟನಾಕಾರರು ಮುಂದಾಗಿದ್ದಾರೆ. ಈ ಸಮಯದಲ್ಲಿ ಮಾತನಾಡಿದ ವಿದ್ಯಾರ್ಥಿ ನಾಯಕ, ದೇವೇಂದ್ರ ಮಹ್ತೊ (Devendra Mahto), ನಮ್ಮ ಬೇಡಿಕೆ ಇಡೇರುವವರೆಗೆ ಹೋರಾಟ ನಿಲ್ಲುವುದಿಲ್ಲ ಎಂದು ಸರ್ಕಾರಕ್ಕೆ ಎಚ್ಚರಿಕೆ ನೀಡಿದ್ದಾರೆ.

ಇದೇ ಸಮಯದಲ್ಲಿ ಪ್ರತಿಭಟನಾಕಾರರನ್ನು ಉದ್ದೇಶಿಸಿ ಮಾತನಾಡಿದ ದೇವೇಂದ್ರ ಮಹ್ತೊ, ನಾವು ಇನ್ಮುಂದೆ ಸರ್ಕಾರದ ಯಾವುದೇ ನಿಯೋಗದ ಜೊತೆಗೆ ಮಾತುಕತೆ ನಡೆಸುವುದಿಲ್ಲ, ಮಾತುಕತೆ ನಡೆದರೆ ಅದು ಸಿಎಂ ಹೇಮಂತ್​ ಸೊರೆನ್​ ಜೊತೆಗೆ ಮಾತ್ರ ಎಂದು ಹೇಳಿದ್ದಾರೆ.

ಸೋಮವಾರ ಜಾರ್ಖಂಡ್​ನಲ್ಲಿ ಪ್ರತಿಭಟನೆ ತೀವ್ರಗೊಂಡಿದ್ದು, ಹೋರಾಟಗಾರರು ವಿಧಾನಸಭೆ ಮುತ್ತಿಗೆಗೆ ಮುಂದಾಗಿದ್ದಾರೆ. ಈ ಸಂದರ್ಭದಲ್ಲಿ ಪೊಲೀಸರು, ಪ್ರತಿಭಟನಾಕಾರರ ಮೇಲೆ ಲಾಠಿ ಚಾರ್ಜ್​, ಅಶ್ರುವಾಯು ಹಾಗೂ ಜಲ ಫಿರಂಗಿಯನ್ನು ಬಳಕೆ ಮಾಡಿದ್ದಾಗಿ ವರದಿಯಾಗಿದೆ, (ಏಜನ್ಸೀಸ್).