ಹೊರ್ಮುಜ್​ ಜಲ ಮಾರ್ಗಕ್ಕೆ ಟ್ರಂಪ್​ ಶುಲ್ಕ ವಸೂಲಿ! ಭಾರತಕ್ಕೆ ತೆರಿಗೆ ಹೊರೆ ಇದ್ಯಾ? ಅಷ್ಟಕ್ಕೂ ಏನಿದೆ ನಿಯಮ?

Hormuz Transit Charge: ಇರಾನ್​ ಜತೆಗಿನ ಘರ್ಷಣೆ ನಡುವೆಯೇ ಹೊರ್ಮುಜ್ ಜಲ ಮಾರ್ಗದಲ್ಲಿ ಭದ್ರತೆ ಒದಗಿಸುವ ನಿಟ್ಟಿನಲ್ಲಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್​ ಹೊರಡಿಸಿರುವ ಆದೇಶ ಸದ್ಯ ಹಲವು ರಾಷ್ಟ್ರಗಳ ಪಿತ್ತ ನೆತ್ತಿಗೇರಿಸಿದೆ.

ಹಡಗುಗಳು ಪಾಸ್​ ಆಗಲು ತೆರಿಗೆ ಪಾವತಿಸಬೇಕೆಂದು ಸೂಚಿಸಿರುವ ಟ್ರಂಪ್​, ಸರಕುಗಳ ಮೌಲ್ಯದ ಮೇಲೆ ಶೇ.20ರಷ್ಟು ತೆರಿಗೆ ಪಾವತಿಸಲು ಆದೇಶ ಹೊರಡಿಸಿದ್ದಾರೆ. ಹೊರ್ಮುಜ್ ಜಲಸಂಧಿಯಲ್ಲಿ ಇರಾನ್‌ನಿಂದ ಭದ್ರತೆ ಒದಗಿಸುತ್ತಿರುವುದರಿಂದ ಈ ತೆರಿಗೆಯನ್ನು ಪಾವತಿಸುವುದು ಅನಿವಾರ್ಯ ಎಂದು ಹೇಳಿದ್ದಾರೆ. ಆದಾಗ್ಯೂ, ಟ್ರಂಪ್ ಮಾತಿನಂತೆ ಭಾರತವು ಅಮೆರಿಕಕ್ಕೆ 20ರಷ್ಟು ತೆರಿಗೆಯನ್ನು ಕಟ್ಟುವುದು ಕಡ್ಡಾಯವೇ ಅಥವಾ ಅಂತಹ ನಿಯಮ ಏನಾದರೂ ಇದೆಯಾ ಎಂಬ ಪ್ರಶ್ನೆಗೆ ಹೀಗಿದೆ ಉತ್ತರ.

ವಿಶ್ವಸಂಸ್ಥೆಯ ಸಾಗರ ಮಂಡಳಿಯ ನಿಯಮಗಳ ಪ್ರಕಾರ, ಹೊರ್ಮುಜ್ ಜಲ ಮಾರ್ಗ ಉಚಿತ ಪ್ರಯಾಣವಾಗಿದೆ. ಆ ಮಾರ್ಗದ ಮೂಲಕ ಹಾದುಹೋಗುವ ವಾಣಿಜ್ಯ ಹಡಗುಗಳು ಯಾರಿಗೂ ತೆರಿಗೆ ಪಾವತಿಸುವ ಅವಶ್ಯಕತೆಯಿಲ್ಲ. ಅದು ಇರಾನ್ ಆಗಿರಲಿ ಅಥವಾ ಅಮೆರಿಕವೇ ಆಗಿರಲಿ. ಯಾರೂ ಸುಂಕವನ್ನು ಕಟ್ಟುವ ಅನಿವಾರ್ಯವೂ ಇಲ್ಲ.

ನಿಯಮಗಳ ಪ್ರಕಾರ, ಭಾರತವು ಅಮೆರಿಕಕ್ಕೆ ಯಾವುದೇ ತೆರಿಗೆ ಪಾವತಿಸಬೇಕಾಗಿಲ್ಲ. ಅಕಸ್ಮಾತ್ ಕಟ್ಟಲೇಬೇಕು ಎಂದರೆ, ಭಾರತಕ್ಕೆ ನಿಜಕ್ಕೂ ಪರಿಸ್ಥಿತಿ ಕಠಿಣವಾಗಲಿದೆ. ಕಾರಣ, ಭಾರತ ಆಮದು ಮಾಡಿಕೊಳ್ಳುವ ಕಚ್ಚಾ ತೈಲದ ಶೇ.40ರಷ್ಟು ಈ ಮಾರ್ಗದ ಮೂಲಕ ಆಮದು ಮಾಡಿಕೊಳ್ಳಲಾಗುತ್ತದೆ. ಅಲ್ಲದೆ, ಶೇ.60ರಷ್ಟು ಎಲ್​ಪಿಜಿ ಕೂಡ ಈ ಮಾರ್ಗದಿಂದಲೇ ಬರುತ್ತದೆ. ವಾಸ್ತವವಾಗಿ, 90ರಷ್ಟು ಎನ್​ಎನ್​ಜಿ ಕೂಡ ಈ ಹೊರ್ಮುಜ್​ನಿಂದಲೇ ಸಾಗಿಸಲ್ಪಡುತ್ತದೆ ಮತ್ತು ಭಾರತಕ್ಕೆ ಬರುತ್ತದೆ. ಈ ಲೆಕ್ಕಾಚಾರದಲ್ಲಿ, ದೊಡ್ಡ ಪ್ರಮಾಣದ ತೆರಿಗೆಗಳನ್ನು ಪಾವತಿಸಬೇಕಾಗುತ್ತದೆ.

