ಡೆಬಿಟ್ ಕಾರ್ಡ್ ಬಳಸುವಾಗ ಅಪ್ಪಿತಪ್ಪಿ ಈ ತಪ್ಪುಗಳನ್ನು ಮಾಡಲೇಬೇಡಿ... ಈ 6 ವಿಚಾರಗಳು ನಿಮ್ಮ ಗಮನಕ್ಕಿರಲಿ! Debit Card
- ಡೆಬಿಟ್ ಕಾರ್ಡ್ ಬಳಸುವಾಗ ಸಣ್ಣ ನಿರ್ಲಕ್ಷ್ಯದಿಂದ ದೊಡ್ಡ ನಷ್ಟದ ಅಪಾಯ
- ಪಾಸ್ ವರ್ಡ್ ರಚನೆಯಲ್ಲಿ ಎಚ್ಚರಿಕೆ ವಹಿಸಿ ರಕ್ಷಿಸಿಕೊಳ್ಳಿ
- ಯಾರಿಗೂ ಒಟಿಪಿ ಹಂಚಿಕೊಳ್ಳದೆ ಆನ್ಲೈನ್ ವಂಚನೆ ತಡೆಯಿರಿ
- ಎಟಿಎಂ ಕೇಂದ್ರಗಳಲ್ಲಿ ಪಿನ್ ನಮೂದಿಸುವಾಗ ಎಚ್ಚರವಹಿಸಿ
ಇತ್ತೀಚಿನ ದಿನಗಳಲ್ಲಿ ಡೆಬಿಟ್ ಕಾರ್ಡ್ ಹಾಗೂ ಆನ್ಲೈನ್ ಪಾವತಿಗಳ ಮೂಲಕ ನಡೆಯುವ ವಂಚನೆ ಪ್ರಕರಣಗಳು ಹೆಚ್ಚಾಗುತ್ತಿವೆ. ಸಣ್ಣ ನಿರ್ಲಕ್ಷ್ಯದಿಂದಲೂ ಕೆಲವೊಮ್ಮೆ ದೊಡ್ಡ ಮಟ್ಟದ ಹಣ ಕಳೆದುಕೊಳ್ಳುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಅನುಮಾನಾಸ್ಪದ ಕರೆ, ಮೆಸೇಜ್ ಅಥವಾ ಲಿಂಕ್ಗಳಿಗೆ ಪ್ರತಿಕ್ರಿಯಿಸದೆ ಎಚ್ಚರಿಕೆ ವಹಿಸುವುದು ಅಗತ್ಯ.
1. ಬಲವಾದ ಪಾಸ್ ವರ್ಡ್ ರಚಿಸಿ
ATM ಪಿನ್ ರಚಿಸುವಾಗ 4 ಅಥವಾ 6 ಅಂಕಿಯ ಪಾಸ್ವರ್ಡ್ ರಚಿಸಿ. ನಿಮ್ಮ ಬಳಿ ಒಂದಕ್ಕಿಂತ ಹೆಚ್ಚು ಕಾರ್ಡ್ಗಳಿದ್ದರೆ, ಎಲ್ಲಾ ಕಾರ್ಡ್ಗಳಿಗೂ ಒಂದೇ ಪಾಸ್ವರ್ಡ್ ರಚಿಸಬೇಡಿ. ಇದರಿಂದಾಗಿ ಪಿನ್ ಗುಪ್ತತೆಯನ್ನು ಕಾಪಾಡಲು ಸಹಕಾರಿಯಾಗುತ್ತದೆ.
ಆನ್ಲೈನ್ ಪಾವತಿ ವೇಳೆ ಬರುವ OTP ಅನ್ನು ಯಾರಿಗೂ ತಿಳಿಸಬೇಡಿ. ಅನುಮಾನಾಸ್ಪದ ಕರೆ ಅಥವಾ ಸಂದೇಶಗಳಿಗೆ ಪ್ರತಿಕ್ರಿಯಿಸುವುದನ್ನು ತಪ್ಪಿಸಿ. ಅಗತ್ಯವಿದ್ದಾಗ ಮಾತ್ರ OTP ಬಳಸಿ.
