ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರದ ದೋಡಾದಲ್ಲಿ ಭಾನುವಾರ (ಏ.12) 4.6 ತೀವ್ರತೆಯ ಭೂಕಂಪ (Earthquake) ಸಂಭವಿಸಿದ್ದು, ಜನರಲ್ಲಿ ಆತಂಕ ಮನೆ ಮಾಡಿದೆ ಎಂದು ಭಾರತದ ರಾಷ್ಟ್ರೀಯ ಭೂಕಂಪಶಾಸ್ತ್ರ ಕೇಂದ್ರ (NCS) ತನ್ನ ಅಧಿಕೃತ ಹೇಳಿಕೆಯಲ್ಲಿ ಸ್ಪಷ್ಟಪಡಿಸಿದೆ.
ಆದಾಗ್ಯೂ, ಭೂಕಂಪವು 10 ಕಿ.ಮೀ ಆಳದಲ್ಲಿ ಸಂಭವಿಸಿದ್ದು, ಕೇಂದ್ರಬಿಂದು 33.090 N ಅಕ್ಷಾಂಶ ಮತ್ತು 75.928 E ರೇಖಾಂಶದಲ್ಲಿದೆ.
ಪೋಸ್ಟ್ನಲ್ಲೇನಿದೆ?
ರಾಷ್ಟ್ರೀಯ ಭೂಕಂಪಶಾಸ್ತ್ರ ಕೇಂದ್ರ ತನ್ನ ಎಕ್ಸ್ ಖಾತೆಯಲ್ಲಿ ಭೂಕಂಪವು ಏಪ್ರಿಲ್ 12, 2026 ರಂದು ಮುಂಜಾನೆ 04:37:19ಕ್ಕೆ ಸಂಭವಿಸಿದೆ. ಆದಾಗ್ಯೂ, ಭೂಮಿಯ ಮೇಲ್ಮೈಯಿಂದ ಕೇವಲ 10 ಕಿಲೋಮೀಟರ್ ಆಳದಲ್ಲಿ ಈ ಕಂಪನ ಉಂಟಾಗಿದ್ದು, ಇದರ ಕೇಂದ್ರಬಿಂದು ದೋಡಾ ಜಿಲ್ಲೆಯ ಅಕ್ಷಾಂಶ 33.090 N ಮತ್ತು ರೇಖಾಂಶ 75.928 E ಭಾಗದಲ್ಲಿದೆ ಎಂದು ಗುರುತಿಸಲಾಗಿದೆ.
ಭೂಮಿಯ ಮೇಲ್ಮೈ ನಡುವೆ ಮತ್ತು ಮೇಲ್ಮೈಯಿಂದ ಸುಮಾರು 700 ಕಿಲೋಮೀಟರ್ ಕೆಳಗೆ ಎಲ್ಲಿ ಬೇಕಾದರೂ ಭೂಕಂಪಗಳು ಸಂಭವಿಸಬಹುದು. ವೈಜ್ಞಾನಿಕ ಉದ್ದೇಶಗಳಿಗಾಗಿ, 0 - 700 ಕಿಮೀ ಆಳದ ಈ ಭೂಕಂಪದ ಆಳದ ವ್ಯಾಪ್ತಿಯನ್ನು USGS ದತ್ತಾಂಶದ ಪ್ರಕಾರ ಮೂರು ವಲಯಗಳಾಗಿದ್ದು, ಆಳವಿಲ್ಲದ, ಮಧ್ಯಂತರ ಮತ್ತು ಆಳವಾದ ಎಂದು ವಿಂಗಡಿಸಲಾಗಿದೆ ಎಂದು ತಿಳಿಸಿದೆ.
ಏತನ್ಮಧ್ಯೆ, ಭಾನುವಾರ ಮ್ಯಾನ್ಮಾರ್ನಲ್ಲಿ 4.0 ತೀವ್ರತೆಯ ಮತ್ತೊಂದು ಭೂಕಂಪ ಸಂಭವಿಸಿದ್ದು, 140 ಕಿಲೋಮೀಟರ್ ಆಳದಲ್ಲಿ ಕಂಪನ ಉಂಟಾಗಿದೆ ಎಂದು ಎನ್ಸಿಎಸ್ ತಿಳಿಸಿದೆ.
ಸಾಮಾನ್ಯವಾಗಿ ಆಳವಿಲ್ಲದ ಭೂಕಂಪಗಳು ಆಳವಾದ ಭೂಕಂಪಗಳಿಗಿಂತ ಹೆಚ್ಚು ಅಪಾಯಕಾರಿ ಏಕೆಂದರೆ ಅವು ಉತ್ಪತ್ತಿಯಾಗುವ ಭೂಕಂಪನ ಅಲೆಗಳು ಮೇಲ್ಮೈಗೆ ಪ್ರಯಾಣಿಸಲು ಕಡಿಮೆ ದೂರವನ್ನು ಹೊಂದಿರುತ್ತವೆ. ಜೊತೆಗೆ ಹೆಚ್ಚು ತೀವ್ರವಾದ ಭೂಕಂಪಕ್ಕೆ ಕಾರಣವಾಗುತ್ತದೆ ಮತ್ತು ಹೆಚ್ಚಿನ ಹಾನಿಯನ್ನುಂಟುಮಾಡುತ್ತದೆ ಎಂದು ನಿರೀಕ್ಷಿಸಲಾಗಿದೆ (ಏಜೆನ್ಸೀಸ್).