ಕಚ್ಚಾ ತೈಲವನ್ನು ಬ್ಯಾರೆಲ್‌ಗಳಲ್ಲಿ ಖರೀದಿಸಲಾಗುತ್ತದೆ. ಒಂದು ಬ್ಯಾರೆಲ್‌ನ ಪ್ರಸ್ತುತ ಬೆಲೆ 80 ಡಾಲರ್‌. ಒಂದು ದೊಡ್ಡ ಕಚ್ಚಾ ತೈಲ ಹಡಗು ಸುಮಾರು 2 ಮಿಲಿಯನ್ ಬ್ಯಾರೆಲ್ ತೈಲವನ್ನು ಸಾಗಿಸುತ್ತದೆ. ಅಂದರೆ, ಒಂದು ದೊಡ್ಡ ಹಡಗಿನಲ್ಲಿ ತಂದ ಕಚ್ಚಾ ತೈಲದ ಬೆಲೆ ಸುಮಾರು 160 ಮಿಲಿಯನ್ ಡಾಲರ್‌ಗಳು ಎನ್ನಲಾಗಿದೆ. ಅದರ ಮೇಲೆ ಶೇ.20ರಷ್ಟು ತೆರಿಗೆ ಪಾವತಿಸಲು ಹೇಳಿದರೆ, ಅದು ಸುಮಾರು 32 ಮಿಲಿಯನ್ ಡಾಲರ್‌ಗಳಿಗೆ ಸಮ. ಈ ಬೆಲೆಯನ್ನು ಭಾರತೀಯ ಕರೆನ್ಸಿಯಲ್ಲಿ ನೋಡುವುದಾದರೆ, ಬರೋಬ್ಬರಿ 300 ಕೋಟಿ ರೂ.ಗೂ ಅಧಿಕ ತೆರಿಗೆ.

ಅಮೆರಿಕ ಹೊರ್ಮುಜ್​ಗೆ ತೆರಿಗೆ ವಿಧಿಸಿದರೆ, ಭಾರತದಲ್ಲಿ ಬೆಲೆಗಳು ಗಗನಕ್ಕೇರುವುದು ಖಚಿತ. ಈಗಾಗಲೇ ಹೆಚ್ಚಿನ ಬೆಲೆಗಳ ಜತೆಗೆ ಟ್ರಂಪ್‌ಗೆ ತೆರಿಗೆಗಳ ರೂಪದಲ್ಲಿ ಇನ್ನೂ 300 ಕೋಟಿ ರೂ.ಗಳನ್ನು ಪಾವತಿಸಿದರೆ, ಆ ಹೊರೆ ತೈಲ ಕಂಪನಿಗಳ ಮೇಲೆ ಬೀಳುತ್ತದೆ. ತೈಲ ಕಂಪನಿಗಳು ಅದನ್ನು ಸ್ವಯಂಚಾಲಿತವಾಗಿ ಜನರಿಗೆ ವರ್ಗಾಯಿಸುತ್ತವೆ. ಆಗ ಪೆಟ್ರೋಲ್, ಡೀಸೆಲ್ ಮತ್ತು ಅನಿಲ ಬೆಲೆಗಳು ಬೇರೆ ದಾರಿಯಿಲ್ಲದೆ ದಿಢೀರ್​ ಹೆಚ್ಚಾಗುವ ಸಾಧ್ಯತೆಯಿದೆ. ಡೀಸೆಲ್ ಬೆಲೆಗಳು ಹೆಚ್ಚಾದರೆ, ಅದು ಸಾರಿಗೆಯ ಮೇಲೆ ಪರಿಣಾಮ ಬೀರುತ್ತದೆ. ಅಗತ್ಯ ವಸ್ತುಗಳು, ತರಕಾರಿಗಳು ಮತ್ತು ಇತರ ವಸ್ತುಗಳ ಬೆಲೆಗಳು ಕ್ರಮೇಣವಾಗಿ ಏರುತ್ತವೆ.

ವಾಸ್ತವವಾಗಿ, ಹೊರ್ಮುಜ್ ಜಲಸಂಧಿಯಲ್ಲಿ ಪಾವತಿಸಲು ಯಾವುದೇ ತೆರಿಗೆ ಇಲ್ಲ. ಆದರೆ, ಇತ್ತೀಚಿನ ಪರಿಸ್ಥಿತಿಯಲ್ಲಿ, ಇರಾನ್ ಪ್ರತಿ ಹಡಗಿಗೆ ಸುಮಾರು 2 ಮಿಲಿಯನ್ ಡಾಲರ್ ತೆರಿಗೆಯನ್ನು ಸಂಗ್ರಹಿಸುತ್ತಿದೆ. ಅಂದರೆ, ನಮ್ಮ ಕರೆನ್ಸಿಯಲ್ಲಿ ಸುಮಾರು 20 ಕೋಟಿ ರೂ. ಅದೂ ಯುಎನ್ ಮ್ಯಾರಿಟೈಮ್ ಬೋರ್ಡ್ ಅನುಮತಿಯಿಲ್ಲದೆ. ಈಗ ಟ್ರಂಪ್ ಬಂದು ಒಂದೇ ಬಾರಿಗೆ 20 ಮಿಲಿಯನ್ ಡಾಲರ್ ಪಾವತಿಸಲು ಹೇಳಿದರೆ, ಅದು ಭಾರತಕ್ಕೆ ಸಮಸ್ಯೆ ತಂದಿಡುತ್ತದೆ,(ಏಜೆನ್ಸೀಸ್).