3. ATM ಬಳಸುವಾಗ ಎಚ್ಚರಿಕೆ ವಹಿಸಿ
ATMನಲ್ಲಿ ಕಾರ್ಡ್ ಹಾಕುವ ಮೊದಲು ಯಂತ್ರದಲ್ಲಿ ಯಾವುದೇ ಅಸಾಮಾನ್ಯ ಸಾಧನವಿದೆಯೇ ನೋಡಿ. PIN ನಮೂದಿಸುವಾಗ ಕೀಪ್ಯಾಡ್ ಅನ್ನು ಕೈಯಿಂದ ಮುಚ್ಚಿಕೊಳ್ಳಿ. ವಹಿವಾಟು ಮುಗಿದ ನಂತರ ಎಲ್ಲವನ್ನು ಕ್ಲಿಯರ್ ಮಾಡಿ.
4. ಆನ್ಲೈನ್ ಪಾವತಿಯಲ್ಲಿ ಜಾಗರೂಕರಾಗಿರಿ
ವಿಶ್ವಾಸಾರ್ಹ ವೆಬ್ಸೈಟ್ ಅಥವಾ ಅಪ್ಲಿಕೇಶನ್ಗಳಲ್ಲಿ ಮಾತ್ರ ಕಾರ್ಡ್ ಬಳಸಿ. ಅಪರಿಚಿತ ಲಿಂಕ್ಗಳ ಮೂಲಕ ಪಾವತಿ ಮಾಡಲು ಹೋಗಬೇಡಿ. ಕಾರ್ಡ್ ವಿವರಗಳನ್ನು ಅನಗತ್ಯವಾಗಿ ಯಾವುದೇ ವೆಬ್ಸೈಟ್ನಲ್ಲಿ ಉಳಿಸಬೇಡಿ.
5. ವಹಿವಾಟುಗಳನ್ನು ಪರಿಶೀಲಿಸಿ
ಬ್ಯಾಂಕ್ SMS ಅಥವಾ ಆ್ಯಪ್ನಲ್ಲಿ ಬರುವ ವಹಿವಾಟುಗಳ ಮಾಹಿತಿಯನ್ನು ಗಮನಿಸಿ. ನೀವು ಮಾಡದ ಯಾವುದೇ ವ್ಯವಹಾರ ಕಂಡುಬಂದರೆ ತಕ್ಷಣ ಬ್ಯಾಂಕ್ಗೆ ತಿಳಿಸಿ. ಖಾತೆಯ ಸ್ಟೇಟ್ಮೆಂಟ್ ಪರಿಶೀಲಿಸಿ.
6. ಕಾರ್ಡ್ ಕಳೆದರೆ ತಕ್ಷಣ ಬ್ಲಾಕ್ ಮಾಡಿ
ಡೆಬಿಟ್ ಕಾರ್ಡ್ ಕಳೆದುಹೋದರೆ ವಿಳಂಬ ಮಾಡದೆ ಬ್ಯಾಂಕ್ಗೆ ತಿಳಿಸಿ.ಕಾರ್ಡ್ ಅನ್ನು ತಕ್ಷಣ ಬ್ಲಾಕ್ ಮಾಡಿಸುವುದರಿಂದ ದುರುಪಯೋಗದ ಅಪಾಯ ಕಡಿಮೆಯಾಗುತ್ತದೆ.ಬ್ಯಾಂಕ್ನ ಅಧಿಕೃತ ಆ್ಯಪ್ ಅಥವಾ ಸಹಾಯವಾಣಿ ಬಳಸಿ ಕ್ರಮ ಕೈಗೊಳ್ಳಿ.